入門便攜,高清取向 Pioneer SE-MHR5

前言

話說入手左一「雙」 Onkyo DP-X1 (舊文重溫按此) 之後,一直在用非平衡既入耳式耳機;但始終對「已解封」既平衡輸出感覺念念不忘,係手頭唔充裕既呢一刻遇到佢……

試聽 Pioneer SE-MHR5

無錯,遇到既就係佢,Pioneer SE-MHR5,官方價錢不到千六元,貪佢有2.5mm平衡跟埋,唔洗四圍搵,對於好似我呢D新加入「平衡」世界既人黎講就最好不過,可以玩住先嘛!耳機到手剛好手上的 Onkyo DP-X1 還有電,試左個平衡線先,係完全無驚喜……好平淡,本來諗住係便攜耳機,會相對易推,縱使未開聲都應該聽到D,只好回家用老掉牙既 iPhone 3Gs,當 iPod 咁去煲下先,煲下一日又一日,差唔多兩個禮拜後,感覺就對辦好多。

DSC_0201.JPG

進入狀態既 Pioneer SE-MHR5,細緻位明顯聽多左,低頻感覺不俗,女聲比男聲優勝,小結係高低音比中音來得好一D,入門價錢比到既感覺尚算對辦。便攜頭戴式設計,單元相對偏細,戴上頭唔覺重,舒適度還可以,但對於會帶耳環既太太黎講,就有D麻煩咁囉。

試聽曲目

1) 譚詠麟 愛情陷阱 MQS – 火美人 (樂器用得都幾多下,試細緻度)
2) 陳秀雯 陳秀雯白金珍藏版 – 震盪 (經典DISCO歌,試低頻用)
3) 郭小霖 一些新一些舊精選 – 小霖秘笈 (起歌之前有D特效,試聲音自然與否)
可能會有人問我唔聽新歌既咩……,我呢D年紀硬係覺得舊歌好聽D呀嘛,實情係因為對首歌熟D,咩少左咩多左都容易D察覺!

∇ 試過 Onkyo DP-X1既「平衡」,完全翻唔到轉頭,點解可以咁極端既呢!?
DSC_0137.JPG

∇ 3.5mm非平衡線,其長度適中,對於亞洲人黎講係不長不短,由袋中既DAP到戴上頭,沒有「拖泥帶水」既不便
DSC_0213.JPG

∇ 2.5mm平衡線,不計較牌子都好幾百蚊,跟既雖然唔係高級野,對於入門取向既 Pioneer SE-MHR5,已經勝過其他同級既對手。據了解正因為加入左「平衡」既設計,所以無左3.5mm既電話專用既接線;正所謂魚與熊掌,好難兩全其美,對於我呢D唔用手機聽歌既就無咩所謂。
DSC_0211.JPG

∇ 原裝袋,出街用的話就會嫌太大舊,但打算去旅行用的話,就十分稱職,仲可以收納兩組接線
DSC_0215.JPG

Conclussion: 入門便攜,高清取向

入門耳機有齊非平衡同平衡,茶餐廳既價錢又未至於有牛扒屋既美味,走高清取向 同 便攜既優勢,對於預算唔多既,可能會係你既選擇之一!


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

八掛仔

關於八掛仔

自少由日本動漫養大,十分鍾愛入場看電影、家庭影院、Head-Fi,八足咁多爪,咩都喜歡試玩一下!

觀看所有 八掛仔 的文章

相關文章