【好食推介】分店開到周圍都係的 – 三多炸肶

食好野系列今次同大家介紹近排分店開到周圍都係嘅【三多炸肶】!顧名思義,「三多」嘅主打係港式經典小食之一嘅「炸雞肶」,到目前為止喺全香港九龍新界,經已有11間分店,究竟係乜野令到佢哋賣炸肶都可以開到成行成市呢?
6-7
(互聯網圖片)

原來「三多」於2002年喺大埔起家,一間小店只係做街坊生意,冇任何宣傳,只係靠客人嘅口碑,一個傳一個。喺互聯網發展迅速下,「三多」呢個名亦開始多人認識。去年創辦人嘅兒子更加同朋友將「三多」 衝出大埔。除咗喺唔同地方開設分店之外,更加批出特許經營權,招兵買馬,將「三多」呢個品牌越做越大。單單喺旺角分店,就創出一日賣出400隻雞肶嘅紀錄,非常厲害!

講番隻炸雞肶究竟有咩咁好食呢?

三多嘅炸肶不單止係即叫即炸,而且仲係生炸。出面一般茶餐廳食開嘅都會係「先滷後炸」,即係隻雞肶係會先煮熟咗,然後有order時再炸, 因為冷縮熱脹嘅原理,口感同肉質都較「實」,識食嘅朋友好容易就食得出個分別。至於「生炸」就當然可以完全保留所有肉汁,肉質食落去亦會滑好多。不過一隻雞肶由「全生」炸到熟,一般都起碼需時15分鐘。喺香港呢個乜都要快嘅城市裏面,餐廳要做「生炸」 可以話係完全冇可能,皆因一般食客都需要快又唔想等,所以唯有偷雞用個快捷啲嘅方法。

2-27
(互聯網圖片)
三多嘅成功之處就係堅持生炸,唔怕要客人等,所以雞肶嘅質素得以保持。除此之外,佢哋會用一支竹籤穿起成隻雞肶,令到雞肶唔會曲埋一舊,炸嘅時候亦比較均勻同快捷 。雞皮用上麵包槺,非常脆口,仲可以選擇不同程度嘅辣。唯一問題就係皮太脆,好易會食到個口,特別係上顎損晒。
 4-11
(互聯網圖片)
5-9
(互聯網圖片)
温馨提示:如果唔想等咁耐,可以好似筆者咁打定電話落定order,預返15分鐘左右,去到俾完錢就即刻有得攞。
3-22

• Post76網店經已開幕,請到: store.post76.hk


YNWA

關於YNWA

"YNWA"係英超球會利物浦嘅motto, 意指無論你做乜或去邊都好, 總唔會一個人孤單上路, 就如talkupday一樣由幾個兄弟互相支持互相鞭策先能夠面世! 本人為足球及NBA狂熱, 熱衷於賽事分析. 對政治時事亦具濃厚興趣, 堅信公義及民主! Believe in passion & togetherness!

觀看所有 YNWA 的文章

相關文章

相關文章