想同大家講下心底話..........唔岩聽就當冇聽過啦!!!!

小瑟

各位版友好,

近日因為76-FriendClub既事, 而另到小瑟小左上來睇睇版上有咩新野, 早二日收到「版務管理員」通知, 討論帖"彩虹魚HDMI線材"之討論非常之多, 各版友試過都覺得好掂, 而呢條線性價比仲係非常之高, 尤其一眾玩投投的版友, 用落人人有讚冇彈. 本來有平靚正既產品在市場絕對係用家之福, 而我地76友上黎都係希望可以搵到平靚正既產品, 入手提升自己家庭影院既質素, 呢點小瑟絕對明白呢. 所以大家都會在回帖中要求PM有關HDMI如何入手, 實屬正常不過既事.



雖然我地都早有版規列明"嚴禁會員之間私下以任何形式兜售任何類形貨品或服務" 或 "禁止會員留言要求 PM". 但一般來講我地都唔會死古古咁每天就好似公安咁不停來來回回咁睇哂大家D POST睇下有冇犯規, 如果真係咁做, 我諗我自己都唔玩科林了, 我地版管組都希望大家可以在一個自由自在的地方暢所欲言, 又或者在互相交流中玩到心頭好, 但係如果要求PM之情況非常嚴重而另到版管組覺得需要正視的售賣行為出現時, 我們就會執行版規"關帖處理"及"禁言"該名會員.

我們 Post76 是一個公開的影音討論平台, 我們討論的全是影音產品, 難免一定會有商業元素存在, 但我們一直都希望討論版上的所有討論都是以"用家主導"之分享討論, 而非介紹產品或售賣產品為主的文章, 所以我地都好希望如果您係"產品代理", "廠商品牌", 如果真的認為我們 Post76 可以幫助介紹品牌比各位版友認識, 都可以找我們商討如何光明正大地推廣, 呢個一直都係我地認為可以讓大家三嬴之方案, 更加係對代理商戶們的上上之策.



我要講既就係咁多, 我個人其實都係睇主題岩唔岩睇先入POST的, 所以我都未必會知道版上所有既事情, 如果大家對本版或本站有任何意見, 都可以直接PM我呀, 只要唔好介意有時我會遲左覆大家就得勒.


最後希望各位共同建立一個真係用家主導既討論平台, 最緊要當然係日日係度玩得開心啦!!!

SonSon

相信大家都係睇中Post76宏大平台同高質素既版友有潛力推廣產品啫，有好嘢梗係要光明正大介紹比大家，冇需閃閃縮縮，呢D都係版友之福

samyiu

版主英明 ! 有你呢個post 回覆我地。信心返晒黎 ! 只要唔好私下pm人就絕對無問題。我地知道晒了 ! 謝版主 !
(Post76 Android 手機版送出)

alleelarry

76-FriendClub 的確不是一件講就能做得到既事情，自己有幸成為團隊成員之一；目的也只有一個，就是為大家去爭取更多優惠！

在此之前，我們必須要靠大家的努力，共同構建一個有「公信力」既平台；應受性提高了，人家的信任亦會有所提升，最後受惠的就是一眾76會員！

小瑟

samyiu 發表於 2015-6-28 19:31
版主英明 ! 有你呢個post 回覆我地。信心返晒黎 ! 只要唔好私下pm人就絕對無問題。我地知道晒了 ! 謝版主 ! ...

點都好啦, 你地一眾魚魚fans又唔好推得咁誇囉, 成個版咁多開箱, 個個最終都係pm please, 新朋友睇到以為我地咩事呢!!!

keke323

support
期待大王可以拎到團購優惠....到時又可以做福人群

小瑟

keke323 發表於 2015-6-28 19:58
support
期待大王可以拎到團購優惠....到時又可以做福人群

謝KEKE兄支持~~~

pac

物極必反，適可而止。
希望各位師兄可以明白

支持76

小瑟

pac 發表於 2015-6-28 20:08
物極必反，適可而止。
希望各位師兄可以明白

PAC兄我真係好鬼鐘意你, 自動自覺, 又明白事理, 最緊要係.....我感受到你對我果份尊重呢, 雖然我地係老友, 不過你永遠唔會借呢樣野係版上扮大哥, 更加唔會踩界, 再三多謝你!!!!

edison133

Always support Post 76!