【旅遊特輯】英倫影音朝聖之旅 – 倫敦『電影迷』必到打卡位!

『英倫風』一直與流行文化劃上等號,更是電影或音樂的文化潮流、生活品味的參考指標。所以無論是『電影』或『音樂』,我地都好易搵到英國文化的足印,如電影「James Bond」、音樂「 The Beatles」等名字除了是大家的集體回憶外,更是一個跨年代的世界共同話題。而今次我地有機會可以應 Cambridge Audio 的邀請,一行四人一同踏足這個咁有影音歷史的地方,我地又點會再帶大家去『大英博物館』,『西敏寺』,『聖保羅大教堂』,『倫敦眼』呢D係人都會去既地方呢?不如等我地帶大家去下平時係電影上會見到的英國倫敦特色景點啦!

《變形金剛》,《神奇女俠》,《正義聯盟》必到場景 Tower Bridge (倫敦塔橋)

《變形金剛》、《神奇女俠》、《正義聯盟》呢三套電影相信係近年非常話題之作, 而英國呢個地方更加係向電影必到的地方之一, 而佢最出名的當場要數呢條 Tower Bridge (倫敦塔橋) 勒, 倫敦塔橋屬英國倫敦其中一座橫跨泰晤士河的高塔式鐵橋,塔橋設光景台,可俯瞰整個泰晤士河。呢條橋在好多不同的電影中都會大派用場,近年幾套大荷理活電影都將 Tower Bridge 作為重要場景,大家可留意下圖《正義聯盟》超人的哀悼徽號亦被 Key 到 Tower Bridge 上面。《變形金剛 5》中段潛艇原來都係機械人一幕及潛艇經過倫敦塔橋一幕,相信大家都唔會陌生吧。

cambridge_uk_day10008

TH_0018

TH_0020
無論《變形金剛 5》中潛艇經過倫敦塔橋一幕、《狂野時速 6》或 《正義聯盟》Opening 都可以見到 Tower Bridge 身影。

cambridge_uk_day10017

cambridge_uk_day10016
泰晤士河兩岸有不少退役著名戰艦供遊人參觀, 而在《變形金剛 : 終極戰士》、《神奇女俠》及《正義聯盟》中都有一幕是途徑 Tower Bridge 畫面。

《職業特工隊 : 叛逆帝國》結局位都係呢度!

講到英國呢個 Tower Bridge 呢個景點, 又點可以唔提埋呢個湯佬的《職業特工隊 : 叛逆帝國》呢? 該片有多個場口都係係英國取景, 其中最重要的當然就係結局位呢個位呢, 大家留意一下湯佬呢個景, 係咪同小瑟企係度既景一樣呢??? 只係小瑟冇佢咁型仔之麻!!!!

20180509_082016_HDR

Tom Cruise on the set of Mission: Impossible - Rogue Nation from Paramount Pictures and Skydance Productions
位於倫敦塔橋一角的 Tower Of London 正是《職業特工隊 : 叛逆帝國》結局處其中一個關鍵場景。
TH_0021
《狂野時速 6》除以倫敦主要場景外, 就連 Tower Bridge 亦有在片內作過不少「客串」演出。

Tower Bridge =  London Bridge???

經常被誤認為 London Bridge (倫敦橋) 的 Tower Bridge (倫敦塔橋) 為英國倫敦其中一座橫跨泰晤士河的高塔式鐵橋,塔橋設光景台,可俯瞰整個泰晤士河。此橋擁有兩座橋塔,每個塔高 65 米。其橋面長 61米。當日我地途徑的的主通道為兩扇式橋段,每邊均可豎起直最高的 83 度,以便船隻在河到中往來。重量方面,每邊橋面各重過千噸,每次升降大約需要一分鐘時間。此橋最初期是利用液壓驅動升降,但當下則改為大型摩打驅動。當日我地從 Tower Hotel 出發,經 Tower Bridge 來到對岸 City Hall (市政廳) 位置,在繼續前行至 London Bridge (倫敦橋) 。

cambridge_uk_day10024

cambridge_uk_day10014

cambridge_uk_day10043
其實呢條其貌不揚的先係大家成日口中唱著的『London Bridge (倫敦橋)』真身呢!
cambridge_uk_day10045
London Bridge (倫敦橋) 為十八世紀全倫敦唯一座能橫跨泰晤士河大橋,亦是倫敦所建歷史最悠久一座箱形大橋,主要連結倫敦市和南華克兩個行政區。
倫敦塔橋 Tower Bridge Rd, London 地址 : https://goo.gl/maps/2KsJktf8zVF2

《BJ單身日記》Bridget Jones屋企大門

相信好多朋友去英國都一定會去一去 Borough Market (博羅市場), 因為呢度曾經被 CNN評選為世界十大必逛生鮮市集!! 其介紹為 :『來英國倫敦沒來逛市集就等於沒來啊!擁有百年歷史的他不管是當地人還是觀光客都愛,各種生鮮魚貨、蔬果、麵包起司、街頭小吃通通都能在這邊一次補足!』而這個地點其實仲係我地香港人非常喜愛的電影《BJ 單身日記》BJ 家門的取景地, 此道大門可謂見證 BJ 同 Mr. Darcy 的離離合合。我地一去到就不停打卡同拍片, 因為事前我地都冇預會去到呢度, 點知我地去附近食早餐時, 竟然比我地行過見到, 所以特別興奮呢!!!! ^^"而由於到訪當日剛好適逢公眾假期,絕大部分攤檔都幾乎沒有營業,但博羅市場街巷上的一磚一瓦以足以喚大家腦海中的電影片段。

CA_LD_0023a
呢個場景係我地無心插柳之下無意中搵到的, 非常好運呢.!!?
CA0072
Colin Firth 在《BJ 單身日記》內系列到訪 BJ 屋企原來是位於 Borough Market 入口處。
Untitled-1
仲記得 BJ 係呢度不停換衫嗎???

cambridge_uk_day10067

cambridge_uk_day10065
我地到訪當日剛好是 Bank Holiday 前的週日,所以街道遠較電影中所見到的墟市清靜許多。

Borough Market (博羅市場)地址 : https://goo.gl/maps/owuJv9sj6LB2

《職業特工隊5》+《皇家特工》朝聖位『皮卡迪利圓環 (Piccadilly Circus)』

近年好幾套特務片都有在英國倫敦取境,當日最記憶猶新的一定要數 《職業特工隊:叛逆帝國》開場後的黑膠唱片舖及《皇家特工》系列的洋服店。比較好彩的是兩間店舖位置非常接近,兩店的距離只有大約 5 -8 分鐘路程,而且該區仲係好多鋪頭比大家盡情買野的地方,非常易去,大家只要乘坐地鐵至 Piccadilly Circus 站,就會非常容易搵到為於 Air Street 5 的「黑膠舖」及 Savile Row 11 洋服店。

CA_LD_0036

cambridge_uk_day20358

cambridge_uk_day20362
呢個大電視就係我地到時不停LOOP住死待2的廣告. 好震撼呀!
CAP1
位於 Piccadilly Circus 站附近的大型屏幕經常在電影中出現, 電影迷路徑此處時記得打卡。

CAP2

CA_AB_0017_edit
原本打算到《職 5》的黑膠舖朝聖,但去到發現原來是電影移花接木, 現在已經變了食店呢!

Mister Lasagna Piccadilly 地址 : https://goo.gl/maps/MgrFGVwd8Un

《Kingsman – 皇家特工》特工裁縫店你冇理由唔去掛!?

如果大家有睇過《皇家特工》, 就一定會對該片的 Kingsman (皇家裁縫店)記憶尤新呢. 而其實該裁縫店真名為 Huntsman,所以店主就醒目地在門口打造了一款鍍金招牌,標示清楚自己舖頭同時是 Kingsman 及 Huntsman 雙重身分。而位於 Savile Row 這街上其實除了 Huntsman 之外, 還有很多其他的百年老洋服店駐足的. 大家都是以全人手製造訂製洋服見稱, 店舖普遍將空間分開兩層, 地面為主舖, 地庫則劃為 Workshop (工作室) , 而我們拜訪當日即使是公眾假期, 但我們都可 (從窗外) 見到有員工在趕工起貨。呢度做一套西裝需要萬多元, 如果大家都想做一套的話, 可以電郵同佢地講, 做好仲可以郵寄回香港架。

CA_LD_0040

20180506_203316
呢度大門相信大家都好有印象吧!

cambridge_uk_day20388

20180507_152456
舖頭入口處列名自己是 Kingsman (皇家裁縫) 真身。

KM2

The Secret Service KSS_JB_D01_00106.tif

Huntsman & Sons 地址 : https://goo.gl/maps/jX7mVwsNE3P2

唔係粉絲都要去《福爾摩斯博物館》

近年興懷舊,「Sherlock Holmes」(福爾摩斯) 再度成為了新世代英倫流行文化的指標,無論你是「鐵甲奇俠」或是「奇異博士」版本的 Sherlock Holmes 的粉絲,此間位於 221B Baker Street 的博物館都一定會是你的打卡景點之一。福爾摩斯 雖為虛構人物,但大眾幾乎都已將他視為真實人物看待,更於九十年代開設這間『The Sherlock Holmes Museum – 福爾摩斯博物館』。大家去到門口,一定知道呢個就係景點之一勒, 因為博物館門口的蘇格蘭場靚仔特警打卡係免費的,所以大家唔打算入博物館內參觀, 都可以免費同個靚仔來一張合照呀。除了買飛上樓上參觀 Sherlock Holmes 既「窩居」,地下位置亦有一間精品店供大家狂掃紀念品。

cambridge_uk_day20333

CA_AB_0009
同一位置有二個入口, 入去221B就係博物館, 需$15英鎊, 如果只想買下野, 右邊門口就係精品店。

cambridge_uk_day20352

cambridge_uk_day20344
門口蘇格蘭場靚仔特警打卡是免費的,即使大家唔打算入博物館內參觀的話,都千奇唔好錯過機會啦。

CA_LD_0060

cambridge_uk_day20341
除了買飛上樓上參觀 Sherlock Holmes 既「窩居」,留下亦有一間精品店供大家狂掃紀念品。

The Sherlock Holmes Museum地址 : https://goo.gl/maps/j1wsgzSmfb32

#特別鳴謝 Cambridge Audio 帶您暢遊英國影音朝聖之旅

今次有幸去到倫敦,其實係獲英國音響品牌 Cambridge Audio 劍橋音響的邀請過去的,因為佢地總部係位處倫敦,所以我地就順理成章到倫敦勒。而我地當然要把握時間到多個影音熱點打打卡,同大家分享一下幾個影音迷必到「景點」同 Underground(英國倫敦的地鐵)站名,希望你都可以去一個滿足影音迷的英國之旅啦!!!

第一集(電影篇) : http://bit.ly/2xPiFZs
第二集(音樂篇) : http://bit.ly/2JOFzoH
第三集(披頭四) : http://bit.ly/2HMnGSg
第三集(影音行) : http://bit.ly/2t9hrU5
第五集(CA總部) : http://bit.ly/2K92zPf

DSC02229


• Post76網店經已開幕,請到: store.post76.hk


小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章