挑戰 Dyson !? LG CordZeroTM A9 無線吸塵機正式抵港

一講起無線吸塵機, 大家一定會諗起只有 Dyson, 其他的???? 都唔入流!!! 但近日 LG 在香港發佈的全新 LG CordZeroTM A9 無線吸塵機, 小火睇落又好似係針對 Dyson 一直以來的不足之處, 在每個細節位置去改善另到大家更好用, 更易用, 而且有一點佢做得幾好的, 就係更容易清潔到『吸塵機』的自身. 不過……….係咪咁就可以挑戰到 Dyson 的地位呢????

終於無線吸塵機可換式鋰離子電池

以往使用無線吸塵機最煩的莫過如電池容量小,有時候打掃到一半便要充電。LG A9 使用可拆式雙電池設計,每粒電池在標準吸力下,可供約最多40分鐘的使用時間,強效清潔模式可用9分鐘,而最強的 Turbo 模式下都可以使用6分鐘,能提供更長的續航力。小火試過一般吸座時用強效模式比較似 Dyson的基本狀態,所以大家預計可用18分鐘就差唔多,但唔洗等差電都係值得一讚的!

伸縮式吸管可伸長縮短迎合使用者高度

LG CordZeroTM A9 使用人體工學設計,用家握住吸塵機把手時可與地面成 45 度角,有效減輕手部負擔,加上伸縮式吸管方便不同身高的用家輕鬆打掃,小火試過的確係比較輕鬆。

電動地板吸頭

吸頭採用短絨毛刷頭,吸塵時可以更貼近地面,更有效吸走灰塵。吸頭兩側及下方的短絨毛亦能避免灰塵從旁飛出,真真正正帶走所有塵埃。加上防毛髮纏繞技術1 能有效減少毛髮纏繞於吸頭,絕對是一眾長髮女士的恩物。

震動寢具吸頭

高速震動吸頭,以每分鐘 4,000 次拍打的速度將看不見的塵蟎吸走。此吸頭另一特式是沒有刷毛,用家可安心用於床褥、枕頭、椅墊、梳化等,絕不會損壞寢具或傢俬質料。

電動地拖吸頭

此吸頭可將 A9 無線吸塵機集吸塵及地拖於一身。用家於使用之前可先用水弄濕拖把,輕按下按鈕即可卸下水箱加水至最高水位線,透過「水量調節」按鈕控制出水量,即可使用旋轉拖板進一步清潔家居。不過這個電動地拖吸頭只係注入清水,不可注入任何的清潔液體呀!

不需鑽牆都可掛機

LG A9 獨特的充電座設計有三種充電方式,分別是掛牆、座地或簡易安裝式、方便用家於各種環境使用及收納。

清潔都有小工具幫手

A9 除了吸力強大外,其方便的吸塵機清潔程序都非常唔錯。用家可拆出過濾網及金屬防塵裝置,其間不需要用手去接觸都可以用清水洗淨,用家只需輕輕一按便可把吸塵機內的集塵箱打開,再利用隙縫吸頭把裝置輕易取出。算係非常貼心!

LG CordZeroTM A9售價詳情

LG CordZeroTM A9(酒紅色)- 港幣$7,290
LG CordZeroTM A9(鐵灰色)及 A958IA(星空銀)- 港幣$6,290

Conclusion :「設計好周詳,但售價未夠吸引!」

先講埋呢部 A9 無線吸塵機係附送 10 年摩打保養及 2 年全機保養。而顏色方面有三款《酒紅色》、《鐵灰色》、《星空銀》。的確好多特點都係針對普市場領導者 Dyson作出優化的,如似可拆式電池,清洗的方案,都比 Dyson 做得細心,不過大家最關於的價錢,分別係$6,290及$7,290二款定位,大家就可以會因而停一停,諗一諗勒。始終另一品牌的價錢多變,不同型號,不同價位可供選擇,由三千多至6千多不等,而且口碑上亦已有一定的年資,需要同 Dyson 爭一日之長短,相信這個定價未必可以造成威脅,而且 LG 的無線吸塵機始終都係第一部,究竟用落的效果如何呢??相信呢點係大家最關心想知道的呢!


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

火麒麟

關於火麒麟

火麒麟 - 顧明思意, 咩野都岩玩, 但就樣樣點著火頭就行開去, 喜歡聽歌, 咩歌都岩, 器材就一定要好聲, 但天價野就唔岩玩, 聽歌懶理好聲唔好聲, 最緊要岩聽.

觀看所有 火麒麟 的文章

相關文章