港行到著極速開箱 – 全球首部平衡線路 Hi-End 手機 Onkyo GRANBEAT DP-CMX1 速評

上個月在網絡上睇到有網友神早已經在日本入手呢部口號為「史上最高音質」的 Onkyo GRANBEAT DP-CMX1 手機同有了一點點的聽感分享, 文中提及的當然最重點就係可以 KO 哂全部以 “靚聲" 掛帥的手機 DAP 啦, 月頭時份, 小瑟身邊都有朋友入手水貨版本, 小瑟亦都試聽過, 心中有數已經知道部 DP-CMX1 在音色上係咩一回事. 而且早已經係小瑟的Facebook分享左少少感覺.

港版 Onkyo GRANBEAT DP-CMX1 開箱照

今日香港行貨版的詳情終於發布, 夠膽以「史上最高音質」作口號, 其定位非常清晰之餘, 亦代表向其他各大品牌手機下戰書, 非常進取. 姑勿論其手機音色如何, 小瑟先來同大家睇下港版的 DP-CMX1 的玉照同寫真先啦!!

onkyo_cmx1_007

∇ 就以外觀來睇, DP-CMX1 的包裝日本版同香港版的包裝基本上一模一樣, 冇什麼太大的分別. 都是以簡樸白底黑字為主, 走簡約風格, 好似好有生活品味咁喎 ~~ XDDD

onkyo_cmx1_001

onkyo_cmx1_002

∇ 今時今日, ONKYO 呢個品牌竟然可以連手機都出埋, 當年小瑟入手AV AMP時又點會估到佢地今天已經發展得咁全面呢!!!

onkyo_cmx1_003

onkyo_cmx1_004

onkyo_cmx1_005

onkyo_cmx1_006

onkyo_cmx1_008

∇ 神聖的一刻來臨, 大家最希望日日都可以做的事….當然就係"開苞"啦~~~~XDDDD

onkyo_cmx1_009onkyo_cmx1_010

onkyo_cmx1_011

∇ DP-CMX1 包裝盒內有手機, 充電器, 充電線, 及說明書一本, 一眼睇哂.

onkyo_cmx1_012

onkyo_cmx1_028

∇ 而對小瑟有用的就是這三件小東西勒.^^"

onkyo_cmx1_013

先來同大家開機講講最基本的 …. 電話功能究竟係點先!!

DP-CMX1 採用 5 吋 IPS 熒幕, 解像度為Full HD 1,920 x 1,080, 而處理器方面以 Qualcomm Snapdragon 650 這粒六核的處理器作運算, 效能雖未達頂級處理器之列, 但以中階處理器來講都係最高效能的一類, 配以 3GB RAM其實非常夠用, 而幾估佢唔到的竟然是內置了 128GB ROM 內存, 如果大家加多一張 SD卡的話(支援最高 256GB microSD 卡擴充), 384GB的空間真係你想裝幾多Hi-Res 的音樂檔都夠哂. 而鏡頭方面 1,600 萬像素的後置鏡頭, 光圈 f2.0, 而且影片拍攝方面支援 4K 影片拍攝, 規格來講一D都唔失禮. 而前置的自拍鏡頭都有 800 萬像素, 光圈 f2.2. 大家最關心的電池容量都有 3,000mAh, 追貼現時手機的電量. DP-CMX1 對應 Quick Charge 3.0, 雙卡雙待之餘亦內建 Android 6.0 Marshmallow 系統, 手機功能來講非常完善.

onkyo_cmx1_026

onkyo_cmx1_034

∇ DP-CMX1全機金屬感非常強烈, 而且手感非常扎實. 而左邊的位置仲刻有 “HIGH-RESOLUTION AUDIO" 字樣, 硬橋硬馬話比大家知, 佢係為高清音樂而生的…小瑟個人幾BUY呢個設計.

onkyo_cmx1_035

∇ DP-CMX1下方有一個喇叭位置, USB插頭及收音咪.

onkyo_cmx1_014

onkyo_cmx1_025

∇ 機邊右邊就有一個HOLD鍵, LOCK左之後全機任何按鈕及屏幕都唔可以再作任何操作.

onkyo_cmx1_015

onkyo_cmx1_016

∇ 叫得音樂手機, 又點可以唔做三個方便大家播放音樂用的按鍵呢!?

onkyo_cmx1_017

2.5mm全平衡輸出 + ES9018C2M解碼及ESS 9601K OP-AMP 擺明要做全球靚聲手機標準

當今世上唯一可以有3.5mm 及2.5mm平衡輸出的手機, 絕對只有 DP-CMX1 莫屬, 2.5mm 4極全平衡輸出端子, 內建兩粒 ES9018C2M DAC 解碼晶片及 ESS 9601K OP-AMP 運算放大器,  呢個規格同一部高規格的DAP無任何分別, 而 DP-CMX1 支援的音樂格式亦非常全面, DSD 11.2MHz 及 PCM 24bit/384kHz 階可對應, 檔案播放方面 WAV/FLAC/ALAC/AIFF/Ogg-Vorbis/MP3/AAC/MQA 都照食無誤, 另外亦支援 aptX HD 藍牙無線串流技術, 真係有線同無線播放都一一照顧到.

onkyo_cmx1_018

∇ 全金屬機背, 中間刻有 “ONKYO" 品牌, 而最底就有 " TWIN DAC".

onkyo_cmx1_019

onkyo_cmx1_023

onkyo_cmx1_024

∇ 音亮按鈕設計得比較明顯, 而且流線的機背都係方便比大家日常手握時唔會有不適的感覺.

onkyo_cmx1_027

onkyo_cmx1_020

∇ 1,600 萬像素的後置鏡頭

onkyo_cmx1_021

onkyo_cmx1_022

∇ 跟機來的 SIM針, 呢枝針比較幼身, 用係 DP-CMX1 身上係岩岩好的, 但如果想用 iPhone 的 SIM針來開 DP-CMX1的話, 就有機會插唔入的, 因為 iPhone 那枝會比較粗D的! 所以呢枝SIM針千萬唔好唔見呀!!

onkyo_cmx1_029

∇ 雙卡雙待的插槽.

onkyo_cmx1_030

∇ 槽邊會有 “1″ 同 “2″ 的指示.

onkyo_cmx1_031

∇ 而 microSD 的插槽就在 SIM卡側邊位置.

onkyo_cmx1_032

onkyo_cmx1_033

同場加映 DP-CM1 及 DP-X1 比對照

小瑟早在 Onkyo 第一代 X1 已有入手作日常聽歌之用, 咁好機會又點會唔將二部機來作一個比對照同大家分享呢, DP-CMX1的機身比較長, 而且機身厚度亦比 X1 薄一點, 而因為身長左, 機身幼左的關係, 直接另 DP-CMX1 上手的感覺似返一部手機, 而 DP-X1 因機身較闊, 如果要好似手機咁經常單手操作係一樣會好似出事的.

onkyo_cmx1_036

∇ 上為 DP-X1, 下為 DP-CMX1.

onkyo_cmx1_037

onkyo_cmx1_038

onkyo_cmx1_048

∇ 由下圖可見, 上方的 DP-CMX1機身的流線設計比下方的 DP-X1 更程圓邊設計, 目的當然係希望用家在手上時可以有更舒適的感覺, 而的確 DP-CMX1 在長時間手持的感覺都沒有半點唔舒服的.

onkyo_cmx1_041

∇ 二部機都有發燒玩家最喜愛的2.5mm平衡插頭, 有用過 2.5mm平衡線的朋友都會知道呢個平衡頭有著另播放器起死回生之效, 任何 DAP 如果帶有 2.5mm平衡輸出的話, 在未聽過 2.5 之前, 都千萬不要輕易對該部 DAP 下定論呢!!!^^"

onkyo_cmx1_042

onkyo_cmx1_040

onkyo_cmx1_046

onkyo_cmx1_047

∇ 從拾元硬幣可知其機身厚度.

onkyo_cmx1_049

onkyo_cmx1_050

onkyo_cmx1_043

∇ 二部機的手握比對, 左邊為 DP-CMX1, 右邊為 DP-X1, 明顯地 DP-X1 的手指握持感比 DP-CMX1, 所以二者的設計是明顯 DP-CMX1係方便用家經常手握電話而設的呢.

onkyo_cmx1_044onkyo_cmx1_045

Onkyo DP-CMX1 及 Sony Z5 Premium 屏幕效果比較

另外大家亦都可以想知道, 究竟 DP-CMX1 同我地平時用的電話, 在畫面上的比對又會如何呢?? 小瑟一直服役的手機就係 Sony Z5 Premium 手機, 雖然唔係買左好多年, 不過話咁快就好似已經變左老爺手機咁…….好彩小瑟都唔係追款既人(其實係新款唔岩睇姐XD), 規格上, Sony Z5P 配有 5.5 吋 IPS屏幕, 而 DP-CMX1 就配有 5 吋 IPS 屏幕.

onkyo_cmx1_051

∇ 大家可以見到右邊的 Sony Z5P 明顯有偏藍的感覺, 而左手邊的 DP-CMX1 就會比較暖色而且光亮度都比較飽滿.(二部手機都將光亮度設為最大)

onkyo_cmx1_052

∇ 仔細度來說, 受惠於 Sony Z5P 有4K 屏幕, 在畫質的仔細度明顯比 DP-CMX1 來得更好, 而且畫面大0,5寸, 始終都有其優勢呢.

onkyo_cmx1_054

onkyo_cmx1_055

onkyo_cmx1_056

點解 Onkyo 出手機一定比其他廠更照顧到音色方面呢??

對DP-CMX1手機有興趣的朋友, 絕大部份都一定係為左可以享受靚聲音樂而對佢著迷的, 而且得知佢有雙DAC+雙OP-AMP的設計, 加上 DP-CMX1 用上專用音頻等級電路去將電話的CPU同音頻解碼部份完全分開, 在發燒友的世界上, 這個設計是必須的, 因為手機內的確係非常非常之多的電磁波干擾著數碼轉換的音色, 所以點解一直以來手機DAP都好難比到發燒友一個好完滿的隨身聽方案就係咁樣, 因為一般的手機廠會先以手機輕巧, 重量同厚度, 影相功能來作設計的首要, 所以內部結構如何去隔絕電磁波的干擾這個課題會比較難以處理, 而好多隨身聽玩家為左可以聽得更好, 就會係電話上再加多一部DAC+AMP去將訊源同解碼部份分開, 希望可以得到更干淨的音色, ,而 ONKYO DP-CMX1 的出現, 就正正為了解決這個問題而研發的.

onkyo_cmx1_057

∇ 將CPU同DAC分開二塊線路去處理, 加上全平衡的回路設計, 都係 DP-CMX1 可以得到更黑背景的原因之一.

onkyo_dpcmx1_01

Onkyo DP-CMX1 + E900M 實試音色

小瑟日常都會用 Onkyo E900M 來作手機聽歌的耳機之一, 貪佢唔太難推又好岩聽, 就算手機聽歌的規格方面唔係咁正(如 Sony Z5P), 佢都可以幫我處理三頻做得比較可聽, 而且 E900M 耳機線上已有收音咪, 方面小瑟聽歌時都可以講到電話, 而呢個耳機來到 DP-CMX1 就非常岩用了^^". 小瑟插返平時用的 SD 卡即時試聽一下. 先聽 24bit/96kHz 玉置浩二的《酒紅色的心》一開始 “玉生" 哼出的音色好暖, 好厚身, 而且背景真係可以做得好黑, 背景非常咁平靜, 以手機 DAP 來講淨係聽呢短短 5 秒的 INTRO 就已經知道, 點解之前好多報導或網友分享時都會第一句就話 KO 乜乜乜電話之類等, 的確, 呢部 DP-CMX1 一開聲已經比到好明顯的感覺佢係一部 DAP 多於一部電話, 感覺就似聽緊小瑟手上的 X1 無什分別, 而在 E900M 的配合下, 低頻的層次感同質感都滿意的, 而人聲跟樂器平排地送到耳內, 唔會有邊方面特別突出的感覺, 聽感非常舒服. 好快就聽完一首. 再來小瑟試聽自己用 SACD RIP出來的 DSD 2.8MHz傻豹主題曲《 The Pink Panther》, 色士風一出, 樂器企正中間, 由 crash cymbals 打出來的叮叮聲非常清爽地送出, 空間中的氛圍做得幾好, 唔錯唔錯!!! 值得一提是, 小瑟一直聽 DP-CMX1 都沒有用上飛航模式, 就算在未起歌的情況下, 耳機都沒有任何雜訊或干擾雜音之類, 足見其防干擾的確做得唔錯.

onkyo_cmx1_058

Conclusion:「規格勁得來附送 Onkyo 多年音響調音經驗的智能手機!!!」

因為小瑟想第一時間同大家分享開箱的興奮心情, 所以今日以超短的時間同大家做左開箱及聽一聽呢部聲稱「史上最高音質」的手機究竟係咪如口號說的咁誇張, 所以今篇文章只係短短試左幾首歌就同大家分享. 另外在打呢篇文的時候, 小瑟都一直聽住 DP-CMX1 , 聽下聽下, 真係完全忘記左以為自己插住部 X1 來聽歌, 感覺幾唔真實呢XD. 而 DP-CMX1 究竟算唔算「史上最高音質」的手機以現時市場上試過的手機來講, DP-CMX1 的確係三頻平衡度最高, 音色最似樣, 以及有真正 Hi-Fi 味的一部 DAP手機, 呢方面其他廠牌或開始做音響的手機的品牌們, 絕對值得借鏡學習的地方. 因為做音響其實唔係只將所有勁抽的硬件放入機就等於好聲的, 理由好簡單, 市場上做 DAC 及 OP-AMP 的晶片公司來來去去都係得果幾間, 如果人人都用同一款晶片, 聲音係咪都會一模一樣呢??? 其實一部器材的音色分別之處, 可以係走線同內部好多地方作出全面配合先會得到好音色的, 就簡單如電容部份, 焊錫等細微處都對音色有一定的影響, 所以日本音響品牌其實最值得大家享往的就是其對音色之經驗, 相信不少品牌都深明這一點的, 就如早前 Samsung 一口氣買下整個 Harman 家族, 其手下眾多之音響品牌及經驗相信可以快速地幫 Samsung 打入高級音響的市場之列. 大家見到之後會出的 S8 都已配有AKG耳機就可知一二呢^^"!!! 今日之後, 小瑟一定唔會少得用 2.5mm 的平衡插頭及更正的耳機去解放 DP-CMX1 的潛在實力, 并且會在日常使用中睇下仲有什麼地方值得同大家分享的, 到時再係討論帖同大家分享啦!!!


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章