|
首先多謝76團隊同LG搞呢個活動，睇咗76好耐但真係第一次參加活動，雖然平時成日上網睇啲電視評測影片，但原來親身出席活動睇到畫面示範個感受真係唔同，一直有個疑問，點解平同貴嘅電視機價錢可以相差幾倍？經過今次活動終於知點解
平時去開電器鋪播啲demo片放喺平貴電視機都靚，根本就睇唔出平貴嘅分別。而今次活動就用囇平時日常生活嘅用途黎示範，有4k藍光碟、MyTV Super機仔、甚至iPhone 播4k片上電視尼啲生活用途，唔離地抵讃 
個活動有兩點我特別有印象：首先唔同嘅4k播片示範有教到大家留意唔同嘅重點，由黑位表現、流暢度、對白同背景音樂既表現等，真係比我哋認識到點樣去評價一部電視，唔會淨係播幾段靚片就猛喺度讚，真心學到野！而且我留意到用嘅4k藍光碟機都係千零蚊貨仔嘅型號，用普通電源線直插濕電，真係冇出術 
另一點係LG電視個magic remote原來好真係鬼正，個“cursor” 響畫面上好爽快，見主持小瑟全程自已用magic remote操控好爽手，唔係現場睇真係唔知道
最後係活動地點，印象中好少活動會響灣仔搞，唔係今次活動我都唔知原來灣仔有間幾層樓咁大嘅蘇寧，地點唔錯真係幾方便。但始終唔係獨立影音房隔音上始終爭啲，總括嚟講場地影音效果都算唔錯，我全程都好投入唔覺時間過…
同意上面師兄所講個電視優惠可以多幾日俾大家返屋企度下位，始終電視係大型電器，唔係話買就買
希望76以後搞多啲同唔同牌子電視既貼地活動，真心enjoy 
| 
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2020-1-18 03:35
發表於 2020-1-18 18:52
發表於 2020-1-19 17:29
，始終係76文化黎，人人得而做的
!! 不過真係未玩過LG，我意思自己都未買過亦無出席過LG電視活動，個日黎過先知原來LG都好勁，而且佢嘅 on-screen manual 睇落好過個其他兩個大品牌，至於隻 magic remote 自己真係適應唔到。活動安排很流暢，對 76 無懷疑，只係時間再長啲深入些就更好好，而且試玩耐啲就完美。仲有同意上面幾位師兄講，個推廣即場要決定很難搞，應該好似之前活動咁，一係憑信指定期內全線有優惠或一星期內到灣仔店就岩數，始終成兩萬多買部 E9，唔可以話買就買。場地方面，灣仔地鐵旁算十分就腳，呢個場可以唸下搞場 soundbar 活動，上次買畀家人時行很多地方都試唔到，希望再買時呢到試到。
樓主
