本帖最後由 tinsly 於 2013-3-25 03:35 編輯
張敬軒新推出唱片《Pink Dahlia》市面上賣得滿堂紅!
而頭版(德國壓製)更早早斷市,且掀起炒風,小弟見接客要$#*)成交………
接著推出香港壓製,有香水味的第二版.
小弟在選購外國唱片時,往往只挑選歐版或美版,港版免問,原因我介意所有音樂都是由外國製作,但唱片偏偏印有MADE IN HK,甚至中文字…………
不過這次《Pink Dahlia》我又不介意買港版,因為畢竟《Pink Dahlia》都係在中國香港製作的.
況且,我又唔想見到炒風過分熱烈,心諗這次本地製作,質素上應該分野不大(以之前親自聽過的例子為鑑),於是買多隻香味港版,出返份報告,降下溫先!!!
特別鳴謝:Ken哥提供照片
前晚,我用喇叭聽,聽首《未知》,哎?????聽落好似有分別喎………不過當時我可能受酒精影響,精神未必完全集中,於是故且暫緩這評測,留待兩日後,抖夠再試.
今晚,收工後沖定咖啡,開定個壇,再PK!!事關我心有不甘,德版和港版,應該分野不大的!
再用喇叭聽《未知》………………真係有分別喎!!!唔得,轉用Westone 4試!!!! 因為本人記憶力有限,因此每首歌只試頭十幾秒.
《未知》
頭25秒,得一個鋼琴伴奏,港版的琴聲偏扁及濛,有些高音位,完全不及德版般清脆.德版琴高音位係尖上去的;港版則相對地壓住.
人聲方面,港版就較為稍稍仔細點,特別在一些口水聲中.
《完全因你》
想集中試人聲,《完全因你》頭15秒,得軒仔清唱,這曲最合適了.
在一個音量不改變的情況下試,港版人聲過搶,句「迷途失望~」真係有點刺耳;德版則平衡點.
《夜機》
只試頭14秒,聽聽兩支發燒級結他聲,德版聲較尖,不過極度清脆;港版就相對實淨,硬磞磞咁.
《值得》
試了三首,初步結果德版高音聲較清,這情況下,就搵支小提琴測試下.
聽了頭十秒,相比下港版的弦音係極偏極沉,失去小提琴特質.
原本想試下《假的戀愛》的低音,但小弟器材太弱,試唔得真,留待其他ching試試吧!
結論:
我已「收藏」好隻「香味港版」了!
恭喜各早前已購到「頭德水版」的ching,慢慢享受!
未買入這專輯的ching,我建議購入第二水的普通版,因為香水版的味,很臭的!!!!
若想以高價購入「頭德水版」,除非你係張敬軒死硬派粉絲,否則我都絕不建議支持炒價,倒不如將這炒價的差額金錢,用去購買多張本地唱片,支持下現今本地樂壇吧!
PS.我真係有諗過是否出這份報告,事关出完,德版價錢只會繼續高企,但考慮過後,事實歸事實………
|
[複製鏈接]
發表於 2013-3-25 03:12
樓主
