【電視開箱】突破宿命終於殺上 Sony A1 4K OLED 55″ 電視入手安裝記

一直係呢個家庭影院內, 都有一個長期的鬥爭發生中, 第一個係加多一對耳仔水平的後置喇叭, 第二個就係更換 OLED 電視,今年一出 Sony 的 A1 OLED,  尺寸最細都只有55吋,心中已經拿住拿住,因為屋企太細,中央一直都拒絕入手超過 50 吋以上的電視,因為怕小朋友會睇壞眼。但事隔半年,係再三申請同 A1 售價下跌到好吸引的水平之下,加上中央自已都中左 OLED 毒,就係咁終於都可以………^^"

突破宿命終於殺上-sony-a1-55-4k-hdr電視安裝記

正式入宮 …… A1 安裝過程分享!!

A1 的報告同開箱,其實早在佢推出時,小瑟都做過多次了,如果大家想睇返可以去【評測】+【開箱】了解, 所以今次小瑟就主要分享返當日安裝的情況呢!!! 呢部就係跟左小瑟二年半左右的 Sony X8300C, 雖然可以谷上行HDR, 不過始終都係未完整支援, 所以玩左2年半, 終於都要入OLED既世界呢!!

4k_hdr_sony_a1_oled_install_review_01
要裝新機, 部 X8300C 終於都功成身退, 而隻 NB 掛架都可以收工了!

4k_hdr_sony_a1_oled_install_review_02

4k_hdr_sony_a1_oled_install_review_04
雖然呢個NB架可以拉出拉入, 不過去到55″ A1的時候, 我就冇再用佢了……
4k_hdr_sony_a1_oled_install_review_03
小瑟留定枝好野比A1補補佢先.
4k_hdr_sony_a1_oled_install_review_05
師父上來好快地就將我個NB架折左, 折完之後, 大家就會見到牆身其實好多戰績呢!!
二個師父, 一個電鑽一個吸塵機, 攪掂!!!
二個師父, 一個電鑽, 一個吸塵機, 攪掂!!!

4k_hdr_sony_a1_oled_install_review_07

4k_hdr_sony_a1_oled_install_review_08
原裝的A1掛牆架就係咁簡單的.
4k_hdr_sony_a1_oled_install_review_09
部55″ A1 來到小瑟家原來真係唔大…..

4k_hdr_sony_a1_oled_install_review_10

4k_hdr_sony_a1_oled_install_review_11

4k_hdr_sony_a1_oled_install_review_12

4k_hdr_sony_a1_oled_install_review_15

55″位置岩岩好但想換喇叭就難攪D…….@@"

55″在小瑟的家原來又唔係好大炸喎, 不過放喇叭的話就會有D問題勒, 最初度過如果仲係用 KEF 的 XQ10 的話, 其實位置真係岩岩好的, 因為XQ10的背部其實係細小小, 有一點點的修圓位置的, 所以效埋部 55″A1 入去其實係岩岩好的, 但如果好似依家小瑟咁, 如果換左另一款喇叭的話, 那就真係要就得好辛苦先可以放得落一對前置喇叭, 所以係呢個情況下, 如果真係想換喇叭的話, 睇來都一係要換左個地櫃佢, 或者要將對喇叭掛上牆先可以了!!!!@@"

4k_hdr_sony_a1_oled_install_review_13

4k_hdr_sony_a1_oled_install_review_17
圖中可見到的"偷位"就係岩岩好的呢.
4k_hdr_sony_a1_oled_install_review_14
當晚即時睇下 John Wick 2…….果份黑位真係…..@@"

4K OLED 技術性擊倒當年 PLASMA!!

睇左3年 4K LED 電視的小瑟, 其實當日都好開心可以換上4K的面板, 當然一轉果刻係唔習慣的, 因為由 PLASMA 轉 LED 電視其實會慣都一定係呃人的, 因為睇慣左 PLASMA 的黑位, 再睇返 LED 的黑位處理, 老實講, 真係拍馬都追唔上那邊真實黑色的感覺, 但 4K 那份細緻感又係當年 1080p 高清的電視滿足唔到的, 而且部 A1 畫質的細緻度因為 4K 的關係, 可以講話係完全技術性擊倒 PLASMA 當年比小瑟的感覺, 最好笑係當換機的第二天, 小瑟的外母來我家, 佢一睇部電視就話…..「係喎, 點解你個電視台D畫面好似靚D既?? D顏色都同我屋企唔同架喎(註 : 外母已用 4K LED電視)」, 就連外母都睇得出分別……..你話堅唔堅!!!!XD

4k_hdr_sony_a1_oled_install_review_18

CONCLUSION:「鍾愛家庭影院的您……..盡可能一野攻頂吧!!!」

過了這幾年 LED 的洗禮, 小瑟一直都等緊一部可以讓睇戲睇得投入的電視再次投入家庭影院之中, 耐何 OLED 的售價一直居高不下, 直到上年年尾, 終於等到聖誕前的優惠期, 再加上心儀的 Sony A1售價回落到可負擔的水平, 而且做過多次的報告及分享會之後, 就連小瑟的太太都比 A1 的那份自然的色彩及多細節的黑位吸引到, 開綠燈讓 55″ 順利通過, 你話又點可以唔入手呢?? 而且好多人都會擔心 OLED 會燒印的問題, 已由 A1 獨有的 X1 Extreme 圖像引擎 (Image Retention) 作處理, 所以小瑟睇左 A1 都有成個月, 又有睇過《溏心風暴》, 《TVB新聞台》, HBO電影, 4K藍光, 完全唔覺有任何"燒印"的問題出現. 依家就算係睇鬼片都份外投入, 而且有時無聊再囉D碟來睇時, 亦都會覺得畫面唔同左, 以下呢炸就係呢期好想再次留煲的 4K 電影呢!!!!^^"

4k_hdr_sony_a1_oled_install_review_21

突破宿命終於殺上 Sony A1 55″ 4K HDR電視入手安裝記


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章