Austrian Audio Hi-X60 監聽耳機實試 : 超平直三頻比例調音, 隨身監聽恩物!| 耳機評測

相信之前有睇過 小瑟大王評測片既朋友都記得 Austrian Audio Hi-X65 呢個型號!而今次 Hugo 今次同大家實試既就係佢既姊妹作 X60,同樣奧地利維也納製造,而且規格就同 X65 叮噹碼頭,而且身價更為親民!Hi-X60 係針對混音、母帶製作設計,屬於專業級耳機系列!佢同 Hi-X65 最大分別係 Hi-X65 采用開放式設計,而 Hi-X60 則係密閉式,加上有隔音能力,更適合大家隨身攜帶,係等車、搭車時體驗自己最鍾意的音樂!睇官方資料,佢係爲了針對可係戶外同錄音室使用,耳機用左折疊式設計,佢既頭戴、關節位以及其他關鍵元件都係金屬製作,令耳機可更耐用!不過佢既總體重量都係可維持係 300 克左右!拿上手其實都 OK 輕盈!

Hi-X60 用上 High-Xcursion 44mm單元,配上環形磁鐵技術,能令耳機内空氣能快速流動,可提高聲音量感及層次!為達到最佳減震效果,耳機用左雙層隔音設計,令聲音動態更好,聲音層次更豐富! 至於佢都強調佢既抗阻只有 25Ω,係咪易推就真係要轉頭試真佢啦!!!Hi-X60 係中性偏向,基本上係食咩出咩個種耳機調音!較驚喜是 Hi-X60 在配搭耳擴時能做出相當鬆容的音色細節,以佢當下唔使二千七的身價來講,其實都有一定的客觀性!值得關注係呢隻耳機雖然為 25Ω,但要用得盡佢係動態方面既潛能,Hugo 其實建議大家入手一支 USB DAC、甚至係一部耳擴咁先能夠將既潛力完全發揮! 總括來講我覺得大家係入手 Hi-X60 時需要調整一下心態係:Hi-X60 其實唔係 HiFI 聲底,反而係平衡工作 / 娛樂雙用既專業型耳機!因爲味道比較淡,但當訊源、前級器材有變化,佢都可以輕易 show 到出來! 較適合工作 / 娛樂雙並行的玩家啦!

規格重點

♦ 頻率響應:5 Hz-28 kHz
♦ 阻抗:25Ω
♦ 輸入功率:150毫瓦
♦ 線材(可拆卸):3米
♦ 接頭:3.5mm(1/8英寸)
♦ 轉接頭(隨附):3.5mm至6.3mm(1/8“至1/4”)
♦ 尺寸: 300 x 170 x 85mm
♦ 重量(不含線材):305g


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

Hugo

關於Hugo

電影發燒友一名,自小喜愛睇戲聽歌。對發燒軟件、硬件充滿深究意欲。平時鍾意到影碟舖流連,收集冷門佳作,視影音周邊為精神主要食糧。

觀看所有 Hugo 的文章

相關文章