Skyworth SXD9500 55 吋 OLED TV 實試:入門身價挑戰旗艦 OLED 畫質體驗【電視評測】

今次 Hugo 同大家實試既就係 Skyworth 最新高階 55吋 OLED TV 型號 SXD9500,但價錢仍可維持係普羅大衆可觸及既範圍… 究竟呢部機仲可唔可以 Keep 到個種超身價特質呢!而家即刻同大家開箱睇睇啦!新機預載 Android 10 系統、内置 Google Store 、對應 Google Asistant 語音功能、內置 WIFI 功能及對應藍芽 5.0 連接,並支援  Chromecast 功能,官方定價為大約萬三,以畫質而論其實相當富話題性!SXD9500 用上無邊框設計概念,機背為航空級鋁合金物料 !機身最薄之處僅得 4.8mm 厚,無論座臺或掛牆都非常節省地方!接駁端子方面,SXD9500 擁有 3 組 HDMI 2.0 輸入、2 組 USB 2.0 ,至於 LAN、電視天綫、AV INPUT 及 DIGITAL AUDIO 則每組各一。規格重點上,SXD9500  支援 Dolby Vision 影像、杜比 Atmos 音效,在 HDR10 及 SDR  狀態下可對應 Filmmaker Mode 電影工作者模式。硬件處理方面,此電視預載了 Cha-meleon Extreme 2.0 (變色龍) 影像處理器,可硬解比 H.265 更先進的 AV1 影像編碼,並擁有 120Hz 動態補償(MEMC)技術,以保障畫面的流暢度!

實試方面,我地用上 Netflix《屍戰朝鮮:雅信傳》作測試,可發現在 OLED 面板在昏黑場景中都能做到極高對比效果,細節如火光位、烟霧等效果在夜景下都活靈活現!再利用 Pioneer LX800 實試《哥斯拉對金剛》4K 碟在 Dolby  Vision 及 Atmos 下表現!實試片末維港大戰一幕,背景中的大量 LED 燈火細節都能足本還原! 再試 XBOX Series X 的籃球遊戲時,手眼同步感非常好!就畫質而言,Skyworth SXD9500 55 吋 OLED TV 在色準表現及電影感的還原力可直逼日韓的中階電視系列,加上 SDR 及 HDR 模式得到 Filmmaker MODE 的輔助,都令此機的色彩管理更專業更能反映電影原意!至於 SXD9500 能在睇 Netflix 及睇碟時輸出 Dolby Vision 及 Atmos 訊號,而且實際效果都非常不俗,都超越了大家對其身價的預期! 較可惜是此電視未有 HDMI 2.1 功能,亦省去 ARC 聲音回傳功能,在新時代硬件的支援上亦存在明顯的進步空間!但作爲 Budget 預算超有限,而且有意將最大比例的資金投放至畫質上,SXD9500 的 OLED 畫質表現,絕對有足夠的參考價值!

規格重點

♦ 預載 Android 10 系統、内置 Google Store
♦ 對應 Google Asistant 語音功能
♦ 內置 WIFI 功能、對應藍牙 5.0 連接及支援 Chromecast 功能
♦ 定價:HKD $12,900


🙋‍ ★ 想睇版友討論以上文章?? 《點我進入討論》



🏠 ★ Post76網店經已開幕 《store.post76.hk》


Hugo

關於Hugo

電影發燒友一名,自小喜愛睇戲聽歌。對發燒軟件、硬件充滿深究意欲。平時鍾意到影碟舖流連,收集冷門佳作,視影音周邊為精神主要食糧。

觀看所有 Hugo 的文章

相關文章