「路蘭 」4K 點評+《皇家特工》碟評+《星球大戰8》影評

Hugo Fok

[youtube]g8wHoi3DXLA[/youtube]原本諗住儲埋儲埋 D 錢,  買多幾件新衫過冬至... 而家應該要重新計過數勒...     親食晏時間鬆人過左去碟舖望望, 睇下 <Kingsman> 同 <Dunkirk> 出左未, 點知見到連 Nolan 個 6 套 4K 化經典都上晒架... 有理無理都係即刻入左先...    講真我原本諗住入 <Kingsman> 同 Nolan 三套 4 化經典 <The Prestige> + <Inception> + <Interstellar> (三套我之前都無入過 BD 版), 但小瑟大王之前話未睇過 <Dunkick> , 又想睇下套 4K 化 <Dark Knight> 三部曲有幾掂...  最終都系幫手入埋佢... (順勢又可借機會幫大家睇下邊套最值得一入 )... 而家又個困難位係... 究竟我應該拆封邊個 TITLE 做 Review 先呢 ???  大家請俾多少意見呢   
兩套新片應該畫質頂班啦掛 !!!

簡略點評 :  (更新中)



用大頭做封面... 真係型到震  




<夜神三部曲> 簡略點評 :

<The Dark Knight Rises>  畫: 9/10   聲: 9/10
<The Dark Knight>  畫: 8/10   聲: 8/10
<Batman Begins>  畫: 6/10   聲: 7/10


<The Dark Knight Trilogy>  三集都係用菲林拍攝 + 原生 4K (Native 4K) 後製,  其中畫質最靚 / 最有 4K 感覺既系第三集<The Dark Knight Rises> , 無論系 IMAX 或者普通 2.35:1 畫面都好有 4K 感, 片段如 Bane 系序章個大頭都可以清楚見到個焦點系 Focus 左落佢隻右眼, 有半邊面有多少走 Focus (之前 BD 無咁明顯)。至於 4K 版成個景深同畫面立體層次都強烈左好多, 部分 IMAX 畫面特寫鏡頭直頭清到好似兜口兜面企系你面前咁。至於神作 <The Dark Knight>系畫質方面其實都算不俗, IMAX 鏡頭如 Joker 除面罩一刻, 小丑妝甩粉的效果係 4K 下顯得更淋漓盡致，高空鏡頭如開場一幕大廈玻璃幕牆反射的日光感亦更富層次, 畫面質感和立體感都明顯有所加持。要一提的是 <The Dark Knight> 的 IMAX 鏡頭與普通 2.35:1 的畫質分野都頗為明顯, 2.35:1 場景的畫面顆粒感明顯較多, 但訊噪比都尚算在 4K 畫質的理想範圍。對於經全面修復的 <Batman Begins> ，4K 版黑階部分的雜訊明顯較初版的<Batman Begins>有改善，而整體的色調、畫面風格都相當有顆粒感, 明暗動態雖然不及其後兩集的來得細緻 (高光位仍有少少爆的現象), 算是三集中菲林感最濃的一集。至於聲音方面，三套夜神 4K 其實都只有 DTS-HDMA 5.1 音效，但聲音密度 / 動態 / 音場寬廣度 方面都較 2K 突出。較驚喜的是  <Batman Begins>  /   <The Dark Knight> 兩片有初版的 Dolby TrueHD 改位 DTS-HDMA 5.1 後在細節層次、定位感和頻段分析力方面都有很大改善，場景如 <The Dark Knight Rises> 片首劫機一幕, 槍砲聲、玻璃碎聲甚至連 Bane 對白的清晰度 / 分離度都顯得更有劇院感,。相對 <The Dark Knight Rises>，<Batman Begins>  /   <The Dark Knight> 兩片在音場上雖較第三集略窄，但動態表現、空間軌跡感的表達都非常有交代, 細節位如小丑的主題音樂在 4K 版上都顯得更有詭異感,  在電影感方面絕對沒有欺場。

經典作簡略點評 :

<The Prestige>  畫: 7/10   聲: 8/10
<Inception>  畫: 9/10   聲: 9/10
<Interstellar>  畫: 7/10   聲: 9/10


三集經典作返出 4K 之中，Hugo 覺得 <The Prestige>  算是最有交代的一隻舊片翻出作之一。此片當年用上好幾款 Kodak  的 35mm 菲林作拍攝，經 4K 後製後的畫面仍存在一定的顆粒感，但整體畫質表現就略勝如 <Batman Begins>，黑階層次表現絕對不下於近年以菲林拍攝的新片。至於 <Inception> 雖然並未有收錄任何 IMAX 場景片段, 但整體畫面層次細節都能同近年推出的 4K 新片媲美，細節如片首男主角被捉, 被押送到飯廳一幕, 畫面上方的吊燈在 4K 下顯得更調理清晰、明暗分明，與 BD 版一噠噠的黃色有很大的出入。細節如 Leonardo 額頭上的暗瘡印係 4K 規格下都變得無所遁形。至於 <Interstellar> , Hugo 認為其畫質的驚喜感雖不及  <Inception> 或者  <The Dark Knight Rises>，顆粒感以 2014 上映來講的電影而言是相對較多，但中遠距離的 IMAX 鏡頭都有很強的質才細膩度。至於聲音, 本以為無料到的  <The Prestige> 在動態、音場方面都很非場有大片格，對白聲在室內空間的所營造的迴盪感都非常之逼真自然, 置身感極強。對於 <Inception> 、<Interstellar> 兩套 2010 / 2014  的聲畫大作，4K 版在動態、量感、以致空間層次的表達上都有更埋身到肉的演繹, 即使之前已入手呢兩套作品, 這此 4K 提升算係再一次搵翻個份戲院感覺。  



好鬼中意 4K 版用返晒之前 "獨家版"D 封面做新 COVER

Whysee2017

講畫質梗係試左interstellar 先 可惜無bd版比較下

apple11g

流口水，邊隻有中字？

DVD迷

恭喜

Hugo Fok

Whysee2017 發表於 2017-12-21 14:07
講畫質梗係試左interstellar 先 可惜無bd版比較下

4K 版個 packing 裡面有 2K 版... 可以比較下... 難得今日「應該」可以早收工... 今晚用屏攝同大家比較 / 研究下先...

小龍

弓起弓起

Hugo Fok

DVD迷 發表於 2017-12-21 14:19
恭喜

全部都係系地牢入的 ...    三碟個堆二百尾入手... 隻 <金圈子> 就二百中多 D... 價錢都算係咁啦...  

Hugo Fok

apple11g 發表於 2017-12-21 14:10
流口水，邊隻有中字？

全部都有中字... 睇得開心... 唔洗掛來掛去

DVD迷

話明港版當然有中字，冇中字就唔係叫港版啦？！