PlayStation Vita TV 傳媒預覽會實況

@肥狗仔@

PlayStation品牌近年喺全方位家庭娛樂上表現積極。好似其新一代主機PlayStation 4(PS4)就可以與手提遊戲機PlayStation Vita(PSV)聯動，實現以PSV搖距操作PS4以及將PS4影像傳輸至PSV上面。而將於1月16日登陸香港的PS新成員PlayStation Vita TV(PSVTV)則集結咗PS家族的各項特徵，務求成為每個家居中的娛樂平台。喺過去嘅1月9號，Post76就獲Sony Computer Entertainment Hong Kong(SCEH)邀請出席其主辦的"PlayStation Vita TV傳媒預覽會"，將PlayStation系列一貫所強調的電子玩樂與家庭影音通過全新的PSVTV向傳媒逐一展現。

作為一台主打線上下載的及綜合娛樂的電視遊戲機，PSVTV俱備了PSV的性能，可以連線至PlayStation Network(PSN)下載超過600款PSV,PSN,PSP及PS1經典遊戲。主機同時支援最多兩隻DualShock 3手掣，好讓玩家與家人一同投入多采多姿的PS世界。今次的預覽會主辦單位就展出了多款PSVTV遊戲，部份未發售作品好像《Final Fantasy X HD Remaster》的PSV中文版更提供即場試玩。至於上年大放異彩的PSV動作遊戲《Soul Sacrifice》亦有展出其PSVTV版本，配合現場的大電視，使到遊戲中的各種魔怪以最大的"尺寸"震撼在場記者一翻。

喺PSVTV公佈之初@肥狗仔@主觀上就冇將該主機當成PS系列一員，心唸就係類似Ouya將移動平台的遊戲搬上大電視而已。直到預覽會當日試玩過幾款PSVTV遊戲，感覺還算喜出望外。特別係《高達無雙》哩種敵人多﹑血多﹑特效多嘅動作遊戲PSVTV都可以保持到PSV般的流暢度。事實上現時有唔少PSV作品，其規模及質素上絕對媲美家用機遊戲。惟獨是PSV嗰塊細少的OLED屏幕的確令到唔少人卻步。如今PSVTV將流暢的PSV遊戲體驗輸出至電視及其他顯示器，針對部份玩家而言成為了絕對的賣點。

系統介面繼承了PSV的簡潔設計

日服的電影下載服務亦預定會登陸香港

PSVTV並非十全十美，基於PSV遊戲唔支持震動效果，所以即使PSVTV以DualShock 3手掣操作，其震動功能實無用武之地，手感自然失色不少。PSVTV亦不會將遊戲的原生解像度提高，在電視上數倍放大後的結果可想而知係幾咁不濟。可幸係新主機的性價比仍然可觀，此因除咗一般遊戲之外，PSVTV仲可以當作影音平台。SCEH當日就為記者示範了將藍牙鍵盤連接到主機上，繼而瀏覽各種網頁。當中無論係高清影像播放的流暢度及畫面質素都可圈可點。現場還展示日本大熱的網上動畫頻道"niconico"於PSVTV上運行。只要下載相應的app就可以欣賞及使用各種niconico的評論﹑直播功能，包括實時報導NBA最新賽果與資訊的"NBA GAME TIME"。

接上鍵盤，手掌咁大嘅PSVTV即時化身成家用瀏覽器

niconico的彈幕功能盡顯網友創意與幽默。

SECH同時宣佈與和記旗下3家居寬頻合作，推出名為"「全家速」Wi-Fi 玩樂方案"的月費計劃。優惠期內只要申請3家居寬頻的"100M"或"1G"寬頻服務，就可以免費獲得「PlayStation Vita TV
Value Pack」及額外的遊戲與PSN預付卡獎賞。臨近新春，與家人共渡天倫又唸緊有咩合家歡活動，今次介紹嘅哩隻"PlayStation Vita TV"都不失為一個抵玩之選。

PlayStation Vita TV「全家速」Wi-Fi 玩樂方案" 官方新聞犒:
http://post76.hk/forum.php?mod=viewthread&tid=178434&extra=page%3D1

teddyng637

我想問吓, 今次測試完, 你個人嘅感覺如何?

@肥狗仔@

teddyng637 發表於 2014-1-11 11:22
我想問吓, 今次測試完, 你個人嘅感覺如何?

其實抵玩就抵玩的，千蚊鬆D有得玩。但買之前都預咗係玩返PSN/PSP哩類中小規模遊戲。就算係PSV熱門遊戲都唔係100%全數對應，睇你要求啦，反正真係唔算貴。玩落同普通PS2遊戲差唔多，係冇左震動。

chriskbchan

有 PS4 可以用 PSV-TV remote play 係幾吸引, 問題係手掣未能完全對應.

rc1

{:9_404:}

gashapon

好似唔錯咁, 不過我反而想買返ps vista來玩mon hunt , 之前玩開PSP不過PSV一出時太貴最後無轉機