HDMI 2.1 有 Bugs 點算好!? | 《007 : 生死有時》擬售串流平台 | Dolby 秘密測試 Dolby Vision 廣播 | LG UV 消毒功能無線耳機 | 傳 Sony 將為舊 Android 電視更新【本週熱話 | 31-Oct】 | Post76玩樂網

HDMI 2.1 有 Bugs 點算好!? | 《007 : 生死有時》擬售串流平台 | Dolby 秘密測試 Dolby Vision 廣播 | LG UV 消毒功能無線耳機 | 傳 Sony 將為舊 Android 電視更新【本週熱話 | 31-Oct】

兩度延期損五千萬美元 !《007 : 生死有時》擬 46 億港元售串流平台【電影資訊】

又係受疫情影響勒,除左《天能》外,全年幾乎所有大作都延期處理。近日有美媒指丹尼爾基克既 007 告別作《007:No Time to Die》正打算以 6 億美元(約 46 億港元)高價將版權轉售給影視串流平台 Netflix 或 Apple TV+ 。消息一出 007 電視製作公司 MGM 的瞬間回覆是不對外間傳聞作任何評論,並繼續有意將電影押後至明年四月與觀衆在戲院見面。我地係 Youtube 同自家討論區出左呢則新聞之後,好多網友都一個字話要。。。"等"呀!希望呢套戲大家都可以係戲院睇到啦!

兩度延期損五千萬美元 !《007 : 生死有時》擬 46 億港元售串流平台【電影資訊】

新擴音機 HDMI 2.1 出黑屏?有 Bugs ? Denon 及 Yamaha 回應係…【影音資訊】

根據德國影音網站 4kfilme.de 最近一篇報道指出,由 Panasonic提供的最新 HDMI 2.1 晶片組存有程式漏洞。呢個漏洞會導致 NVIDIA 顯示卡、Xbox Series X 等 HDMI 2.1 硬件在接駁 AV 擴音機後無法正確輸出 8K/60Hz 或 4K/120Hz 影像訊號。由於呢一系列的晶片都有應用到 Yahama 、Denon、Marantz首批付帶 HDMI 2.1 規格的 AV 擴音機上,而據知三大品牌已正為程式漏洞作出回應及研究解決方案。但如果大家只係睇戲的話都唔會有好大既影響住,如果大家係第一批的遊戲機主機的用家就要留意一下,暫時玩住 4K/60p既遊戲先好勒。

新 Amp HDMI 2.1 出黑屏?有 Bugs ? Denon 及 Yamaha 回應係…【影音資訊】

Dolby 秘密試行利用 HLG 編碼進行 Dolby Vision 廣播【影音資訊】

隨著最新 iPhone 12 Pro旗艦型號追加原生 Dolby Vision 拍攝功能,杜比實驗室(Dolby Labs)近期就開始計劃對利用 最輕量的廣播 HDR格式 HLG作傳輸 Dolby Vision 廣播訊號。新格式可以針對顯示器既規格自動輸出相應 HDR畫面,能同時兼容 SDR、HDR10 、HLG 及 Dolby Vision 四種不同的顯示設備。Dolby Vision既最大特點是影像能支援最高 10,000 nits 的影像,擁有最高 12bit彩色特性。而 HLG HDR格式是由英國 BBC電視岩同日本 NHK共同開發的一種開放廣播格式。擁有向後兼容能力,能在 SDR 型號電視上呈現類近 HDR的影像效果。當下已使用 HLG的廣播公司包括 DirecTV和 Sky UK等電視台使用。不過香港莫講要 HDR廣播啦, 淨係4K都唔知幾時先會有啦…!!!

杜比實驗室正秘密利用 HLG 視訊編碼試行 Dolby Vision 廣播【影音資訊】

LG 全新無線耳機「六咪」設計配備 UV 消毒功能 ?!【耳機資訊】

自從蘋果於 iPhone 12 系列不再附送有線耳機之後,即係代表日後大家用手機聽歌煲劇就「必需」自備耳機勒! 當然,這個「兵家必爭之地」LG 又怎會放過呢? 而今次 LG 推出的全新無線耳機「HBS-FN7s」就配上全新的「UVnano」充電盒功能。官方聲稱這個充電盒可以消滅達 99.9% 的細菌,等大家無論是自己使用或是借耳機給朋友也好,可以保持耳機的清潔。而且耳機都有 3 個收音咪,兩隻耳機合共就有 6 個咪,這個配置是市場上現有的真無線藍牙耳機係比較少有的。官方表示,這個設計可以方便耳機在處理多重音頻及監控情況。而官方亦表示,這個設定對於 ANC 功能都會有所提升,可以「完美」中和周圍環境既聲音,令用家可以更專注聽音樂呀! 耳機將會於今年第四季推出,定價為 148 英鎊 ( 約港幣 $1,500 )。唔知香港會唔會有呢??

LG 全新無線耳機 「六咪」設計配備 UV 消毒功能 ?!【耳機資訊】

傳 Sony 將為 2016-2019 電視型號推 Android 9.0 軟體更新【市場資訊】

近日外國媒體有傳 Sony 正計劃為 2016-2019 年上市的 Android TV 推出 Android 9.0 更新, 呢個消息絕對係一眾 2016-2017 年代入手的較舊的玩家來講係一件大喜訊呀。因為 Android 9.0 系統的最大好處是可以追加返 Apple AirPlay 及Apple HomeKit 支援,如果係真, 大家升級左之後就可以直接從 iPhone、iPad 或 Mac 將串流電影、音樂、遊戲、相片傳輸去電視,都真係超方便呀! 其實今年入手新型號的用家已經係原生預載 Android 9.0 系統架勒,2019 年推出的型號包括:Z9G 系列、A9G 系列、X9500G 系列、X8500G 系列亦是首批獲得升級至 Android 9.0 的電視型號。如果消息屬實,相信 2016-2017 兩代批次的玩家會是最欣喜的一群玩家。我地會一直同大家跟進住, 如果一有更新就會即時有消息通知大家啦!


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章