Ubisoft賽車大作《The Crew》(現已推出)

@肥狗仔@

那些年當@肥狗仔@仲玩緊GTA嘅時候，駕駛住跑車一邊喺橫街小巷奔馳，一邊觸犯若干刑事罪行，有時真係會忽發奇想，心唸第時會唔會有一款遊戲能夠提供開發式城市大地圖同時亦能將賽車作為遊戲主要核心部份呢。雖然有關嘅想法過往已經有唔少人喺GTA的模組上實現過，但始終未見有相關的原創IP出現過。然而勢估唔到向來與Racing遊戲冇咩緣份嘅Ubisoft會黎個捷足先登，將一款真正的開發式賽車遊戲正式帶入次世代主機之上。《The Crew》作為Ubisoft年尾主打大作，不單止塑造了史上最大的"賽道"，更引進了車隊系統，集結全球一眾飛車好手將美國各大城市與公路逐一反轉。適逢遊戲近日進行BETA封測，對賽車遊戲唔算太熱衷的@肥狗仔@都走黎趁下熱鬧，喺度分享少少上手後感。

今次測試用的PC配置了GTX650ti顯卡，操作上用上萬能的X360手掣。基於650ti的性能，@肥狗仔@只好相信系統default所推薦的畫面設置，亦即是中等特效(1080+30frame per second)。出黎效果還算唔錯，日間光照渲染﹑火花還有汽車模型都俱一定水準。尤其是在車損系統下，可見各種跑車的細緻部份都經得起視覺上的考驗。當然你話係咪俾人一種次世代感覺...始終佢係開放式遊戲，唔能夠與《DriveClub》或者《Project Cars》哩類有特定空間的遊戲一概而論，況且@肥狗仔@的PC實在冇辦法玩特效全開，哩個問題就留返比各版友自行定斷啦。

遊戲一開始就喺犯罪之都底特律展開，大概係講主角的兄弟被腐敗警察聯同當地飛車黨合謀殺害，而自己則被誣衊成殺人凶手被判入獄。五年之後FBI開始追捕該名腐敗警察及劊子手飛車黨"510"首領，為此當局希望借助主角的一手好車來接近"510"，而主角亦渴望報仇，兩者一拍即合成就了《The Crew》單機故事的主旋律。

雖然故事聽落有板有眼(倒不如話似曾相識)，不過可能開發團隊都唔想見到同樣的開放地圖+跑車會令其變成一隻山寨"俠盜獵車手"，所以除咗一般駕駛體驗之外，玩家無緣操作主角人物周街行。此舉作為一款賽車遊戲係理所當然，但又促使《The Crew》回到同類遊戲的死胡同裡面— 缺乏人物刻劃。賽車遊戲，玩家見得最多唔係自己部車就係賽道，至於車手係咩樣甚少人會在意，不過自Need For Speed引入電影般的劇情後，車手作為故事主人翁重要性逐漸提高，可惜大部份遊戲入面此等角色在描寫上卻淪為賽車的陪襯品。同樣情況在本作上高可謂變本加厲，因為遊戲是開放式設計，玩家好多時候唔會被主線故事捆綁，繼而以自己的喜好上天下海，導致主角的存在感微上加微。

遊戲開始已經有幾台靚車選擇，@肥狗仔@就揀咗Nissan Z34

除第三身視點之外，玩家可以一鍵切換到唔同視點

其實與其強行加入劇情任務，倒不如讓玩家創造自定義角色與好友自成一派更好，之所以有咁嘅唸法，係因為遊戲本身就已經建立起一套完善的框架讓《The Crew》變成猶如MMO的架構。喺遊戲入面，系統會將唔同玩家分配到同一版圖，平時同枱食飯各自修行，但當某某玩家觸發任務嘅時候，佢就可以選擇邀請版圖上的陌生玩家co-op解任或者叫自己的車隊成員幫拖。玩家又可以選擇自己一支公完成任務，但咁做只會令遊戲失去原有光彩。而重點係，當你邀請其他玩家加入同時，遊戲仍在進行，唔需要好似以往咁喺配對大廳上呆等，一旦被人拒絕，亦能夠走得瀟灑。

網上配對唔洗等幾耐就有玩家加入

遊戲地圖在視覺上覆蓋咗全美國，由紐約到芝加哥再到賭城拉斯維加斯，儘管當中難免會有微縮成份，但的確俱備開放式地圖的應有模樣。對於嗰啲打偏天下無敵手嘅玩家想要轉換一下心情亦可以自導一齣屬於自己的公路電影，穿梭美國各大城市及洲份。

本作快速旅行嘅存在比《Assassin's Creed IV Black Flag》更礙眼，唔係連揸車都嫌耐嗎?

車輛改裝係Racing遊戲不可或缺的一環，《The Crew》就將該元素與遊戲的大地圖共治一爐。通過比賽，玩家能夠獲取金錢及經驗，還有用於升級的汽車部件。除此以外，每個版圖都佈滿林林總總的支線任務。每個支線任務要求各異，好似有速度測試﹑靈活性挑戰等。玩家在進行有關任務時可以選擇放置幽靈車作自我挑戰或邀請好友一決高下。

完成任務可獲得經驗值及升級部件

不論係主線或支線定還是其他玩家，都會被標示在地圖及畫面上

唔好以為《The Crew》只係一款將舞台轉為大城市的Racing game，玩起上黎你會發現遊戲的玩法稱得上多元，唔會要求玩家一味鬥快。以遊戲一開始的幾個主線任務為例，玩家須要在人多車多的鬧市與時間競賽，又要運用技巧逃過差佬的追截，又或者利用場地上的隠藏捷徑追上並撞毀目標車輛。過程中玩家的愛駒更會受HP所限，想靠撞過關嘅朋友好大機會會出現連續卡關情況，事關繁華大都會的路面充斥住正在安全駕駛的車輛，要保持速度同時又要避車。若果冇隊友幫手"分散投資"，難度絕對要比一般賽車遊戲高出幾個檔次。

主線任務下，玩家每次都可以駕駛唔同靚車

假如玩家撞得太應，遊戲就會出現電影式慢鏡以作鼓勵

沒有任務在身，玩家亦須留意在監視器下要安全至上，一旦撞到車/人分分鐘會惹來警察

@肥狗仔@雖則深知本作處於BETA測試階段，考慮到一切都已經成型，故依舊抱住demo心態去審視哩隻《The Crew》。從今次封測的表演，撇除部份雞毛蒜皮的小bug，遊戲整體質素係可圈可點的。即使個人唔肯定單純將GTA嗰種開放式設定借題發揮係咪一條可行嘅道路，至少《The Crew》仍能突顯過中的新鮮感。

*《The Crew》將於本年11月11日登陸PC，PS4，XBO及X360。

最後感謝Ubisoft提供是次BETA測試碼。

lkljason

請問有什麼品牌嘅車選擇？

DVD迷

之前睇過，話有得玩一種好似遊車河的玩法，好過癮的

@肥狗仔@

lkljason 發表於 2014-8-28 18:17
請問有什麼品牌嘅車選擇？

個人覺得如果佢將遊戲定位成MMORAC，有付費新車機會唔細。反正佢係Ubisoft嗎XD

http://www.videogamepeople.com/5880/the-crew-qa-at-e3-2014/

5.        How many car licensors are in THE CREW?
THE CREW will offer a large variety of vehicles from revered manufacturers. From the mythical Lamborghini Aventador to the iconic Chevrolet Impala, expect the best from most major manufacturers. And with 6 specs to choose from, there are unlimited amounts of driving experiences in reach. Because, at its core, that’s what THE CREW is all about!

阿定

我裝左但玩唔到！

@肥狗仔@

阿定 發表於 2014-8-28 22:50
我裝左但玩唔到！

upgrade吓部機啦

day2013

[YoutubeHD]SCwKNxJJKdY&list[/YoutubeHD]

原明

玩碰碰車

@肥狗仔@

UBISOFT(r) 宣布《THE CREWTM》將在11月 25 至 27 日

展開 PS4、Xbox One 公開測試活動

PSN 與 Xbox LIVE 會員免費試玩體驗，一同於次世代上飄移！

[YoutubeHD]ECkn7H4ABWc[/YoutubeHD]

香港 – 2014年11月24日 – Ubisoft(r) 今日宣布線上競速遊戲 《The Crew》將於 11 月 25 日至 27 日間，於 PS4 與 Xbox One 平台上展開公開測試活動。測試期間玩家將可透過 PSN 與 Xbox LIVE 免費下載《The Crew》公測版本，暢行全美完整開放世界，以及遊玩全美五大地區中 Midwest 與 East Coast 兩大遊戲區域的賽事與任務，包含這兩個地區的 PvP 大廳、以及五大類改裝規格中街道版與越野版套件。

隨心所欲駕駛、不受束縛地漫遊在廣大開放式世界，這段旅途上駕馭永不孤單。在《The Crew》中，玩家將能暢行全美國，在這個線上世界中遭遇各式各樣的競速挑戰。遊戲的線上社交經驗會讓玩家無接縫地和其他線上玩家、不論是身旁的好友或偶遇的路人組成車隊，發展個人生涯、尋覓志同道合的車友、改裝自己專屬的車輛，展開一場又一場線上合作或競技對抗，一直到遊戲後期更為激烈刺激的幫派戰。

收錄包含法拉利、藍寶堅尼等眾多真實世界原廠授權車款，《The Crew》以全美本土為藍本打造出數千平方英哩面積的超大開放式遊戲世界、帶來超過 1,000 個著名地標以及多個主要城市場景。從市區到郊外、從縣郡到州省、從海岸到山峰，無論是東岸的紐約、邁阿密、華盛頓特區，中部的芝加哥、聖路易、達拉斯和紐奧良，更可一路直衝西岸的鹽湖城、拉斯維加斯、洛杉磯和舊金山，玩家將可暢行無阻的展開駕馭冒險。



《The Crew》將於 12 月 2 日發售，現已於各大遊戲電玩店接受預訂。PlayStation(r) 4 、Xbox One(r)及PC初回版附送The Crew 型格手機背貼連彈性收納袋；除此之外，凡購買PS4初回版額外獲得「PlayStation Plus 14 天會籍資格」乙個，欲免向隅，請火速行動。

googleli

係咪已經出左??