七百幾入手的 Apple HomePod Mini | iTunes 為迪士尼片加入 4K Dolby Vision 及 Atmos | 中國品牌 realme 開發自家 SLED 面板技 | 《瑪利歐賽車實況:家庭賽車場》炒到 $1,100 !?【本週熱話 | 17-Oct】 | Post76玩樂網

七百幾入手的 Apple HomePod Mini | iTunes 為迪士尼片加入 4K Dolby Vision 及 Atmos | 中國品牌 realme 開發自家 SLED 面板技 | 《瑪利歐賽車實況:家庭賽車場》炒到 $1,100 !?【本週熱話 | 17-Oct】

Apple HomePod Mini 智能喇叭開賣價 HK$749 !!!【影音資訊】

iPhone 12就人人都講勒,我自己就好想快D可以換機呀。但其實跟住 iPhone 12 推出的仲有全新的 HomePod mini呀,今次呢隻智能喇叭身高僅有 84mm,亦都可以對應 Siri 作語音操作,而且佢地加強左智能家居的功能,就係因為用上左新開發 Apple S5 晶片,能夠分析音樂特質,以相應的 EQ 模式輸出最佳播放音量同埋動態。配合埋 Siri 後,HomePod mini 能對應更多iOS裝置升級不同既功能,七百幾蚊就可以玩到!??睇黎都要拉下小瑟同Hugo買一對返來係我地 Studio 試真佢勒. 大家訂閱定我地等睇評測啦!

Apple HomePod Mini 智能喇叭開賣價 HK$749 !!! |整合多項實用智能化起居功能|配對 Apple TV 後對應 Dolby Atmos 音效輸出【市場資訊】

iTunes 計劃為迪士尼片庫追加 4K Dolby Vision 及 Atmos!!?【影音資訊】

Apple TV 自 2017 年起已開始逐步加入 4K HDR 及 Dolby Vision 影像格式,然而迪士尼的作品卻遲遲未能在 iTune 上提供 4K 片源。據推測其背後原因是迪士尼在過去十分睇好自家平台 Disney+ 的表現,希望將其作品的 4K 版本打造為自家串流平臺獨家,以强化形象。然而在 Disney+ 平臺啓用將近一年今天, Disney+ 仍未能在全球普及,原創節目數量亦遠遜 Netflix 及 HBO MAX ,難怪迪士尼對其獨家 4K 銷售策略開始動搖。過去 Apple 平台放迪士尼影片只提供 1080p 規格,早前已有外國網民發現 iTunes 片庫内的迪士尼節目已開始增設 4K 規格標示,部分作品更可對應 Dolby Vision 及 Dolby Atmos 影音配置。大家如果已經買左既電影,應該都會自動升級為最高規格,大家如果發現就記得話我知勒。

iTunes 為迪士尼片庫追加 4K Dolby Vision 及 Atmos 支援 !!?【市場資訊】

LG Signature OLED TV R 可捲合式屏幕電視機擬延期推出【影音資訊】

LG 早於 2019 年向全球發表首款可捲合屏幕電視產品「LG Signature OLED TV R」,原定在今年第四季度推出,但有消息指其推出日期將會被推遲至 2021 年。OLED TV R 最大特色是採用全新可捲合 OLED 物料作屏幕,能按不同情況切換至三種顯示模式,外媒推測 R 系列的 65 吋 4K 電視預計開賣價達 1 億韓元 (換算約為 $67 萬港元),定價將近是自家 88 吋 8K OLED 電視機定價的雙倍價錢。據知原定於本月 14-19 日期間為VIP 及早前已預購的客人舉辦閉門發佈會,但是否能如期舉行就不得而知啦。

LG Signature OLED TV R 可捲合式屏幕電視機擬延期推出【影音資訊】

中國品牌 realme 宣佈自家 SLED 面板技術比 QLED 有更高還原力!!?【影音資訊】

國內手機品牌 Realme 十分積極開拓生活周邊及智能電視市場,最近更發布了全球首款 SLED 4K 面板的全新智能電視機型號。官方指 SLED 面板技術比 QLED 技術更有優勢,即將推出市場的會是一款 55 寸電視型號。技術上,新的面板技術能提供達 108% 的 NTSC 的色彩光譜,雖然同我地平時講的DCI-P3色域有不同的標準,但色域的廣度都可算非常不錯了。SLED 最大突破是它直接利用了原生紅、綠、藍三色 LED 作背光燈,與 QLED 面板以藍色 LED 作背光燈,並以量子點技術控制及輸出三原色有著極大分別。官方稱 SLED 的好處不僅是有效改善色彩的還原能力,更能保障色彩的精準度,至於實際效果仍有待大家親身體驗及印證。

新面板技術登場!中國手機品牌 realme 推全球首款 4K SLED 屏幕電視【影音資訊】

《瑪利歐賽車實況:家庭賽車場》終於開售 炒價炒到 $1,100 ?!【電玩新聞】

最近係遊戲市場上被炒熱嘅一件產品一定係 Mario Kart Live
香港官方定價就係 $730,但由於依款遊戲無論係外型、可玩性以至收藏價值都具有特別意義。話哂今年都係 Mario 35 週年 , 所以係香港推出嘅第一日已經有「炒風」出現。由 $730 炒高至 $1,100 ?! 雖然貨量尚算充足,但遊戲玩家同FANS都想收藏呀,想買嘅朋友就要留意下啦。而遊戲玩法可以理解為《Mario Kart》嘅現實版。大家透過 Switch 控制實物Mario賽車同朋友對戰。賽道可以自由設計之餘,遊戲過程中亦可拎道具攻擊對手。除左現實對手外,單機玩家一樣可以同電腦對戰。將你嘅屋企帶到入遊戲世界呀!


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章