許志安、何韻詩、王菀之賣碟唔過5千張, 東亞禁止出大碟

leonspacey

[壹週刊]

探熱針

2013年02月14日

樂壇一蹶不振，唱片銷量低無可低，賣過一萬張已經要開香檳。放血不如止血，當中東亞唱片開始實施新政策，賣唔過五千張的歌手，一律無大碟出；受影響包括許志安、何韻詩、王菀之、盧凱彤、藍奕邦、劉浩龍，全部只能出細碟（ EP）或單曲。有得繼續出大碟的，只剩三張王牌，劉德華、鄭秀文和楊千嬅。

爭取失敗

歸類一線歌手的許志安、何韻詩，還有剛剛憑《留白》奪得無綫《十大勁歌金曲》金曲金獎的王菀之，表面風光，但實情三人近年推出唱片的銷量都不過五千張。

與其蝕住做，近日東亞唱片內部決定推行新制度，唱片成績賣唔過五千張的歌手，全部無得出大碟，改出成本較低的細碟或單曲碟。

「公司做碟向來好揼本，但大部分歌手都無賣碟保證，長期收支唔平衡。實施收緊政策，改出細碟或者做單曲有助控制成本，情況好似拍戲，刀仔鋸大樹。不過班歌手知道無機會出大碟，好多都唔開心！」一名東亞人說。

將於農曆年同 Big 4開演唱會的許志安，近日亦有新歌《冰山一對》派台，但新歌亦只能出 EP。

「其實安仔都有同公司爭取過，好想喺今年出大碟，但係上張《學愛》 EP賣得二千幾，同規定嘅目標數字距離太遠，梗係拗唔過公司啦！」

出乎意料

至於自以為樂壇天后的何韻詩，唱片銷量亦持續處於低位，之前的《 Heroes》、《無名詩》，分別賣三千張和二千多張，跟同公司但名氣差一大截的藍奕邦，其實差不多。

「阿邦唱片銷量唔高但穩定，一路維持喺二千幾張，大家估唔到嘅係阿詩啲碟會賣得咁差，但公司喺佢身上用嘅資源同心機其實高過藍奕邦好多，可以話冇回報，就算《賈寶玉》做完再做，但收益都係好有限；唔似得安仔，幾乎個個禮拜要做內地演出，唔使半年已經做到數，同公司交代得到！」知情者說。

焗住轉型

網上下載令唱片業潰不成軍，近期因為拍無綫劇《老表，你好嘢！》人氣提高的王菀之，唱片銷量同樣唔達標，出大碟無望。
「公司最唔掂嘅係師兄劉浩龍，佢張《 Le Nouvel》賣得百幾張，公司仲肯幫佢出單曲碟，已經對佢好好！」大碟唔賣得損手爛腳，出單曲爆得到，仍有助維持人氣，否則，歌手只有另覓出路，改行拍劇拍戲。

今時今日，歌手出碟有如倒錢落海，有出冇入。銷量縮水，以東亞旗下歌手為例，賣得到的，只剩劉華、 Sammi、千嬅等天王、天后。




唱片銷量 .................

edlsang

咁樣攪法 , 香港歌手及唱片公司真係吾使玩啦.............

熊貓蛋糕

許志安同十年前相比人氣確實大不如前
何韻詩同王菀之嘅音樂又成日走偏鋒 非主流
但佢哋三位其實都係好認真做緊音樂
近年都有買過佢哋嘅唱片

華仔同Sammi早就上嗮神檯
只要出碟 無論大碟/精選/演唱會都會有大班fans等住買

熊貓蛋糕

清晰圖片

ThinkPet

唔怪之得之前喺咁出Single啦

percyyip

唉，全城要求免費午餐的後果，連自己香港人都唔比錢支持自己人創作，剩係識賴唔好聽、貴，但又走上網download落機……好啦，最後大家都無歌聽了

不過我估個大勢都係會出單曲放上iTunes Store賣多過出實體CD，唱片公司易控制成本，又唔駛點賣廣告

Gentleho

Hai...really bad news.... if this status continues, HK record industry will drop ><!!!

Will

奇就奇在d幾千蚊耳筒越出越多、越出越貴
d人買來插手機聽“壓縮”過既file
唔聽時用來掛頸, 個款型就得, 成件事本末倒置

agic

Will 發表於 2013-2-15 00:28
奇就奇在d幾千蚊耳筒越出越多、越出越貴
d人買來插手機聽“壓縮”過既file
唔聽時用來掛頸, 個款型就得, 成 ...

H记一早系靠唱片之外揾食

h0200231

Will 發表於 2013-2-15 00:28
奇就奇在d幾千蚊耳筒越出越多、越出越貴
d人買來插手機聽“壓縮”過既file
唔聽時用來掛頸, 個款型就得, 成 ...

其實會唔會D發燒碟例如Silver Koo或者陳潔麗等等重賣得好過東亞D歌手呢?如果係咁買個貴耳機就有價值囉