PS4故障再現 (UPDATED: SONY終認錯)

@肥狗仔@ · 發表於 2013-11-14 22:18

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 @肥狗仔@ 於 2013-11-21 00:20 編輯

更新:

11.21
SONY曾表示首發PS4的壞機比率只有0.4%，但各類痛症亦並不只有一兩個板斧。除左HDMI接觸不良的"死亡一藍"之外，最近又有機件過熱而引至的"死亡一紅"。雖然等PS4冷卻後主機可以正常運作，但若果咁都叫冇問題的話，玩家的下限未免太低了。而根據GameInformer的報導，SONY終於承認錯誤，並表示接到各方主機故障的回報，這令其相信有關情況並非極少數個別事件(也不會有太大影響)。同時有部份PS4因運送途中損壞，而所有問題主機計埋不會超過1.0%(上調了)。SONY承諾加快步伐希望解決有關問題。

此外SONY亦提出補救方案，就係加快新主機出貨，確保發生故障的PS4都可以在零售店中順利更換。玩家唔洗呆望家中的遊戲太耐就可以重身投入戰線。

11.15
PS4推出第一天，有關早前的問題報告，SONY向IGN稱出現故障的主機只佔總出貨量的0.4%。這對一部新推出主機而言是預期之內。而大部份玩家對PS4都給予壓倒性的高評價。

PS4仲有半日就登陸北美市場。不過有關該主機的故障報佈就提早洩漏。有部份早前獲零售版PS4的玩家，包括一般玩家和遊戲網站編輯表示他們收到的主機都不約而同地出現影像傳輸問題。最嚴重嘅係開機冇畫面。

Kotaku的編輯Stephen Totilo表示公司過去所測試的demo機在運行上都非常流暢，但最近收到的零售版PS4就出現黑畫面情況。最後發現係HDMI插口出現品質問題，做成接觸不良所致。

第二位倒楣嘅朋友Arogon岩岩喺SONY和Taco Bell舉辦的比賽中贏左一部PS4。滿心歡喜嘅佢開著部機唸住喪玩通銷，點知部電視遲遲收唔到訊號: "我等咗成日，部電視仲係同我講冇料到。"

IGN亦都發現同樣問題，不過今次佢地係玩玩下先至發生的。經過多番測試，包括將主機更新到1.50版本還有索性將電視，HDMI線全部換過，然後reset主機一次。而結果都係一樣。比較奇怪係當編輯將手壓落主機上面嘅時候，電視竟然閃左幾下畫面出黎= =

縱使是次故障只發生在少數主機身上(暫時)，不過首發"出事"都真係唔太吉利。北美果邊點我地唔好理住，只求日後港版的QC會好D。