Pioneer UDP-LX800 4K UHD 藍光機 JB破解實試分享

早幾日就同大家分享左 Pioneer UDP-LX800 的 開箱+實測, 如果想睇下小瑟點樣評價呢部宇宙旗艦機的版友, 可以去返小瑟的分享睇返(🖥點我). 今次小瑟要講的, 就係用 UDP-LX800來睇返大家家中備份好的珍藏電影勒。係度帶左個頭盔先, 呢個JB破解分享旨在讓大家可以用家中最頂級, 最強系統的4K UHD藍光機來欣賞自己備份而來的藍光碟原盤, 因為之前小瑟有D碟因為存放得唔好, 最終擺放太耐而再播放唔到, 所以備份好心愛的電影供自己使用就係小瑟想要的目標。我們是支持正版軟件的, 所有軟件都一定要購買來支持. 希望大家都係同小瑟一樣, 支持正版軟件, 咁我地先會有高質素的電影可以比我地家中套影院盡情發揮呢!!😍

Pioneer UDP-LX800 4K UHD 藍光機 JB破解實試分享

Pioneer UDP-LX800 4K UHD 藍光機 JB破解實試分享

500/800都用得  講JB都係國內高清先生版本老字號

之前小瑟用OPPO UDP-205的時候, 都會有為部機做 JB 工作的, 而近年除了高清先生的版本之外, 好似仲有多一個不同的 JB 方案, 不過小瑟因為一直都覺得國內高清先生的版本用了多年都真的非常穩定, 所以今次小瑟換上 Pioneer UDP-LX800, 都係搵返信得過而且用開的會比較安心. 而小瑟呢次的實試, 其實除了 UDP-LX800之外, 呢個破解仲支援 UDP-LX500, 二部機做的方法係一樣的. 就係咁, 在國內淘寶網找過高清先生之後, 付款之後, 就會收到一個ZIP檔, 而當中 [UPG_ALL] FOLDER內有一個8580_linux_demo_dbg.bin 的 FILE同 upg_id_file_8581.bin 的FILE, 呢二個 FILE 就係 LX500 或 LX800 的破解軟件, 大家一起將 FILE 抄入你的USB手指的根目錄先。之後就可以將你的 USB手指, 插到LX500 或 LX800 的碟機前或後USB端, 再跟以下步驟更新。(為了避免升級意外失敗,升級前,先重新 Boot 機一次,及把機內光碟及多餘的USB設備取出, USB手指必須格式化為FAT32方可。)

*免責聲明: Pioneer UDP-LX500 / Pioneer UDP-LX800 越獄因涉及修改機內軟件,有可能會引起失去官方保用 , 同時機內的任何私人資料亦會被刪除,用家請自行評估風險。對此做成的任何損失,Post76或任何人士均不會負上任何責任,請各位自行承擔越獄之風險。

Pioneer UDP-LX800 4K UHD 藍光機 JB破解實試分享

(一)升級步驟 :

Pioneer UDP-LX800 4K UHD 藍光機 JB破解實試分享
按遙控器 HOMEMENU 鍵 -> 初始設定(Initial Setup) -> 設置 -> 更新 -> USB -> 見到以上畫面 -> 按OK。
Pioneer UDP-LX800 4K UHD 藍光機 JB破解實試分享
升級過程進行中,大家請耐心等候,千萬不要折斷電源,如果唔係就……..@@"
Pioneer UDP-LX800 4K UHD 藍光機 JB破解實試分享
等待升級完成,你的Pioneer 4K藍光機將自動重啟。

(二)激活步驟 :

保持將 USB 手指在藍光機上, USB手指內會自己新增一個『XX-XX-XX-XX-XX-XX』為名稱的目錄, 而且在此目錄下會有一個 HDSIR_CODE.AVI的文件。將呢個文件經電郵再發比高清先生的客戶服務人員, 佢地就會再回覆一個 HDSIR_LICENSE.AVI FILE比你, 你加埋入去 『XX-XX-XX-XX-XX-XX』個目錄內, 再將 USB手指插入藍光機內, 等待識別10秒後,Boot一次播放機, 再按遙控器HOMEMENU鍵 -> 初始設定(Initial Setup) 後,按遙控器 6,6,6,6 數字鍵, 就可以查看激活狀態是否在(Regitstered) 的情況, 如果是的話, 恭喜你, 你已經成功升級了. 激活成功之後,請妥善保存 USB手機下的 『XX-XX-XX-XX-XX-XX』目錄及 HDSIR_LICENSE.AVI , 這個就是你的藍光機的破解認證呀!!

Pioneer UDP-LX800 4K UHD 藍光機 JB破解實試分享
USB手指內會新增一個『XX-XX-XX-XX-XX-XX』為名稱的目錄。
Pioneer UDP-LX800 4K UHD 藍光機 JB破解實試分享
發送這個 HDSIR_CODE.AVI 文件後,服務員就會回覆一個 HDSIR_LICENSE.AVI FILE比你。
Pioneer UDP-LX800 4K UHD 藍光機 JB破解實試分享
成功激活之後就可以見到呢個畫面呢。
Pioneer UDP-LX800 4K UHD 藍光機 JB破解實試分享
試下找一下自己網絡中的儲電影的NAS,試播一下ISO FILE先。
Pioneer UDP-LX800 4K UHD 藍光機 JB破解實試分享
Source之內可以見到小瑟家中的NAS名稱呢!!
Pioneer UDP-LX800 4K UHD 藍光機 JB破解實試分享
進入VIDEO的FOLDE內。
Pioneer UDP-LX800 4K UHD 藍光機 JB破解實試分享
測試星夢情深的ISO原檔。

太正了, 正常播放仲支援 Dolby Vision

小瑟用左 Lady Gaga 最新力作, 星夢情深來做測試, 呢張4K UHD影碟係支援 Dolby Vision 的正碟之一, 小瑟測試後, 確定 4K MENU係出到的, 不過就仲有小小BUG(詳情下文再講), 而且仲可完美顯示 Dolby Vision 在小瑟的 Sony A1 電視上, 真係太開心了.

Pioneer UDP-LX800 4K UHD 藍光機 JB破解實試分享

Pioneer UDP-LX800 4K UHD 藍光機 JB破解實試分享

外掛字幕?? 當然冇問題啦, 不過就需要學習一下用法!

高清先生呢個破解版本都係支援外掛字幕功能的, 而且都可以自由地去調校字幕的功能. 好似調校字幕的上下位置啦, 放大或縮小字幕啦, 轉色啦, 好多好多不同的玩法都可以改到. 不過小瑟試過, 呢個掛字幕的功能雖然係好正, 不過用落就有一點難用, 掛得字幕都一定係入左電影內先可以選擇架啦, 但佢又唔似 OPPO 版本咁, 會多一個 “其他"字幕的選擇位比大家去選擇, 而佢就要係去返最頂的位置先可以選到目錄內的字幕檔, 有時錯過左都唔知, 呢個希望係下一個版本可以解決一下啦!

Pioneer UDP-LX800 4K UHD 藍光機 JB破解實試分享

Pioneer UDP-LX800 4K UHD 藍光機 JB破解實試分享

官方外掛字幕文件放置方法 :

1. 目前支持srt/ass/ssa字幕外掛,並支持特效調整;
2. 下載的字幕,需要解壓,然後放在與電影相同目錄下,名稱任意,最多支持32條字幕切換單獨顯示;
3. REMUX視頻文件(如MKV等)的字幕文件放在電影相同目錄下;
4. 藍光原盤BDMV的字幕文件放在BDMV同層目錄下;
5. 藍光原盤ISO的字幕文件放在ISO同層目錄下;
6. DVD或藍光碟的字幕文件放在USB根目錄下,在播放時,插上USB手指,切換到外掛字幕顯示。
7. 在顯示外掛字幕時,長按字幕鍵,可以彈出字幕特效調整操作。

(三) 萬一需要維修點算呢?? 放心, 絕對可以升級回原廠軟件

大家都可能會問, 如果部機有事要維修又係點呢?? 冇左廠方保用咪好慘?? 放心, 其實大家只需要係 Pioneer 的官方下載點, 下車最新軟件,再存放在USB手指根目錄下, 再將 UDP-LX800_Vxx.xx.bin改名跟你越獄版號一樣的名稱, 如 『UDP-LX800_V03.95.bin』重新做一次升級步驟, 咁你部機就會可以回覆最新的原廠軟件, 之後先好囉去維修呀!!!! 你就咁囉去維修真係冇人會幫你整架~

Pioneer HK 官方支援區 : https://intl.pioneer-audiovisual.com/support/
(找回你需要下載FW的產品就可以了)

Pioneer UDP-LX800 4K UHD 藍光機 JB破解實試分享

Conclusion:「完全釋放 Pioneer UDP-LX800 的可玩性, 但仲有小小蟲仔有待完善!」

小瑟玩呢個高清先生的軟件其實都算好抵玩, 幾百蚊人仔就可以幫我的 UDP-LX800 的功能再一步進化的確係非常抵玩, 不過大家都一定要留意一點, 呢個破解其實都仲有小小BUG需要再三完善的, 例如在電影MENU的時候, 如果想選擇 “字幕" 的話, 就算你只按一下 “ENTER" 都好, 部機都會好似當你直接按左二次 “ENTER" 咁, 好快就會彈返去主選單, 即係話我係 MENU內, 選來選去都唔可以從MENU選到字幕, 唯有先進入電影之內, 再按搖控的 “Subtitle" 逐個字幕轉換先可以. 呢點係有一點麻煩的. 另外高清先生這個軟件仲有個叫 “Solink" 的手機 APPS, 呢個 APPS的功能係可以幫你用唔需要開電視的情況下, 控制部 UDP-LX800 選歌的, 不過小瑟因為手上的電話都已經轉左 Android 9.0, 原來呢個 APPS 暫時只支援到 Android 8.0 版本, 所以有彈APPS的情況. 但係除左以上二點之外, 其實如果你只係想正正常常去睇戲, 唔需要 Movie Wall, 總之就係睇戲為主的話, 基本上呢個 JB 真係對於好似小瑟咁有備份習慣又想方便睇戲的人來講, 真係值得安裝的, 從今起部小瑟部 UDP-LX800 唔止淨係可以睇碟, 仲可以睇埋 FILE, 相信呢排小瑟都會有機會再囉返D舊片出來, 再番煲一次呢!😍😋😍😋😍😋😍😋

*免責聲明: Pioneer UDP-LX500 / Pioneer UDP-LX800 越獄因涉及修改機內軟件,有可能會引起失去官方保用 , 同時機內的任何私人資料亦會被刪除,用家請自行評估風險。對此做成的任何損失,Post76或任何人士均不會負上任何責任,請各位自行承擔越獄之風險。


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章