Pioneer 擴音機設定細節 – MCACC PRO 及 APPS 設定分享

小瑟都入手左 Pioneer SC-LX89 有一段時間了, 雖然真係快樂不知時日過, 不過去到呢代 P 記係效果上, 功能上都真係改進左不少, 而今次入手玩左咁耐之後, 因為多左時間慢慢鑽研, 而玩 Pioneer 既版友又多左, 小瑟就係過程之中都有請教大家究竟點樣可以玩好D部 LX89 啦, 咁自己知點玩都希望可以將所知所學分享比各76版友知, 等所有入手左 Pioneer AV AMP的版友都可以更加容易控制到部AMP, 玩盡D先再換機丫麻!!!!XD

pioneer_lx89_review_01

MCACC PRO三大設定究竟邊個岩你的家庭影院呢???

去到現在, 其實依家MCACC 已經發展到 PRO既階段, 而更加開心既係, MCACC PRO 已經唔止係高級機既專利, MCACC PRO已經下放到連 VSX-930 經已搭載, 當然 SC-LX59 都一定有此MCACC啦, 如何大家都係 P 記玩家, 又想更了解究竟係做MCACC時, 用邊一個設定去做自動音場校正好的話, 以下三個不同的制式, 梗有一個岩你用的.

SYMMETRY – 非常標準的影音房間

如果你的房間係一個好四正平均的影音房, 咁你就可以用呢個MCACC的EQ設定來做你的房間設定, 即係一個非常標準既影音房(如下圖)就可以用到呢個SYMMETRY的設定來做MCACC PRO的設置, 如果你房間的左右係唔平衡的話(香港大部份影音友都好難做到左加平衡的影音房) 如果你可以做到的話, 恭喜你, 你可以用呢個做設定之餘, 更加值得恭喜的是, 你有一個非常良好的家庭影院先決條件, 記得睇多D戲呀!!!^^"

ALL CH ADJ – 以 Pioneer 的自家影音標準為你的家庭影院作設定

如果你的聆聽環境同小瑟一樣, 一邊係牆, 另一邊係走廊, 即係左右冇可能有平衡的話, 你就可以使用呢個ALL CH ADJ勒, 因為呢個ALL CH ADJ係會以 Pioneer 的聲學標準來作一個標準, 再將你連接到AV AMP的喇叭逐隻調校至"MCACC PRO"覺得係岩的聲色同環繞聲效果, 換句話來講, 如果你想要將你家庭影院中有著最 P 記的效果, 以呢個 ALL CH ADJ 來作調校就會係最 Pioneer 的了.

FRONT ALIGN – 以一對前置喇叭作依歸的設定

如果你家中的一對前置喇叭係你心目中最好聲, 最岩你聽的喇叭時, 呢個 FRONT ALIGN 就會適合你設置之用勒, 因為呢個 FRONT ALIGN 就會以你的一對前置喇叭來作 “調校與音質" 的標準, 用來將你其他的喇叭中的音色都調校到跟前置喇叭性格相近, 咁你整個環繞聲系統中的連貫性及一致性就會大大增加, 從而得到最好的環繞聲效果勒.

三大EQ同你總結一下

總結來講如果你個房間左右好平衡, 而你又可以有好對稱的擺位, 咁你可以試試用SYMMETRY, 因為佢EQ 的 setting 係會左右完全對稱. 而香港地, 一般的家庭影院都係由客廳組合而成, 呢個情況下, 其實可以用的就只有 ALL CH ADJ 同 FRONT ALIGN 二個方式了, 如果你嘅屋企係用聯合國喇叭陣, 而擺位因空間所限, 需要由 AV AMP做一些修正, ALL CH ADJ會係你一個好嘅選擇. Front Align 適合你好鍾意對前置喇叭的音色,而係兩聲道擺位方面亦都有心得,咁當然係會選擇用這一組EQ. 所以 Front Align 就更加係你既不二之選, 因為你一定對你的一對前置喇叭落重本去讓聽歌表現更良好, 咁呢個情況下, 就由其他 “聯合國" 喇叭去遷就你的前置喇叭, 以EQ來追返跟前置喇叭差唔多既音色, 就最好不過了. 當然, Pioneer 既擴音機可以調校既東西仲在後頭, 不如小瑟就同大家慢慢分享啦!!!!

Home_Theater

Pioneer iPad Apps示範

小瑟用過咁多部AMP, Pioneer都可以話係最易用亦都最好用的一個APPS控制器, 雖然 P 記的設定覆習多變, 但呢個APPS都可以以圖像型式比大家更易去理解佢既功能, 如果你玩緊 Pioneer 既 AV AMP或藍光機但又未試過呢個APPS的話, 不如小瑟就係度同大家分享一下呢個APPS既功能先, 而下載APPS記得係要搵返 iControlAV5 呢個APPS呀, 因為 Pioneer 唔知點解, 有好多個不同既APPS係STORE上, 而大家如果已經係比較新的AV AMP, BLU-RAY機的話, 就一定要下載返呢個新APPS先可以對應架.

IMG_0219

appstore    play

∇ 小瑟就以iPad 版本同大家分享

pioneer-lx-89-02

– EQ

當大家都已經用 MCACC 設定好之後, 系統內就會已經儲存好一個附合你家庭影院的EQ數據庫, 大家可以決定係用唔用呢套由MCACC為你調校好的EQ數據, 呢套EQ數據主要在你做MCACC時, 用上那一個方式去做而得出不同的數據, 功能都係將你的喇叭性格修正一下, 更附合MCACC中的設定需要, 例如 FRONT ALIGN , 呢套EQ就會以你的一對前置喇叭作依歸將其他喇叭的聲音取向就返前置喇叭音質的.

EQ

– Standing Wave

控制駐波, 以反向波段, 以抵消喇叭中會產生駐波, 咁大家就可以得到比較干淨清爽的低頻勒.

standing-wave

– Phase Control / Full Band

呢個係好多牌子都會有的相位控制功能, 因為一般來講, 喇叭出來的低頻及Subwoofer出來的超低頻都冇可能係同一時間送到皇帝位的聽眾上, 所以呢個Phase Control 就會將你的喇叭出的低頻同Subwoofer出的低頻控制到係同一個時間到達皇帝位, 呢個就係 Phase Control中 ON/OFF 的分別, 而FULL BAND就會再加強一點, 除左將你喇叭同Subwoofer的音訊同步之外, 佢仲會在每隻喇叭的 “高中低"三個頻段, 再自己做一次單元相位同步, 咁佢就希望可以確保整個家庭影院系統中的所有喇叭, Subwoofer 同一時刻到你的皇帝位之上, 但用這功能, 也會一定程度上改變喇叭特性, 用唔用, 就耳仔收貨.

phase-control

–  Auto Phase Control Plus

呢個要先講講咩係 LFE 先, LFE全名 (Low-frequency effects), LFE就係我地平時睇碟既音軌中 7.1, 5.1 的 .1, 好多人都會以為這個 .1 只係代表 Subwoofer, 但其實係電影的音效內, 呢個 .1 都係代表左一條聲軌的, 而 LFE 同其他聲道不同既地方, 就係LFE 只係儲存 120Hz 以下的低頻訊號, 而且在係無任何定位性的, 所以呢個 LFE 的存在對整個家庭影院的基石有非常重要的呢. 講返呢個 Auto Phase Control Plus 勒, 佢既主要功能在於處理 LFE 同其餘的聲道在相位中的整合性, 功能亦都係比大家可以感受到到干淨爽快的低頻效果.

auto-phase-control

– LFE ATT

呢個就係同上面提及的 LFE 聲道有關聯架勒, 佢有10段比大家選擇, 有D Dolby Digital 及 DTS 的音軌上, 可以會有超低音的數據儲存係原生的音軌上(不是拍LFE的那條聲軌), 呢個設定就係如果大家覺得屋企睇戲時, 低音太肥, 有太多不同的共震出現而另到睇戲時投入感大減, 呢個時間就可以用呢個功能, 0 就係沒有減少, 10就係完全減少, 大家可以視自己家中情況而作出修改的.

LFE-ATT

– Auto Sound Retriever

能有效改善128kbps以下的音訊質素,如網上電台的內容

auto-sound-retriever

– Dialog Enhancement

呢個如果你係睇電影時, 有發覺對白聲音同畫面唔對應, 即係簡單D講如果你係用投影幕, 你覺得對白聲低了的話, 呢個功能就可以幫你將對白聲升高, 仲5種不同的高度比你選擇, 但呢個功能首要條件是需要你的喇叭組合用 SMALL 才會生效.

dialog-enhancement

– X-Curve

以前電影的聲軌做出黎都係預比電影院播放的, 因為電影院中的前中置係位於螢幕的後面, 所以做音效的工程師通常都會將前中置的聲音加大 3db, 但當電影轉回藍光碟之後, 就冇再做修正, 所以如果你覺得家中的系統有"標"的情況, 咁呢個 X-Curve 就可以幫你將整個音效減回3db, 務求出來的效果可以更加舒服. 而呢個功能其實早在掛有 THX 的擴音機中, Re-EQ 的功能中已有出現, 不過 THX 的 Re-EQ 就只有 ON/OFF 選擇, 而 X-Curve 就可以讓你自由選擇減多少 db, 可以說是 Re-EQ 的進階版.

x-carve

– Audio Scaler

呢個功能如果你SET左 AUTO的話, 下面幾個功能都不可以再比你設定, 因為佢會就你之前用咪自動調校音場時, 系統所收到的數據去幫你作自動調整的, 而小瑟自己就比較愛用 Manual 模式的, 因為可以自己慢慢更改自己的喜好麻.

– Hi-Bit 32

另聲音密度更高, 同一般升頻是有一點點不同的, 因為呢個功能主要係以DAC的32BIT去處理音訊, 是整體的數據處理, 數據量增大自然音效分別會更仔細.

– Digital Filter

呢個在好早時期已經有的功能, 主要係對音色的性格作出少量的調校, 大家可以試試邊個會岩自己口味, 小瑟自己就會用 SHARP 來收聽, 因為聽感上比較似小瑟心目中的Pioneer感覺.

– Up Sampling

呢個功能可以將聲音的流暢度提升, 另音效的連貫性更好.

audio-scaler

– PQLS

如果你有一套Pioneer西裝的話, 呢個功能你一定要SET成 AUTO, 咁佢就會設定返如果有可以行PQLS的器材就會自動使用, 對音效的穩定性同傳真度都非常有幫助呢.

pioneer-lx-89-04

擴音機的其他設定可在討論區繼續討論

今日就同大家分享住咁多先, 因為一部擴音機其實仲有好多好多不同的設定, 小瑟好難可以係一篇文章內同大家全部數出來, 以上的返定都係一D基本上成日會用, 又對音效有幾明顯的改進的設定, 所以都希望可以同大家盡量分享, 如果大家都對 Pioneer 的擴音機想討論更多, 可以CLICK本文下的網址, 我們可以在討論區內繼續同大家討論呢.


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章