【原創影評】 《骨妹》…… 一部令您極感動的港產電影

小瑟承認真係好少睇 港產片, 事緣真係畀西片的大製作寵壞了, 另一原因可能香港地方少, 人口少的關係, 粵語市場多大小瑟真係唔敢講, 所以成日講 香港電影式微!! 但以前 80 年代至 90 年代, 香港電影業又真係非常強勁, 究竟係市場細所以冇人願投資製成作港片, 還是質素真的下滑呢?? 呢個問題留待大家自己決定吧. 今日小瑟想同大家分享一套港產電影, 當日上畫的確唔太多宣傳, 亦無比眾多的傳媒拿來吹捧一番, 點解今次小瑟又有機會睇到呢套電影呢?? 就係因為由大阪 回港期間, 在飛機上睇到呢套由「 梁詠琪 」主演的  《骨妹》…… 一部令您極感動的港產電影 。

《骨妹》...... 一部令您極感動的港產電影

你問我點解好似冇人識?? 好簡單 … 我會話改錯名!!!!

其實呢套戲多多少少都有一點改錯名的, 不過當大家睇完整套戲之後, 如果叫你改另一個名, 你又唔會諗到改咩好, 但點解話改錯名呢??? 因為套戲跟本一點都不色情 (打飛機一段不算吧^^”),  亦冇講到骨場好多不為人知的東西, 反而係一個澳門回歸之前, 最風光的時代, 一個女仔進入了 澳門 骨場後的一段姊妹情. 故事係由 10 年後的女主角 (梁詠琪) 因為好姊妹 (靈靈) 在 澳門 死了, 佢需要回 澳門 一而勾起的種種回憶有關. 導演係一位叫『 徐欣羨 』澳門 新青年導演, 處女作就係《骨妹》, 但整個拍攝及剪接的手法非常寫實, 但又絕不會悶, 因為你可以一路睇返佢地當年發生既事, 同埋佢地果份姊妹情其實有多深, 當然結尾都係萬變不離其中的, 但在收看整套電影時, 好多位都會讓小瑟有一點點眼濕濕的感動, 大概係導演將二人由友情至大家都不知是否愛情的那份感情非常有序地帶入比觀眾吧.

骨妹_06

∇ 梁詠琪 ‬演這個 李詩詩 (成年) 的角色其實做得非常之好, 尤其可演出那份成熟了但依然天真的味道.

骨妹_02

骨妹_03

骨妹_05

骨妹_04

Conclusion : 「是一套值得收藏的好電影吧 …..!」

好耐未睇過一套唔係打打殺殺, 而又充滿感動位的 電影 吧, 值得一讚除了 梁詠琪 的演出為此片注入生命之外, 二位年輕版的『 靈靈 』及『 十九 』負起整套電影的主幹的章節, 不會覺得生澀之餘, 還非常帶到大眾入戲吧, 值得一讚. 當然仲有二位演佢地十年後的老友『 車婉婉 』及『 麥家琪 』都洽到好處地讓人真的有十年人事幾番新的感覺.

《骨妹》…… 一部令您極感動的港產電影


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章