HMV玩完等於唱片店沒落?? 專訪唱片店負責人細說近年景況

自從上月 HMV 自動清盤之後, 好多報導都會將目光投射到 : 『唱片已經冇得做!』, 『CD已經沒落!』, 『連HMV咁大間的唱片店都支持唔住了!』等等的留言比比皆是, 但事實又係咪真係咁呢?? 係咪一隻 AirPods 就可以將整個影音門市的最後防線都打破呢??? 我地好高興可以找來在唱片業界多年的威威店老闆 Enor姐同大家分享一下, 三十多年來香港唱片界以至現在, 究竟係咪真係已經冇得做, 還是仍然可有作為呢。

HMV玩完等於唱片店沒落?? 專訪唱片店負責人細說近年景況

經歷風雨三十五年的唱片店 專訪唱片店

廣爲影音軟件發燒友熟識的『威威店』開業至今已超過三十五年,期間見證過唱片市場許多重大轉型,如翻版唱片時期,網上下載MP3時期,以至最近年的串流音樂興起,佢地都一一見證。高峰期全港共擁有四間分店,當下分店亦有三間,分別設於旺角、九龍灣及元朗。

HMV玩完等於唱片店沒落?? 專訪唱片店負責人細說近年景況

流行唱片好賣, 還是發燒唱片好賣??

好多人都會以為, 現時聽本地流行唱的朋友仔大多數都會以串流形式聽歌, 但其實這個絕對是錯覺, 威威店 Enor姐分享道, 一般來說如果有歌手出新碟, 而且唱片是一張有誠意的作品, 銷情一般都會不錯, 而發燒碟同流行曲的比例更加係 50 : 50, 二者差不多的銷量. 所以 Enor姐分享主要係睇唱片是否有質素的作品, 如果有一定的水準, 而且歌手是具有人氣的, 銷量一般都不會太差。

HMV玩完等於唱片店沒落?? 專訪唱片店負責人細說近年景況

HMV玩完等於唱片店沒落?? 專訪唱片店負責人細說近年景況

實體唱片對下一代是否一定絕跡??

其實好多人都會覺得, 現在小朋友都已經連CD是什麼都未必知道, 的確好多新一代的家長真係可能連自己都未必會買碟, 但 Enor姐分享佢地好多客人, 喜歡一個歌手好, 鐘意聽歌都好, 擁有實體碟的感覺是可以實實在在地擁有整個作品. 佢地都有好多客人會帶埋一家大小來選購唱片, 過程中好多了小朋友亦都對唱片的封面非常好奇, 這個情況下其實都是慢慢地教育下一代購買正版唱片, 支持歌手的其中一個方法. 而且黑膠咁大張都還有其空間, CD又怎會絕跡呢!?

HMV玩完等於唱片店沒落?? 專訪唱片店負責人細說近年景況

您又點睇實體唱片業的發展??

HMV之死其實係咪代表唱片市場不景, 影音市場之不滯呢?? 小瑟個人認為原因好多, 地租太貴, HMV的選址太豪, 營運方向不清晰, 呢D都可能係導致 HMV 結業的種種原因. 其實好多行內人士其實平身都對HMV抱有希望, 亦都覺得以佢既身份, 以佢既品牌效應, 要做好唱片或賣影音產品, 絕對有其優勢, 奈何如果只以一盤生意來看待HMV這個品牌實在難逃最終現在的命運. 各位版友睇完Enor姐的分享, 不妨係我地唱片討論區又分享一下你的睇法丫。而小瑟就好希望唱片店可以開返更多, 咁我地行街先叫有D野岩我地睇下呢!

🎥#影片版本會比圖文版本有更多的內容,敬請多多留意呀!😍


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章