Tributaries UHD Professional 進階級性價比 HDMI 入手試

AV友買好哂機之後, 一定就係身痕想換下線材架勒, 的確用左原裝線一段時間之後, 換下線係好好玩的, 喇叭線, 電源線, HDMI線究竟換邊樣先好呢?? 小瑟個人就覺得換電源線同 HDMI線都係聲畫有不同的影響, 但留意一點, 唔係換左線係一定好左的, 因為不同線材物料都有一定的特性, 所以搵條岩自己的線材先係最重要呢. 而小瑟係眾多線之中, 最常換的都係HDMI線勒, 因為由 Source 開始到AV 擴音機又好, 去電視都好, 一換就會見到效果, 所以係呢方面會最鍾意玩的.

Tributaries UHD Professional 進階級性價比 HDMI 入手試

Tributaries UHD Professional 進階級性價比 HDMI 入手試
小瑟今次測試的是1.5M版本

用上 HC-OFC 無氧銅

今次同大家試玩的就係美國品牌 Tributaries(正確讀音大家可以睇返小瑟條試玩片), 呢條係佢地暫時最頂級的 UHD Professional, 已經取得 ISF, DPL雙認證, 佢地最成功之處係全部都經美國人手測試, 試過真係可以出到訊號先會出廠發售, 線身粗度為 30AWG, 採用高質 HC-OFC導體, 獨立屏閉隔絕干擾, 交織外觀. 可保證通過 18G, 4K HDR, Dolby Vision等訊號。而說到 HC-OFC無氧銅, 是指是純度大於99.95%, 氧的含量不大於0.003%, 雜質總含量不大於0.05%的銅. 而 HC 係等於 High Conductivity, 屬於高傳導的意思, 簡單講就係用上高傳導 OFC銅導體作為線材, 務求將訊號原汁原味傳送到比各件影音器材。

Tributaries UHD Professional 進階級性價比 HDMI 入手試

Tributaries UHD Professional 進階級性價比 HDMI 入手試

Tributaries UHD Professional 進階級性價比 HDMI 入手試

UHDP取得 ISF, DPL雙認證, 在4K時代絕對支援任何方式的連接,信心保證。

PowerGrip 接頭申請專利

Tributaries UHD Professional HDMI,  佢都係接頭上申請左一個名為 PowerGrip 的專利, 呢個接頭可以將 HDMI 端子緊扣係器材輸入端子之內, 但又唔會將器材內的 HDMI 位整鬆, 呢點真係非常重要. 而 UHDP的功能仲支緩 Ethernet, HDR, DeepColor色深技術, CEC擴充, ARC音訊回傳通道等功能, 功能上非常完善。

Tributaries UHD Professional 進階級性價比 HDMI 入手試

Tributaries UHD Professional 進階級性價比 HDMI 入手試

實試藍光電影聲畫效果

一插上小瑟家中的 Sony A1, 畫面光度柔和自然, 同小瑟本身用開的 Kordz Lux不相佰仲, 以 UHDP 呢條 1.5m 只需 HKD$9xx 的線材來說, 可以同 Lux 呢條有 12%鍍銀, 仲煲到熟哂的 HDMI不相佰仲, 真係十分不錯了. 而聲音方面小瑟有一點點的驚喜, 因為 UHDP 出來的聲音線條非常之好, 尤其以低音的伸延部份做得非常唔錯, 用上 UHDP 時當睇電影時的中低頻有加強氣氛的效果, 其低頻的效果不止厚度適中, 而且可以將整個電影的氣氛帶起, 而且佢三頻嘅分佈平均之餘, 最難得嘅係低頻量充足得來, 仲可以保留到定位嘅清晰度, 呢個效果以呢個價位來說, 性價比絕對十足!

Tributaries UHD Professional 進階級性價比 HDMI 入手試

Tributaries UHD Professional 進階級性價比 HDMI 入手試

Tributaries UHD Professional 進階級性價比 HDMI 入手試

Conclusion:『信心與性價比非常高之選!』

近年好多朋友都會玩光纖HDMI線, 不過玩左一段時間之後, 都可能會想還原基本步, 買返一條不需要晶片的傳統 HDMI線材, 貪佢一係得, 一係唔得, 亦都可以在 4K HDR, Dolby Vision 的世代上, 可以減小一些 “握手" 上的問題. Tributaries 呢個新到港的線材品牌, 主打高性價比, 質量穩定, 而且質素比起其他的知名的HDMI線材價錢來得親民, 對於想升級手上的原裝線材的朋友, 小瑟絕對建議可以一試呢條 UHDP, 話唔可以都同小瑟一樣, 聲畫上可以給你一點驚喜呢!^^"


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章