【伏你唔伏】NowOne 送你三個月免費睇 Netflix!?

前言
係 NowOne 推出既時候,好鬼強調可以「一體化」,通吃市面上既數碼同串流廣播,當然就唔會有競爭對手個D啦!但就有非直接對手,早排大熱既 Netflix,既有自家製作既電視劇,亦有好多真·4K節目,更加支援埋HDR添。但假如你唔係買D大牌子既4K電視機,未必內置埋 Netflix app,要睇都一定要靠其他器材幫手至得。

now one.jpg

Netflix 正式在 NowOne 啟用
Netflix 大概係九月初正式可在 NowOne 啟用,起初只能夠睇到高清1080P,好快就有更新睇埋 UHD(但要自行做一點設定,大有可能是不支援市面上所有4K電視)。本身自己用緊既 SONY Curved TV, 睇到 4K Netflix,用唔用到都唔鬼理佢啦!

∇ 係 NowOne 未正式推出之前,已經聽過有用戶收到邀請,可以免費睇 Netflix 三個月,真假難確!直至兩個幾星期前,收到短訊,透過簡單登記就可以免費睇。

Screenshot_2016-09-24-18-10-03 .png

∇ 唔肯定自己有無收過短訊的話,可以係 NowOne 入面既「訊息服務」查得番,同樣有登記連結,用QR就連得到。
DSC_0663.jpg

∇ 但登入網址之後就滿腦疑問,以同一張賬單繳付now TV及Netflix服務費用,輕鬆簡單!:
Netflix4.jpg

Q&A
呢句說話睇落好有「伏味」,差唔多到期限前才敢去登記,或許大家同我一樣有咁多疑問,寫了以下既Q&A同大家分享下:

Q1. 假如本身 Netflix 已試用屆滿,可以用到呢個優惠嗎?
A1. 可以,因為呢個優惠係以 CREDIT 方式存入有關戶口。
Netflix2.jpg

Q2. 假如我本身係與友人分享多屏的 Netflix 戶口,可以用到呢個優惠嗎?
A2. 可以,CREDIT 可以當成為 GIFT 存入朋友戶口。
Netflix1.jpg

Q3. 送贈為 Netflix 標準計劃(月費:78元),可以轉用其他計劃嗎?如:四屏兼享 UHD?
A3. 可以,正如以上所講,三個月月費合共HKD234,是以 CREDIT 方式存入,並無任何使用限制。
Netflix5.jpg

Q4. 免費的 Netfix 戶口有無特別限制?
A4. 可以,與一般 Netflix 戶口無分別,多屏使用取決於所選計劃,同樣可以係外國使用,只是睇到既影片會受到當地限制而已。

Q5. 真的一定要透過 PCCW 繳付 Netflix 月費嗎?
A5. 不一定,視乎 Netfix 戶口狀況而定,使用當中的戶口,在進行登記時,不會提問繳費方式;開新戶口又或者是重啟已停用的戶口時,可選可不選以 PCCW 繳付費用。(如果有用開 THE CLUB 的話,Netvigator 用戶就可以儲埋分,10元就有1分)

免責聲明
以上純粹是個人係登記優惠時所遇到既狀況,如有出入,歡迎指證,以方便日後有需要既朋友查詢。


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

八掛仔

關於八掛仔

自少由日本動漫養大,十分鍾愛入場看電影、家庭影院、Head-Fi,八足咁多爪,咩都喜歡試玩一下!

觀看所有 八掛仔 的文章

相關文章