Sony RX0 II 『一吋感光元件 + 一小時初試感』

小瑟周不時都會自己動手拍下片, 同大家分享一下日常影音野又好, 分享下自己既生活趣事都好, 都會用手機, 或者其他拍片工具去幫手, 而最早小瑟入手的就係 Sony RX100 M3, 部機的畫質真係正, 不過好可惜用左三年之後, 壞左LCD, 咁小瑟就將 M3 退休了. 之後入手都係 Sony RX100M4, 不過唔知點解, 用落反而好似冇 M3咁好用, 而且依家開始有時一邊行一邊拍, 防手震的功能似乎唔係好夠用, 因為用到最強的防手震就會另自拍時好大頭, 嚇親人又嚇親自己麻…XDDD 所以就慢慢小用. 依家日常可能都會用的反而係 Osmo Pocket, 貪佢有機械防震, 一邊行一邊拍片都非常方便. 而今日 Sony 就正式在香港推出超線部的 RX02, 機仔細細就已經有 1.0 吋 1,530萬像素 影像感測器, 仲已經內置可以外接 3.5mm的收音咪, 究竟係咪可以完勝 Pocket 呢?? 真係唔買都睇下, 唔睇都玩下, 所以小瑟就用記者會的一小時左右的試玩時間, 同大家分享一下初試的感覺吧.

Sony RX0 II 輕巧 + 4K拍片 + 180°反 Mon + 可插 3.5咪

焦點功能一定係『 輕巧 + 4K拍片 + 180°反 Mon + 可插 3.5咪』

每次 Sony 出既產品都可以令人有驚喜的感覺, 今次新型號RX0 II 全球體積最細小、最輕巧 , 仲可以調節LCD 顯示屏, 不僅內置4K錄影功能,仲可向上調節180°及向下調節約 90°的LCD 顯示屏, 呢個真係好FIT, 佢仲可以有防水功能, 方便埋大家係水底拍攝, 更加入影像穩定技術令拍攝影片更流暢。超小型輕巧 RX0 II 保留第一代的堅固耐用設計,具備防水/防塵、防撞 及抗壓 的特質。RX0 II還具備超慢動作拍攝功能達1000 fps 幀率、4K 影片 Clean HDMI 將未經壓縮的影片儲存至外置錄影機和proxy影片攝錄。更可以利用自訂圖片檔案功能、S-Log2錄影功能和時間碼/ User Bit 等各種便利靈活的操作設計,實現創作意念。

Sony RX0 II 輕巧 + 4K拍片 + 180°反 Mon + 可插 3.5咪

Sony RX0 II 輕巧 + 4K拍片 + 180°反 Mon + 可插 3.5咪

反Mon對自拍的朋友來講非常緊要。
Sony RX0 II 輕巧 + 4K拍片 + 180°反 Mon + 可插 3.5咪
機仔細細竟然可插收音咪…好屈機囉!!

一吋大Exmor RS CMOS  + BIONZ X 影像處理器

RX0 II採用1.0 吋 Exmor RS™ CMOS 感光元件及最新 BIONZ X™ 影像處理器, ZEISS® TessarT * 24mm F4定焦廣角鏡, 感光度範圍由 ISO 80 至 ISO 12800, 可用於拍攝照片或影片,最近對焦距離縮短至 20 厘米。RX0 II的體積僅為59毫米x 40.5毫米x 35毫米 ,重量只有132克。鋁合金機身設計就係希望可以堅固耐用一點, 防水深達10米更可承受從 2米高跌下的防撞衝擊及抗壓, 保持返 RX0 勁耐用呢個傳統啦.

Sony RX0 II 輕巧 + 4K拍片 + 180°反 Mon + 可插 3.5咪

Sony RX0 II 輕巧 + 4K拍片 + 180°反 Mon + 可插 3.5咪

拍片後直接射去手機方便即Share

RX0 II提供內置 4K 30p影片錄影功能,配合Sony最新推出的“Imaging Edge™”手機應用程式,可以輕易將短片傳輸到至你的個人手機裝置 ,用你的手機編輯影像或影片,方便大家隨時隨地將內容分享至社交網絡。而且 RX0 II內置影片拍攝影像穩定技術 ,即使手持拍攝影片亦保持穩定。

Sony RX0 II 輕巧 + 4K拍片 + 180°反 Mon + 可插 3.5咪
藉由一鍵觸控可將相機拍攝的靜態影像和視訊傳輸至智慧型手機。

Movie Edit add-on 加強後制的影像穩定功能

Movie Edit add-on 專為社交媒體迅速分享優質影像而設,配合RX0 II使用可以進一步加強自動影像穩定功能,透過擷取更多訊息以展示流暢 的影像,效果與使用雲台拍攝相近。用戶更可透過Movie Edit add-on使用新增的智能構圖功能,確保主體仍位於構圖當中,在影片最後剪輯時修正影像失真,還可因應影片所分享的平台去選擇畫面所需的寬高比例。使用相機的陀螺儀感應器時,影像防震可實現流暢的視訊,就好像使用了平衡環一樣,利用這個應用程式,您可以使用無需平衡環的小巧設備,製作平穩的視訊。因為影像防震是在編輯時執行的,所以您也可以控制影像防震效果 (例如,增加視訊放大率來增強防震效果)。

Sony RX0 II 輕巧 + 4K拍片 + 180°反 Mon + 可插 3.5咪
RX0 ii支援 700mAh 電量。

Sony RX0 II 輕巧 + 4K拍片 + 180°反 Mon + 可插 3.5咪

Conclusion:「初試不俗,希望可以長測一下再同大家分享!」

RX0 ii 的出現的確可以另市場掀起一片熱潮, 以 Sony 的創意可以做出一部咁細, 咁輕, 上山, 下海的全能拍片工具, 的確係非常吸引, 而定價方面其實香港已經比海外的定價平了大既千多元, 足見今次 Sony 香港非常有誠意對我們香港的用家, 雖然話都幾5千幾蚊, 以 Sony 這個黑科技之皇來說, 一點都不過份呢. 而小瑟就覺得一部 RX0 ii 如果係要快速地拍攝日常生活係非常方便, 如果想更就手就可以加埋腳架就已經非常不錯. 現場小瑟測試時 RX0 ii的防手震都算幾唔錯, 而且可以插咪係我地做野時真係可以更加方便, 因為有時我地要訪問下人呀, 企遠小小都可以有枝外置收音咪幫到手, 絕對係非常有用. 小瑟已經向 Sony 借機, 希望可以試下工作一段時間再同大家做個詳細的分享啦。

Sony RX0 ii 規格及售價

感光元件: 1,530 萬有效像素 1 吋 Exmor RS CMOS
ISO: 125-12800
屏幕:1.5 吋 180 度翻揭式 TFT LCD
拍片格式:最高 3,840×2,160@30p 、以 Clean HDMI 輸出 4K 影片
傳輸介面: USB 2.0 、 Micro HDMI 、 3.5mm 咪高峰
尺吋: 59.0×40.5×35mm
重量: 132g(連電池及記憶卡)
建議售價:HK$5,290 (預計 4 月中旬發售)
查詢: Sony( 2345 2966 )

*RX0 II 連VCT-SGR1拍攝手柄套裝的發售日期及售價將於稍後公佈。


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章