Arlo Essential 無線智能視像門鈴,免拉線都可用APP睇邊個搵你!【智能家居】

上年我地搬左到新 Studio 之後,裝修時都裝左好幾部 Arlo 的防盜 Cam來作保安之用。本來都想係屋企裝埋方便返工時可以睇下對仔女,但屋企"中央"就唔想我成日睇到佢地偷懶,所以就一直都冇裝到。但見到 Arlo 原來除左 Cam 之外,佢地都有無線門鈴的。呢個對於有時出左街,有快遞送件來屋企都想可以方便知道係送件,叫佢先放係門口,或者係保安的用途之下,都不失為一件唔錯的新玩具呢。小瑟一時身痕就入手左呢部 Arlo Essential DoorBell無線視像的門鈴。而最正既係……..小瑟唔洗又再裝另一個App去睇Cam畫面麻。一APP攪掂!😁唔講咁多,睇開箱先。

無線視訊門鈴,最重要當然係無線啦。佢用你家中WiFi就可以睇到畫面呢。
呢隻門鈴功能係勁多的

設定簡單,新手一步步教學極易用!

今次全新的 Arlo Essential Doorbell 無線視訊門鈴,就係用上無線電池供電設計,唔洗拉任何線都可以無線放畫面到手機,大家只要跟住個手機APP既設定方法一步步咁做設定,就已經可以了!呢個都係小瑟想入手的原因之一。而呢款智能門鈴,當然就係有人按鈴時會即時以手機APP作出通話啦,小瑟實試過按下門鈴之後,大既2-4秒左右手機已經收到通話要求,而除左語音通話之外,仲可以作視像對話,而且聲畫表現也非常不錯,但當然如果你收信號的網絡唔太好就會有影響啦。

記緊先了解你的Wi-Fi訊號仲係咪足夠呀!

Arlo Essential 無線智能視像門鈴只需要在連接到你家中Wifi的位置,連接到Wi-Fi就已可使用。所以大家如果係想入手,都一定要睇下你屋企門口關左門之後,Wi-Fi訊號仲係咪足夠,因為如果想流暢地視像同音訊對話,都一定要有足夠的Wi-Fi訊號就會更好呢。之後裝好個 Arlo APP就可以開始設定架勒!

功能方面,Arlo Essential 無線視訊門鈴提供 180 度超廣闊對角視野及 1:1 正方形畫面比例,解像度有1536 x 1536,角度能作拍攝全身影像,亦備有雙向語音功能,呢個最好就係同順豐哥仔叫佢擺低快遞件係門口都得勒。而電池方面,官方聲稱每次充電可持續使用 3 至 6 個月,但亦都可以用返傳統接線持續供電,只需要 8V AC 和 24V AC 之間的電壓就可以了。

Conclusion:「 算是買個安心呢!」

部Arlo Essential 無線視訊門鈴小瑟已經裝左2個星期了。有時晚上聽到走廊有聲都會開枝Cam睇下咩事。有時就算返工都會開來睇下,其實都算多個防盜作出。而如果大家想keep Record作錄影,就需要訂閱 Arlo Smart 服務後,系統就會自動將所有偵測到的行動都會記錄在雲端上,比你跟隨時睇返。不過呢個服務就要另外收費的。大家可以自行訂閱勒。

Arlo Essential 無線智能視像門鈴焦點功能

● 直連 WiFi 路由器輕鬆設置
● 180 度廣視角查看門外情況
● HDR / 夜視攝影強化
● APP 接收按鈴通知
● 手機遠距視訊電話
● 鋰充電池 / 門鐘電線兩種安裝方式
● 耐候設計 – 防雨水、耐高溫、抗 UV
● 透過 Google / Alexa 智能助理控制
● 支持 Apple Watch / Google Home Hub / Echo Show 智能屏幕監察
● 查看 30 日內錄像及錄音回放 (※需訂閱 Arlo Smart 服務)
● 售價 : $1,888


🙋‍ ★ 想睇版友討論以上文章?? 《點我進入討論》



🏠 ★ Post76網店經已開幕 《store.post76.hk》


小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章