🐷豬年報喜 : 小瑟帶您導賞 Hdav x Post76 影音測試室

恭喜發財, 豬年開工第一天就係同大家分享我地與影音雜誌 Hdav 結盟後的第一擊,我地將共用位於荃灣的影音房。此百餘尺空間麻雀雖少,但五臟相當俱全,我地希望可以日後可以用呢個影音測試室同大家做更多不同的影音玩具測試,今次又係勒,睇片又得,睇文字都得,最緊要就大家的喜好。唔講咁多,去片!

AV心臟由兩大旗艦機負責 Onkyo TX-RZ3100 +  Marantz SR8012 !!

我地的影音室集結多個國際影音品牌。,而家庭影院的骨幹就包括有 AV 擴音機 Marantz SR8012 及 Onkyo TX-RZ3100、Definitive Audio 喇叭系列、 4K 藍光機 Oppo UDP-203、遊戲機 Xbox One 等。Onkyo TX-RZ3100 (上)搭載 7.2.4 輸出、用上 Class D 驅動,配備 Onkyo 自家高電流數碼放大電路。每聲道輸出功率 340W,原生就支援 Dolby Atmos 及 DTS:X,獲得 THX Select2 Plus 影院級音效認證、AccuEQ 房間校正系統。其 AccuReflex 技術能提升 Enabled 反射喇叭表現,非常實用。至於 Marantz SR8012 (下)為 11.2 聲道合併 AV 擴音機,出廠已支援 Dolby Atmos、DTS:X 和 Auro-3D 聲效,每聲道輸出功率達 140W。SR8012 採用大型環牛供電及大量高質素電容配件,用上 HDAM(Hyper Dynamic Amplifier Modules) 可提供極佳的抗雜訊、還原力以及高頻表現。

用作 4K 影碟播放用的 OPPO UDP-203 及 XBox ONE。

OS Puremap III  120寸梗幕

PureMatⅢ 用上超細線編織製造微細特殊雙重織物,影像成像點能均等擴散,以呈現出有深度的聚焦感。它搭載精細纖維,編織密度更精密,並保留不規則編織方法,有效消除雲紋綢 (moire) 現像。它透過改良二氧化鈦成份,使幕面增益達至接近 1.0。而高擴散式銀幕也有效令整體畫面表現更自然。

Epson EH-TW8300 4K HDR 投影機

EH-TW8300 配備 0.74 吋 D9 C2Fine 3LCD 投影晶片,原生像素為 1080p。通過 0.5 格 Pixel Shift(像素平移)方式能將解像力提升一倍至 4K 是 8 百萬像素,新機可支援 4K/60P HDR、1080p 3D 等視訊輸入,對應現時  4K 影碟視訊格式。

Definitive Technology 喇叭系列建 5.1.4 影院系統

影音房的喇叭系列用由前置 BP9060、中置 CS9040、後置 BP9040 、反射喇叭 A90 及 11 寸主動式超低音超重低音 SuperCube 8000 組成。由於此喇叭組合的擺位、連同 Marantz SR8012  的設定都曾被威廉作過悉心微調,因此在聲音性格上相當能發揮到其潛力。

中置 CS9040

11 寸主動式超低音超重低音 SuperCube 8000

Conclusion: 「希望可以同大家分享更多的器材測試啦!!」

有左呢個測試室, 我地希望可以比之前做得更多的影音玩試玩片同大家分享, 之前因為地方問題, 好多器材都唔敢借返屋企玩, 有呢個聯乘的測試室, 就可以盡情地炸機, 同大家做多D試玩. 而呢個試音房唔止玩AV的, 我地都希望可以試到更多不同的兩聲道器材, 喇叭, CAS, 等等不同影音的毒物都會係度拍片做測試, 希望做到人人毒我, 我又毒人人咁啦!!! 最後就梗係恭喜發財🎉🎉㊗各位身體健康,小朋友快高長大,大朋友工作順利,家肥屋潤,🐷籠入水,🐷年行大運💰💰💰


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章