「音樂永續」計畫是什麼?? 為經典歌曲重新注入靈魂【音樂資訊】

補貼業界重新編製經典歌曲,盼於疫情下帶動本土音樂市場。計畫終吸引 55 間唱片公司及音樂品牌參與,林家謙、許廷鏗、Dear Jane 等共98組歌手及樂隊將重新演繹 113 首歌曲。

當中不少歌手都值得我們停一停聽下,重新細味。當中有大家認識的環星音樂都為各旗下藝人推出作品,當中包括尹光「鬼馬雙星」、張子丰「最後一次」等等,而華納唱片推出Timeless(音樂永續作品),當中亦有為人熟悉的陳蕾、許廷鏗、Dear Jane等等。

新作品實在太多,要聽都有排聽,但係我梗係有私心推介!

第一首當然有「Viki Chan, Gloria Tang, Wendyz Zhang- 愛的輓歌」

依個陣容,相信大家都聽過GloriAlive Concert(Live)都知道當晚佢哋都一齊合唱此歌。其實我自己都鍾意呢個配搭,一直期望有錄音室版本。朝思暮想終於出現!雖然係有限度資源下造成這件事!但錄音方面絕不馬虎,三人定位清晰,感情非常到位!簡直係百聽不厭

第二首就有「Ashia 廖嘉敏 – 月滿繁星夜」

就咁講歌名,相信年輕少少嘅朋友應該未必知道出自邊個樂隊,一隊活躍於1980至90初的樂隊「浮世繪」,當中為人熟悉有以下兩首<憂傷都市>和<舞姬>。而Ashia竟然揀咗呢首滄海遺珠嘅「月滿繁星夜」,由原本充滿夢幻嘅感覺搖身一變Bigband jazz 版本!這個大膽嘅嘗試更令Ashia帶俾樂迷更加多嘅驚喜。

去到最後我當然有啲嘢俾大家,以下都係TIDAL入面有嘅音樂永續作品😁

https://tidal.com/browse/playlist/


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

李文洛

關於李文洛

一個頭號粉絲,又有要求嘅問題少年。聽歌買碟可能係我嘅唯一嘅嗜好,樹皮係我主要食糧。

觀看所有 李文洛 的文章

相關文章