連名都未識讀就入手 – Zidoo X20 高清播放器

老實講, 入手返來的 X20 小瑟連牌子名都未識讀, 只識叫佢 X20, 之後先知原來佢叫 Zidoo(音 : 斯DO), 在 X20之上, 仲有一部 X20 PRO, 有平衡輸出, 專門照顧埋兩聲道發燒友聽 Hi-Fi之用, 不過小瑟就冇平衡輸入的擴音機, 所以只需要 X20 就可以了, 究竟點解連讀都未識讀就入左手呢??? 等小瑟同大家分享下先啦!

av-media-player-x20-review

已經有 A11 點解仲要 X20 呢?

小瑟一直都有使用 Media PLayer 的習慣, 事緣多年前自己心愛的藍光碟影碟, 無啦啦死到點都睇唔返, 所以就決定將心愛的藍光電影備份成數碼檔案, 希望將來就算死碟都好, 唔洗攪到"渣"都冇埋, 就係因為咁, 當年小瑟就由 OPPO BDP-105+JB去完成這個工作勒. 但當今4K UHD的世界, 4K藍光機的更新之快, 唔即時更新都好難可以睇到最新影碟, 如早排的 Dolby Vision 支援等, 就係因為咁, Media Player 就開始係小瑟家中成為睇備份檔的最方便工具, 一直都用 Egreat A11 去負責, 但上個月"老友M"淘左部 X20返來, 仲話我知呢部 Zidoo X20 一野就 KO了他家中的 A11, 心諗有冇咁勁呀……….見佢價錢唔係貴(為起港幣HKD$3000之內), 就學人淘左返來……一試之下……….依家部 A11就變左一件小擺設呢!!!^^"

zidoo_x20_review_10

同大家講下X20咩料先!

Zidoo X20 硬件方面都幾唔錯的, 四核處理器 Realtek 1296、2G DDR4 Ram、16GB Rom內置存儲, 支援 1000mb LAN 線或 5G WiFi 網絡連接以及對應藍牙 4.1 無線傳輸。4K HDR畫面方面, 此播放器能將 HDR 轉 SDR 處理作出優化, 意思是就算大家在未支援 HDR 的 4K 電視上, 效果都會有不俗的表現。而粒 Realtek 1296芯片係可以硬解  4K / 60P / HEVC (H.265) / 10bit 的 4K 規格, 完全對應一般 4K 影片檔案. 而且支持 4K UHD 藍光選單播放。去到 X20 過三千的身價, 又點可能冇雙 HDMI 的輸出呢? 除左有雙HDMI之外, 最值得講既係選單上可以好輕易咁選取到聲畫分離的設定, 呢個亦都係深得我心的一個小重點呢, 事關唔係部部機都好清晰而且穩定地可以將「影音分家」呢四個字做到架。黎…….不如同大家先睇下X20 的寫真照先啦!!!^^"

zidoo_x20_review_02
之前玩POPCON有一個硬碟槽已經正,X20仲有二個真係FIT哂小瑟呢…@@"
zidoo_x20_review_03
雙HDMI讓聲畫分家,仲有多個HDMI IN…..不過小瑟就未試過用佢.

zidoo_x20_review_04

zidoo_x20_review_05

zidoo_x20_review_06
光纖,同軸同RCA都仲KEEP住,方便大家不同玩法。
zidoo_x20_review_07
外置碟碟上仲可以有USB3.0同最新的TYPE-C,真係插咩都得呀!
zidoo_x20_review_08
玩得勁機,又點可以冇IEC頭比大家換線先???
zidoo_x20_review_14
機身鋼板都厚厚地,上手份量十足。

主介面功能選項清晰簡單

小瑟由 Popcorn年代玩 MDP到依家, 其實都算係有一點經驗, X20 可說是見過 MDP 中操作功能中最易用的一套。設定介面與大家所見 4K 藍光機可說一樣容易上手, 畫面及聲效選項都相當專業, 在 X20中會見到不少只有在中階 4K 藍光機才會見設定選項, 如色域選項, 解像度細項等等, 都可以係 X20內找到。除選項之外, 其網絡字幕功能亦非常完善, 能夠直接經網絡配對合適電影字幕之餘, 大家更可按喜好在設定介面變更字體顏色、位置及大小。至於其最為 DIY友歡迎之處是字體大小能像電腦般放大或縮小, 令字體在螢幕上看起來更自然。所以小瑟就截圖比大家分享一下。由下圖主介面可見, 其介面設計非常專業而且簡潔, 對於一般入門新手都非常易用, 大家一入去「媒體中心」就能直接穿取檔案, 操作方法如電腦操作一樣, 以直觀式為主, 而且其「海報牆」功能亦都非常輕易就可自建, 以下就同大家分享一下。

ZIDOO_X20_PRO_0001
上圖5格就代表不同功能,這個就是"媒體中心"。

ZIDOO_X20_PRO_0055

ZIDOO_X20_PRO_0056

ZIDOO_X20_PRO_0058
全部應用部分已與載了大量實用 App, 方便大家開機即用。

簡易自建海報牆方法

經「海報牆」進入需要按指示選取一個 Folder (路徑) 為海報牆設下搜尋範圍。一切順利的話, X20會自動掃描儲存裝置內所有的影片檔案, 並會按照檔案名與官方資料庫作配對, 影片名稱「命中率」達九成。至於 X20 亦能夠獨立選取海報牆的配對語言, 不需跟 X20的主語言一致, 呢個就非常方便勒。而小瑟試過將配對語言改為英文, 配對準確度幾乎接近百分之百。值得一讚是當電影片名配對完成,  電影簡介部份可算是小編所間盒子中最詳盡的一款, 單是主角簡介及大量相關照片已非常貼心。至於最有心思是系統懂得自動辨識庫存中有幾多套由有同一演員參與的電影, 輕易將打造一個屬於自己的完美片庫。搜尋功能方面, 此預設為對應英語或簡易版漢語拼音輸入, 但對於不諳國語及普通話的港人來說英語可能為唯一的選擇。至於另一樣值得一提是此播放器能擷取檔案的詳盡資訊, 詳盡程度可媲美任何一個專業播放程式, 配套健全實用。

ZIDOO_X20_PRO_0054

ZIDOO_X20_PRO_0059
「海報牆」進入需按指示選取一個路徑為海報牆設下搜尋範圍。

ZIDOO_X20_PRO_0051

ZIDOO_X20_PRO_0031

ZIDOO_X20_PRO_0061
若將配對語言更改為英文, 配對準確度幾乎接近百分之百。

ZIDOO_X20_PRO_0033

ZIDOO_X20_PRO_0065
此預設為對應英語或簡易版漢語拼音輸入, 但對於不諳國語及普通話的港人來說英語可能為唯一選擇。

ZIDOO_X20_PRO_0049

ZIDOO_X20_PRO_0050
X20懂得自動辨識電影中演員名單,其豐富程度同IMDB有得FIGHT呢!
ZIDOO_X20_PRO_0012
X20能擷取檔案的資訊,詳盡程度對好多用家來說太誇張了!

字幕多變仲可以任意調校

字幕配對方面, 小瑟本身真係唔多玩, 所以在借機比老友PK戰時, 就叫老友幫手測試一下. 以下就係老友回覆 : X20能支援嵌入式 (PGS) 及外掛式字幕如特殊字體規格  ASS 及 SSA 都可以食到。而要講X20過人之處當然是能夠自透過網絡配對相應字幕, 呢上就極之方便勒。但係大家要使用配對字幕功能前, 必須先完成海報牆的配對方可使用。至於字幕調整功能,  X20可謂是當下字幕設置功能最強橫的一款。其字體選項不單能支援改變顏色、位置及時間軸移位, 更對應字幕大小微調。至於嵌入式字幕 PGS 格式雖不能像 srt 般任意改變字體顏色或大小, 但仍能按喜好改變字幕高度, 方便大家按喜好或美觀需要將字幕上移或下移。

ZIDOO_X20_PRO_0004

ZIDOO_X20_PRO_0009
X20能夠自透過網絡配對相應字幕, 但使用前必須先完成海報牆配對才可使用此功能。
ZIDOO_X20_PRO_0010
字體選項不單能支援改變顏色、位置及時間軸移位, 更對應字幕大小微調,非常強橫。
ZIDOO_X20_PRO_0052
嵌入式字幕 PGS 格式雖不能像 srt 般任意改變字體顏色或大小, 但仍能按喜好改變字幕高度。

雙 HDMI 聲畫分家及解像細項細心

X20 除左聲畫之外, 最值得分享的一定要數其設定 Menu, 其設計非常簡單易明, 設定介面下控制聲畫及網絡有 6 大項目, 小瑟就同大家分享一下當中畫面及聲音現時的設定吧。大家記得一定要開啟播放設置內的『自動幀率』功能, 呢度有三個選項, 第一係『關閉』, 第二係『僅切換幀率』, 第三係『切換幀率與分辨率』, 大家可以就自己的喜好去設定你想要的功能, 例如小瑟定好了X20的解像度為 4K/24p的, 如果電影係以 24p 的話, 當然唔需要轉換啦, 但係如果小瑟睇緊係 60p的4K影片的話, X20就會自動將24p的設定轉為60p以附合返電影的內容勒. 呢個情況如果係睇藍光演唱會就非常有用勒, 因為藍光演唱會一般都係 1080/50i 的, 如果我呢個設定下, X20就會用返4K的解像度但自動轉 50i 去輸出, 非常方便, 雖然呢個功能係 A11 上其實都有, 不過就冇 X20咁清晰可以分開二個選項比大家自由選擇呢。

ZIDOO_X20_PRO_0039

ZIDOO_X20_PRO_0013
這個『自動幀率』功能非常有用,大家一定要留心設定呀!
ZIDOO_X20_PRO_0014
字幕可選擇自動, 以配對最適合以原聲或中文優先播放。

雙 HDMI 功能非常成熟穩定

HDMI 輸出的設定亦都一絲不苟, 除了預設在『主副口分離模式』的聲畫分家狀態外, 其設定還支援兩組 HDMI 同時輸出聲畫的『主口+副口模式』及只有單一 HDMI 輸出聲畫的『主口模式』。而其他進階選項更能按喜好調較『色彩深度』、『顏色空間』及『HDMI色域』功能, 但小瑟都係喜歡將設定選為『自動』, 因為現在的 4K 系統大多數出事都係器材之間的"握手"問題居多, 所以設定自動讓器材間大家自動辨識就最好。聲音方面, 有AV AMP的用家記得一定將『HDMI音頻』下的解碼設定為『源碼透傳』, 以令播放設備能夠將源碼傳送到擴音機, 直接為 Dolby Atmos 或 DTS:X 點燈呢。

ZIDOO_X20_PRO_0062
三種 HDMI 端子模式, 方便大家按實際情況配對。
ZIDOO_X20_PRO_0020
顏色空間最高支援 YCbCr 444, 規格上的配套都算完善。
zidoo_x20_review_15
X20可以在影片播放時都調校到畫質,非常有用。
聲音方面此播放器能支援音頻訊號 Passthrought (直通), 能利用 HDMI 將 Bitstream 訊號傳輸到擴音機。
聲音方面此播放器能支援音頻訊號 Passthrought (直通), 能利用 HDMI 將 Bitstream 訊號傳輸到擴音機。

聲畫實測 : 畫面黑位及聲效密度好好!

玩得雙 HDMI , 當然就係希望可以有一個更好的聲畫效果啦, 小瑟就 HDMI 1直接出 Sony A1, HDMI 2就直接接駁 Pioneer SC-LX901 AV AMP出聲, 雖然未有支援12bit 的 Dolby Vision , 但 X20 比小瑟最大感覺就係其黑階展現的層次非常唔錯, 在 4K HDR 的電影下所營造的效非常出色實淨。測試小瑟睇左《悍戰太平洋2》, X20明暗在對比、立體感層次, 主角戰衣質材感及雨絲打落機械人身上所形成冒氣感做得好好, 雖然只係 HDR 影片, 但其黑位內的層次竟然都出得好好, 有一點點 DV之感呢(當然只係感覺啦XD)。而聲音方面 X20 以 Bitstream 方式傳輸到 LX901播放,其 Atmos 聲軌內很多細節或弱音部分都可以充分的表達, 而且音效中的綿密性同埋身感比 A11 來得狠勁, 比小瑟用緊的 OPPO 可以說有得 Fight 呀, 感覺不太像之前用過的 Media Player般, 音色比較輕薄, X20的埋身感同密度都比到小瑟有真正「發燒向」的感覺。

zidoo_x20_review_17

zidoo_x20_review_18

zidoo_x20_review_19

Conclusion:『值得小瑟寫足二日分享的高清播放器!!!』

的確在 Menu功能上, X20 做得非常人性化, 而且最為小瑟滿意的一定要講加入 NAS Server入口的方便性, 雖然來來去去都係搵 NAS 名, 打 Password 之類既野, 但其方便同直觀性可以講係眾多 MDP 之中最深得我心的一款, 而更加值得一讚的是 X20 可以睇緊 4K HDR電影時, 直接在選單調校畫質設定呢個功能, 真係非常非常之有用。而 X20本身其畫質比 A11 處理已經可以話係完勝, 佢仲可以一邊睇戲, 一邊調校真係貼心到喊。就 A11 同 X20分別的感覺, 有一個小小故事可以同大家分享一下, 話說小瑟睇左 X20幾個星期之後, 有一次借左部機比朋友同佢部 A10來 PK戰, 果排小瑟用返 A11……嘩………..果份失去左先知咩係珍貴的感覺, 依家都仲記憶尤新, 雖然當初睇 A11 已經係非常之唔錯, 但對比起 OPPO UDP-203或 UDP-205, 始終都係低一點點的機種, 但咁既價錢, 收貨啦…..點知依家 X20 的畫面質素竟然比小瑟家中的 UDP-205 有得比下, 現在除左 UDP-205 有 Dolby Vision 之外, 同埋音色仲係差一點點之外, 其實都已經算係好唔錯呢. 不過以 Android 為 OS 的 Media Player 又點會冇 Bugs 呢?? X20 都有一D好白痴的問題的, 例如如果大家用上一版的 FW 版本, Movewall 方面有個 Bugs 就係不停掃不停掃不停掃不停掃, 所以如果大家係入左 X20 的話, 就記得升級至 v1.2.28 會穩定D, 另外 X20 在 4K 藍光 Menu上的支援就真係冇 A11 咁成熟, 就如小瑟試的《捍戰2》咁, 反應係比 A11 慢, 按左制要等一至二秒先有反應, Info 制睇片時有時會冇反應, 同埋 Info 內的資訊太深, 深到唔夠實用, 跟本唔係做Programmer 唔會睇得明…..等等, 不過好彩一般正常播放或大問題都唔算有, 小瑟試過有一排玩D機(唔講牌子啦XDDD)真係用到發火, 而呢部 Zidoo X20 就唔會有用得唔開心的問題, 而且聲畫都交到功課仲有幾唔錯的分數, 算係值得分享呢!!!!^^"

zidoo_x20_review_20


• Post76網店經已開幕,請到: store.post76.hk


小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章