Samsung 首款4K超短投影機 | Epson EH-LS500 短焦 4K 投影機 | 英國推出"自己喇叭自己砌"? | Xbox 近排動作多!? | Sony Xperia 5 II 支援 120Hz【本週熱話 | 26-Sep】

今個星期雖然大家已經炒完PS5, 不過影音市場一樣熱鬧, 岩岩小瑟同大家評測過 Epson EH-LS500B 超短焦 4K 鐳射投影機, 而之前 LG 同其他不同品牌都有加入呢個類別的戰線, 今次終於都到韓國大廠Samsung 推出一部支援 HDR10+的4K超短投影機勒, 我地都非常期待究竟實物會係咩一回事呢!? 英國著名單元製造商 Falcon 推出全新嘅自組喇叭系列, 可以比大家自己真正DIY一對自己的喇叭, 唔知在男人的角度又吸唔吸引呢!? 另外Xbox 新機在香港大家一定話唔吸引架勒, 但佢岩岩收購左 Bethesda 同新玩法的 Xbox Game Pass , 都讓大家可以一個月費就玩到勁多新GAME, 呢個以本傷人既玩法應該都有機會改善打機界的原有生態喎. 最後仲有 Arcam ST60 串流媒體播放機, iOS 14 好似有好多 Bug , 同埋 Sony Xperia 5 II都岩岩推出左, 都幾多新野玩架!!!

Samsung 推首款超短焦 4K 鐳射投影機 The Premiere|對應 HDR10+ 影像編碼【市場資訊】

Samsung係柏林消費電子展上宣佈將會推出一款名為 The Premiere 嘅高階超短焦距 4K 鐳射投影機,佢特別之處竟然内建左超低音的 Soundbar 功能。佢將會同步推出兩款定位唔同嘅型號,當中 LSP9T 最大可投出 130 寸屏幕、達到 2800 流明,佢係全球首款能對應 HDR10+ 嘅投影機黎。另一款就係LSP7T 啦,最大可投出 120 寸屏幕,兩款都内建 左Samsung 獨家嘅智能電視平台系統,一樣可以睇 Netflix、 Youtube 甚至 Apple TV+既影片,佢仲支援 UHD 聯盟的 Filmmaker Mode, 對戲迷黎講有真係好吸引呀。預計年底就會係歐美同埋韓國本土市場首度推出,唔知香港用家幾時先有得試呢?

Samsung 推首款超短焦 4K 鐳射投影機 The Premiere|對應 HDR10+ 影像編碼【市場資訊】

Epson EH-LS500 超短焦 4K 鐳射投影機 : 唔洗三萬可玩 100″電視 !? 睇戲、煲劇、開燈都掂 !!【投影機評測】

講開4K短焦投機影,今個星期又點可以唔提下小瑟岩岩介紹過嘅嘅 Epson LS500B 超短焦 4K 鐳射投影機呢? 呢部投影機只需要 82cm 既距離,就可以投出 130吋嘅大畫面, 加埋原生 Android TV 系統, 咁就可以睇到 4K HDR 的 Netflix 電影同 Youtube等等啦。我都試過用佢來做下運動, 打下機咁, 真係非常易用呀. 而且光度又夠, 就算開埋燈睇劇都有唔錯嘅效果呀. 以前要玩100吋電視冇10萬都唔洗諗啦, 依家連埋安裝都只係 $30000蚊有掛, 諗得過呀!

Epson EH-LS500 超短焦 4K 鐳射投影機 : 唔洗三萬可玩 100″電視 !? 睇戲、煲劇、開燈都掂 !!【投影機評測】

自己喇叭自己砌 保證 30 分鐘砌好一對書架喇叭【喇叭資訊】

正所謂「男人愛高達,女人唔明白」。男人對一D要組裝嘅野係特別有一份情意結嫁。模型正正係一個好例子啦。而最近就有品牌推出「喇叭組裝」嘅玩法,唔知各位發燒友準備好未呢? 英國著名單元製造商 Falcon 推出全新嘅自組喇叭系列。依個系列名為 IMF100,大家買番屋企後就可以跟住說明書來組裝啦,而有什麼部件是大家需要的呢 ? 分音器、B110 及 T27 單元,意大利製造嘅12毫米同9毫米膠合板、磁性網罩、固定環等基本材料。售價係英鎊 1,459 。唔知大家想唔想落手砌喇叭呢

自己喇叭自己砌 保證 30 分鐘砌好一對書架喇叭【喇叭資訊】

Xbox Series X/S 預售都唔夠近排動作多【遊戲資訊】

上星期香港 PS5 就比大家一嘗到買唔到機嘅飲恨心情, 而今個星期XBOX Series X同 S就正式預售啦, 好明顯大家就唔會有咁強勁既入手心態啦. 不過今次 XBOX其實吸引既反而唔係新機, 而係佢出新機前的一系列動作呀. 先有 Xbox Game Pass聯乘EA Play宣佈合作,從感恩節假期開始免費為Xbox Game Pass Ultimate和PC會員提供EA Play會員資格。而單一訂閱Xbox Game Pass for PC會員亦可在Windows 10上獲得EA Play會員資格。咁樣玩家就可以玩到EA超過60款精彩嘅主機同PC遊戲,例如《FIFA 20》、《Titanfall 2》等等,而已佢地仲用左75億美元收購埋Bethesda加入成為Xbox一員, 大大增加左入手既吸引力…. 今次 XBOX 新機可能唔止係一個4K PLAYER咁簡單呢!

Xbox Series X/S 9 月 22 日開始預售 Are You Ready ?!【遊戲資訊】

Arcam ST60 串流媒體播放機【市場資訊】

好耐都冇聽到Arcam嘅新消息啦, 今次佢地就會推出首款串流音樂播放機ST60 ,内建 Spotify 同 Tidal 等音樂串流平台。其他常規功能還包括對應 Apple AirPlay2 及 Google Chromecast,兼容 iOS 及 Android  兩款系統,更可對應 UPnP裝置的播放。而且ST60更支援 MQA 播放 ,更通過Roon 認證對應 Roon 播放,能通過極簡潔的操作介面控制 Tidal、Qobuz 及 NAS 的音樂庫存。就咁聽功能同對應就非常充足勒, 但實物聽落究竟係點呢?? 我地都非常期待呀! 希望好快可以係香港見到啦!

Arcam ST60 串流媒體播放機【市場資訊】

iOS 14 更新即有 Bug ?! YouTube 做唔到 P-in-P 模式 ?!【手機資訊】

上星期 Apple 新產品發佈會後,大家除左訂機外,似乎就係更新 iOS 14啦! 其中一個功能就是比用家一邊用手機嘅同時可以睇到由 Safari 播出嘅 YouTube 影片 ! 但似乎依個功能就未能確實咁用到住啦。外國有 Twitter 用戶就拍片實證這項功能的可行性。外國都有人實試點樣可以用到依個功能,而 76編輯部都試過唔同嘅方法 ,不過情況都係一樣 ! 不過依個情況似乎只限於「免費用家」喎?! 因為外國有網民就表示如果係 YouTube Premium 嘅用戶就可以用到依個新功能啦 ! 唔知到底係 Bug 定係逼使用家升級嘅手段呢 ?

iOS 14 更新即有 Bug ?! YouTube 做唔到 P-in-P 模式 ?!【手機資訊】

Sony 全新手機 Xperia 5 II 4K 慢動作拍攝超流暢打機體驗 【手機資訊】

黎到新手機發佈嘅季節,最近 Sony 除了推出 Xperia 1 II 旗艦級手機之外,今次仲推出左依部 Xperia 5 II, 到底又有咩特別呢 ? 依部新機有6.1 吋嘅屏幕,而顯示屏解像度就係 1080 x 2520 嘅像素,而刷新率就高達 120Hz,相信係打機上會有明顯嘅提升。電量方面今次就有 4000 mAh,絕對足夠用成日呀 ! 大家購買時手機已經可以支持 5G + 4G 雙 sim 卡功能,等用家可以更快同 5G 連接。除了一般通訊使用之外,最緊要梗係打機娛樂體驗啦 ! 今次就新增左「遊戲增強器」, 等玩家可以係打機途中調整畫面刷新率、觸控回饋等細節,咁就可以有更流暢嘅遊戲體驗啦。如果喜歡拍片嘅朋友就可以嘗試下新方式拍攝慢動作啦 ! 佢支援 4K 120p嘅慢動作拍攝,提高慢動作嘅細緻度之餘亦令到整體表現更流暢,可以遂格欣賞畫面嘅細節呀。

https://post76.hk/news/2020/09/sony-xperia-5-news/


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章