感染力超強《葉巧琳》首張個人專輯 The Making Of 音樂會係正喎!

之前都有同 Mischa 合作過, 不過小瑟當然唔係同佢可以係音樂上有合作啦, 小瑟只係上年做野時, 有機會同 Mischa 一同演出幾個耳機教學的單元劇, 但其實小瑟一早都已經非常欣賞佢既音樂, 唔講真係唔覺, 原來佢岩岩出呢張籌備左3年的新專輯《The Makings Of》係佢第一隻的大碟, 事關上年聽佢既歌『孤單的貝多芬』時, 都冇為意佢冇出到唱片, 早排聽到的『神把眼淚都留給了人』小瑟都有同大家推介過, 昨晚可以話係 Mischa 的第一次個人小型音樂會, 好多位都令人感動呢….如果你都係現場, 一定可以感受到那份感動呢!!!

昨晚 Mischa 在大角咀Lost Stars Livehouse Bar & Eatery舉行「《The Makings Of》發布音樂會」,更邀請 Trekkerz 的好拍檔Mike,及好友波多野裕介等樂手做伴奏,即場演唱新舊歌曲,以歌會粉絲。而 Mischa以首隻solo作〈孤單的貝多芬〉打頭陣,接着便唱出去年的大熱作品〈能見度〉,之後Mischa與歌迷分享心裹感受,她指自己並不是個容易將內心感受表達出來的人,今次是藉着專輯《The Makings Of》來向歌迷表達自己的想法和感受。

mischa_ip_new_album_live_01

其後Mischa唱出〈我快學懂了〉,她透露歌曲背後的故事,她說:「感激首歌,令我真係學懂咗好多,難關只要跨過,人就會變得更加堅強,不過都好多謝一個朋友,佢陪住我成長,嗰個人就係阿Mike。今次我堅持要搵Mike幫我彈,因為隻EP裹面其中兩隻歌都係同佢一齊寫嘅。」之後Mischa便唱出與Mike一齊寫的〈神把眼淚都留給了人〉,用來送給一位故友。之後 Mischa接着再唱出近日熱播的新歌〈殘渣〉及〈毛球〉,之後她向伴奏的樂手們及幕後人員致謝,尤其感激波多野裕介為這個音樂會重新編曲,當然少不了感謝男友的支持和等持,觀眾聞言都相當感動。

mischa_ip_new_album_live_02

而Mischa在音樂會尾聲時不忘要帶出鼓勵歌迷要堅持的訊息,她說:「人生係會有好多難關,令到你有million reasons去放棄,但只要大家記得做好自己、愛自己的話,你一定可以捱過去。我係一個好多瑕疪嘅人,好多嘢都未做到做好,this is me,多謝你哋依然咁錫我。」最後獻上一曲〈Million reason〉×〈This is me〉,為音樂會畫上完美句號。

mischa_ip_new_album_live_03

小瑟 : 『Mischa新碟需要碟評嗎???』

小瑟當然有支持 Mischa 的新唱片啦, 而好好彩 Mischa 仲可以有時間同小瑟簽左名添, 令小瑟的唱片櫃內又可以多一隻珍藏呢…….好多版友都會問, 咁隻碟好唔好聲呀??? 其實欣賞一個歌手, 喜歡佢既歌, 靚唔靚聲已經係次要了, 歌曲岩聽, 感動到小瑟先係最重要的呢. 不過睇隻碟既封底有 Edward Chan 的名字, 應該都唔會衰得去邊呢, 好….小瑟聽完再係科林的討論帖同大家分享一下啦!!!

mischa_ip_new_album_live_06


• Post76網店經已開幕,請到: store.post76.hk


小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章