Sony重大更新追加 Apple TV、解封 4K/120Hz | Denon AMP可以出返 4K/120Hz?| Pioneer 終於有新機出 PD-50AE SACD 播放機 | B&W Formation Duo 好定 Cambridge Audio 西裝好【今期熱話 | 05-Dec】 | Post76玩樂網

Sony重大更新追加 Apple TV、解封 4K/120Hz | Denon AMP可以出返 4K/120Hz?| Pioneer 終於有新機出 PD-50AE SACD 播放機 | B&W Formation Duo 好定 Cambridge Audio 西裝好【今期熱話 | 05-Dec】

Sony 電視系列推重大更新 HDMI 2.1 解封 4K /120Hz 支援【影音熱話】

根據德國網站 4kfilme.de 最近報道指出,Sony 將為 2019 及 2020 年推出的指定型號電視系列追加更新升級。新 Update 除了會提升作業系統的穩定性外,更會為指定型號的電視機解封 4K/120Hz 支援。而能自帶 HDMI2.1 端子的 8K 電視 Z9G 及4K 型號 X9000H 將會是本次升級焦點所在。消息指本次升級除擁有 HDMI 2.1 型號的電視追加 4K/120Hz 對應,更會提升 HDMI 在低延遲(ALLM)效能。至於本次升級另一大特色是 Apple TV 將會如 Netflix 一樣,成爲官方預設 App 配置,在使用上更爲貼心。據知香港亦即將為指定型號電視推出相關更新,大家可密切期待。

Sony 2019-2020 指定型號電視機推重大更新|HDMI 2.1 解封 4K /120Hz 支援【影音資訊】

HDMI 2.1 訊號有壓縮及非壓縮之分!? PS5 駁 AV-擴音機出到 4K/120Hz?【影音熱話】

根據英國影音頻道 HDTV Test 最近一條影片指出,主持人用上 Panasonic 影像晶片的AV擴音機接駁 Playstation 5 及 RTX30 系列顯示卡後,可以正常輸出 4K/120Hz 影像訊號。影片以 Denon X2700H 作實測,利用 HDMI 線先後將 Playstation 5及 RTX3080接駁至 AV 擴音機,將訊號輸出至 LG CX OLED 電視上。實測證明Playstation 5 及 RTX3080 均能成功輸出4K/120Hz。值得一提是 AV 擴音機需要將 HDMI 訊號設定為 8K Enhanced,就能順利它輸出4K/120Hz 訊號。隨後主持人再利用相同方法為Xbox Series X 作測試,但結果是失敗告終。整個測試的結論是 HDMI2.1 的訊號原來有分非壓縮及壓縮兩款封裝版本,而 Playstation 5及 RTX30系列顯示卡所輸出的均為非壓縮版本,所以 Denon X2700H 能順利輸出 4K/120Hz 影像訊號。而Xbox Series X 所輸出的 HDMI 訊號則為壓縮版本,與AV擴音機内的晶片出現不兼容情況,最終導致影像無法輸出。唔知未來XBOX方面會唔會為呢個影片的訊號作出修改成非壓縮版本呢?希望好快可以解決啦。

HDMI 2.1 訊號有已壓縮及非壓縮之分 !? PS5 駁 AV 擴音機順利出到 4K/120Hz【影音資訊】

B&W Formation Duo 定 Cambridge Audio 西裝配 B&W 705 喇叭?【音響熱話】

話説有版友好努力咁研究緊點樣先可同財政大臣攞Approval,但最終發現喺擺位同音質嘅憂慮先係最大難題,如喺 B&W Formation Duo 同 Cambridge Audio 西裝加對 B&W 705 喇叭既情況下做抉擇,大家會點揀呢?有版友『一休大師』就話勒:通常all in one 都係麻麻地,當然好處係賺個方便!而另一版友Simon亦都講:其實Formation duo唔差,出自B&W質素都可靠既,all in one唔洗做咁多功課,夾呢樣夾果樣,夾唔啱又要賤賣出去.反而書房有空間,擺位更要考慮,話哂duo都有6.5寸單元。都留D位比佢發揮。我就覺得:係傳統既兩聲道概念出發,一套前後級西裝、一對喇叭再加多部有網絡功能既 CD 機做訊源,幾乎係最基本既配置。但係新時代既兩聲道幾乎可將一整套既兩聲道播放組合,濃縮到一對喇叭之內,而價錢又可維持係一般初燒玩家可接受既範圍,在使用同音質上的確已可滿足到大家實際需要。不過,傳統兩聲道西裝組合既最大好處係硬件配搭更靈活多變。撇除更換電源綫最基本的玩法外,大家亦可以利用替換訊號綫及周邊配件提升播放系統音質,玩法相對多變。如正版友所講,兩個選擇既入手價大致一樣,你又會點揀 ?有時間大家可以去我地Hi-Fi版Forum睇下呢個討論丫。

熱話帖 : https://post76.hk/thread-324296-1-1.html

有傳 Netflix 以 2 億美金與 HBO MAX 爭奪怪獸宇宙新作《Godzilla Vs. Kong》發行權【電影熱話】

原定於 2020 年 11 月上映的怪獸宇宙電影續作《Godzilla vs. Kong》因疫情原因而將上映日期順延至 2021 年 5 月。不過因疫情嚴峻,情況仲未明朗,電影公司近期已著手作其他部署,很大機會將仿效《神奇女俠1984》以串流平臺/戲院方式同步方式推出。近期有消息指出 Netflix 開價 2 億美金與 HBO MAX 爭奪電影的獨家播放權,取消所有在戲院上映安排。然而擁有該片 25% 股份的片商 WarnerMedia 則立即拒絕相關方案。至於擁有電影 75% 股份 Legendary 則表示希望效仿《神奇女俠1984》方式,在院線及 HBO Max 串流平台上同步推出電影。Warner Bros. 官方表示 《Godzilla vs. Kong》仍計劃於明年在全球各地區戲院作上映,預計上映日期會定於 2021 年 5 月。前作《哥斯拉:皇者巨獸》票房表現雖不及前兩部作品《哥斯拉》及《金剛:骷髏島》來得亮眼,但在中國地區票房仍非常强橫,共錄得 $14.78 億美元票房進帳。預計《Godzilla Vs. Kong》直上串流平臺的方案只針對歐美地區,而包括香港在内的亞洲地區將會在疫情放緩的情況下上映,相信電影公司不會輕易放過亞太市場的豐厚票房利潤。

外媒稱 Netflix 將以 2 億美金與 HBO MAX 爭奪《Godzilla Vs. Kong》之美國本土發行權【電影資訊】

Pioneer PD-50AE SACD 播放機|以人氣 SACD 機為開發藍本【音響熱話】

好耐都未有 Pioneer 的產品推出市面勒,今次我地終於有新消息可以同大家分享訪勒。早前官方網站公佈最新 Pioneer PD-50AE SACD 播放機將會推出,承繼品牌旗艦產品 PD-70AE SACD 播放器的聲音專利技術,規格仲包括配置 ESS ES9026PRO DAC 解碼、兩組完全獨立模擬及數碼電源、仲支援依家最流行的 MQA 解碼播放,再用上蜂窩式外蓋有利於係讀取 CD 時有屏蔽的效果。配合懸浮式模組結構以減少 CD 盤在轉動時所產生不良抖動,以强化系統剛性同背景寧靜度。而 PD-50AE 既數碼及模擬電源均使用兩組獨立既 EI 變壓牛供電,令供電能力更穩定更高效。新機將備有黑色及銀色兩種可供選擇。此型號早於去年底於在歐洲及日本地區以限定版方式上市,據知香港行貨亦即將引入此型號,但具體推出日期未定。呢部 PD-50AE 係以 PD-70AE 為藍本,將信號及供電路徑縮短,令維持聲音最大純淨度,在歐洲及日本國内都有極正面回響。唔知大家又對呢部機有冇期望呢??

https://post76.hk/news/2020/12/pioneer-pd-50ae-sacd/


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章