【智能手機】Samsung Galaxy Fold 改良版上手試感

半年前係網上睇到美國好多 Youtuber 都有對Samsung 呢隻最新的 Galaxy Fold 有好多不同的意見, 不過簡單D講, 清一式都係問題多多, 好多不同程度的Bug都係硬件上出現, 事隔半年, 呢日終於都發佈全新的 Galaxy Fold 改良版, 小瑟上手玩過, 估唔到又幾好手感同埋呢個摺機又唔係真係得個睇字架喎!!!

兩款顏色任君選擇

行版Galaxy Fold備有太空銀和宇宙黑兩款顏色,在外形設計、功能和效能表現上,Galaxy Fold結合了手機與平板電腦的優點,讓大家可以單手同雙手都可以易於使用,而且打開大屏幕享受寬闊畫面的效果的確非常不俗。今次Galaxy Fold的指紋掃描感應器設於機身側邊,大家只需握住手機就可以輕鬆解鎖,摺起時的手感非常舒適,用卡快速回覆訊息、拍攝照片、都尚算可用, 不過如果真係要用盡功能當然一定要開大機身先會得到最好的效果啦。

摺機好手感開屏好觀感

摺疊時 4.6″ 機面屏幕能支援所有應用程式, 而打開時達 7.3″ 的無邊際開展式屏幕(Infinity Flex Display), 寬闊的內屏幕採用Dynamic AMOLED,並擁有 HDR10+認證及動態色調映射(Dynamic Tone Mapping)的技術, 第一次用時的感覺非常似玩緊一部細吋數的平板電腦。而實試之下其實摺疊時的手感亦都非常良好, 如果睇 Whatsapp, Facebook, 玩IG的話, 絕對可以使用, 但如果要睇 Youtube, utube, 睇片的話, 就一定要開盡整個畫面會好好多呢。

單手使用其實手感非常良好。
開發全新的UX,一屏可以用時多功處理。

6月時有Youtuber測試之後有入塵情況, 新一代已經優化解決。

全機6鏡支援拍片即轉WIDE鏡

Samsung在設計Galaxy Fold的時候,特別安排專業級相機鏡頭的布局,包括三個後置鏡頭(超廣角、廣角及遠攝鏡頭)、兩個內部鏡頭,以及一個機面鏡頭,無論是打開或摺疊時,均可靈活地從各個角度拍出無與倫比的照片、短片或是自拍,而且依家仲支援埋拍片時三鏡自由轉換, 呢點可以話係最新功能呢。

呢個位就係改進左上次入塵的呢。

Samsung Galaxy Fold新機黑及銀色機身選擇,售價為$15998,2019年11月22日正式推出。而新買家更可以獲得Samsung提供Premier Service「Samsung Care+」,可以獲取一年一次免費更換屏幕服務。香港版行貨為4G LTE版本,可惜不是韓國5G版。今日起於連卡佛開始獨家預售。

大家可另購 Galaxy Fold小牛皮保護套 HKD$888

Samsung Galaxy Fold 詳細規格

◆ 作業系統 : Android 9.0
◆ 處理器 :  Snapdragon 855
◆ 主螢幕尺寸 : 7.3 inch / 正螢幕尺寸 : 4.6 inch
◆ 主相機畫素 : 1600 萬畫素
◆ 記憶體 : 12 GB
◆ 儲存空間 : 512 GB
◆ 電池容量 : 4380 mAh
◆ 售價 : HKD$ 15,998


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章