隨口都可以唱兩句的發燒錄音:何芸妮的「河雲泥」專輯【唱片碟評】 | Post76玩樂網

隨口都可以唱兩句的發燒錄音:何芸妮的「河雲泥」專輯【唱片碟評】

Winnie 何芸妮,這個名字可能對大家來講有啲陌生,但係你哋都可能聽過2V1G,冇錯呀!佢就係當中嘅2V1G之一(Winnie 何芸妮,至於佢嘅個人專輯可以講返四年前「Finally Chapter 1」當中包括六首原創作品,都係佢音樂路上的點點滴滴。四年後今日,到底何芸妮又帶咗啲咩俾我哋樂迷們?

四年後今日,何芸妮帶來「河雲泥」,此碟一出可以話係Facebook 等等各大媒體洗版式報道!推出幾日甚至出現供不應求情況,一定唔關我事,我都係少量入手十隻八隻,無論收藏自用都冇失禮啦。

翻返嚟主題先,「河‧雲‧泥 Chapter 02」專輯中共有十首歌曲,當中包括兩首全新作品「獨壹無貳」和主題曲「河雲泥」;其餘八首歌曲重新演繹香港人非常熟悉的流行作品,包括來自張學友的「月半彎」、陳百強的「漣漪」、林憶蓮的「傷痕」和「當愛已成往事」,真係熟到隨口都可以唱咗兩句。

「河雲泥」咁到底想講啲咩呢?

何芸妮佢自己講解依張專輯最想表達的思想:「河、雲、泥是這個混沌世界萬物最初的開始,無論時代、環境如何改變,這些元素依舊保持著自己的獨特,我利用音樂,將最原始的音樂、最純粹的聲音,勾勒出我們心裡面的平靜,不要害怕大環境的改變打亂了我們的節奏,而是要去正視、領悟生命根源的原貌。」

Conclusion:「值得細味重溫的一張音樂專輯」

香港人壓力大緊張情緒,節奏急速。停一停,聽下歌,放鬆心情。相信「河雲泥」可以令你忘記此刻煩惱。

用上Soulution 330推動YG Hailey 2.2的情況下更顯得整張專輯錄音質素高品質,人聲感情自然流露,樂器定位清晰不渾濁。尤其第三首「漣漪」,係我個人推介!簡單一把女聲,再搭配一支結他,一支口琴。就將漣漪重新注入生命。就好似生活靜靜似是湖水,全為你泛起生氣。一個字,「舒服」!

「河‧雲‧泥 Chapter 02」專輯曲目:
1.飄洋過海來看妳
2.河雲泥
3.漣漪
4.原諒
5.傷痕
6.月半彎
7.天冷就回來
8.至理名言
9.獨壹無二
10.當愛已成往事


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

李文洛

關於李文洛

一個頭號粉絲,又有要求嘅問題少年。聽歌買碟可能係我嘅唯一嘅嗜好,樹皮係我主要食糧。

觀看所有 李文洛 的文章

相關文章