讀萬卷書,不如五千公里去睇 F1

係 2013年 9月,咁橋同今年既中秋一樣,都係星期四正中秋,自不然翌日星期五係公眾假期,早係 2012年太太就籌備了這一趟人生中與體育運動有關既「體驗之旅」,正所謂「早起既雀仔有福了」,入場劵唔貴,機票都一樣唔太貴!當年係改制前既一屆比賽,同樣地明年又黎一次大改制,巧合,巧合,巧合,重要既野前輩教落,要講夠三次!

YearofTravel2013-Trip4.jpg

新加坡 F1既特式係夜間作賽,星期日賽事係晚上八點才可始,完左之後其實都有好多活動,即走一來有點可惜,二來係廉航無零晨機,得要請埋星期一既假,硬著頭皮地強行係平日請了一天假;係學校上班既我,對校方當年既體量真的相當感激!

∇ 香港與新加坡距離一D都唔遠,一來一回其實只有五千公里,比起古語行「萬里路」黎得更輕鬆啊!
204153j34mrpxeolx4momh.jpg

∇ 今年香港係中秋前就打風打唔成,但當年就打到正一正,仲要個名好鬼襯中秋氣氛既「超強颱風天兔」。
typhoon.jpg

∇ 當年的 F1是由著名評述員陳恩能先生(Daniel)所擔當,其實每場比賽前都要飛到新加坡 FOX Sports 既基地才可工作,有幸當年能與他同坐一班機,見到偶像拍照係常識吧!雖然拍得不太清楚,但當中既意義才重要!係唔影響佢既準備工作情況下,點都要傾番兩句賽車經啦!之後,Daniel 係自己既專欄,都藉此為題寫左一篇:「F1新加坡夜戰:無得輸」,(全文按我),呼籲喜愛 F1既朋友,點都要抽時間,係現場睇賽車,當中感受絕非筆墨可以形容得到!
Daniel .jpg

∇ 新加坡既入場證都幾特別下,我地買既係三日PASS,所以頸帶都有三條比你。
DSC_0620.JPG

DSC_0622.JPG

∇ 太太係刻意揀呢個組合,每日都會有位坐,但觀賞位置同可以進出既地方就日日都唔同。
DSC_0621.JPG

SGF1map.jpg

∇ 係 F1改制前,耳塞係絕對唔少得既野,進場前既天橋有得派,第日入場都一樣有我派,當中有一款係仲係有繩添,加油用既旗仔一樣都有免費既。
DSC_0624.JPG

DSC_0623.JPG

∇ 去旅行又點少得數據卡呢樣野,到步不久就係便利店搵卡,就比我搵到限定版兼送紀念手錶,印象中係比普通版貴幾蚊坡紙。
DSC_0625.JPG

∇ 買數據卡除左搵地方,最重要既都係呢樣,F1 官方手機 app,邊睇數據,邊睇賽車,係屋企睇直播其實有 10幾秒DELAY,現場睇係近孚零,攪到太太身旁既兩位外國女士,不停咁望住我地部機,點解揀極都無我地睇咁多野既?點解,比左年費既咪睇多D資料,咪就係咁簡單。
DSC_0627.JPG

∇ 呢一屆連續四年獲得冠軍既 Vettel,無左火星車之後,睇住佢慢慢成長,亦由飲紅牛改為食意大利粉,超期待佢再上冠軍既來臨!
vettel.jpg

1453380651250.jpg

∇ 除左人稱「黑夜之神」贏到冠軍之外,呢場賽事仲有另一個亮點,就係佢既拍檔 Webber 坐 Alonso 既紅的(法拉利)回 PIT STOP既一幕。
webber1.jpg

webber2.jpg

∇ 係新加坡回來不久,係睇《極樂帝國2154》lMAX特別場時候,同排隊既傾下計,人家就送左兩張優先場既飛,本來無咩咁特別既,片名係《一級雙雄》,正正又係 F1歷史上好重要既兩位車手既故事!
1382439_635549779819143_839324821_n.jpg

∇ 2013年好幸運,分別係FB遊戲中,贏到澳門三級方程式練習/排位入場劵 及 MSC HK Drift 入場劵,後者 Daniel 都有係現場評述,可惜因工作未能出席,只有太太到現場觀看而已。
YearofTravel2013-Trip5.jpg

後話
太太同我由呢一年開始在人生既 Year of Travel,每年不管遠近,都出外旅遊好幾次!


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

八掛仔

關於八掛仔

自少由日本動漫養大,十分鍾愛入場看電影、家庭影院、Head-Fi,八足咁多爪,咩都喜歡試玩一下!

觀看所有 八掛仔 的文章

相關文章