帶住矛盾去「機場」睇《美國隊長 3:英雄內戰》(零劇透)

《美國隊長 3:英雄內戰》作為 Marvel Cinematic Universe: Phase Three 既首篇,一係唔打,一打就差唔多將成個 復仇者聯盟集結,少左雷神同浩克唔緊要,搵埋之前好勇悍既冬日戰士,再加多個黑豹,同埋比面就叫聲「大師兄」既蜘蛛俠,湊數起來絕對勁過之前「復仇者聯盟」篇幅既級數……寫這一篇時才察覺美國方面,還未正式上映,美粉們還是要等到 5 月 6 日才可以入埸睇!

cwbannerfb.png

矛盾一:
個人並無追看英雄原著漫畫,對於電影有無「忠於原著」方面,從不在乎,或許只少睇日本漫畫同卡通太多,對於「後來」製作的版本,有大幅度修訂又如何,喜歡既就會睇,反正唔修訂就有人話無新意,修訂左又話唔忠於原著,想點呢? 好與壞,從來就沒有絕對的答案,或許這就是恆久以來的一個「矛盾」!

矛盾二:
電影拍攝時,首次使用了最新的 IMAX/Arri 2D Camera,拍攝大概 15 分鐘長度的「激鬥」場面,無去 IMAX 睇既朋友會問,即係邊一個場口呢?答案當然會係最多英雄走埋一齊個場既「機場大混戰」!睇落去 IMAX 睇咪得囉,再 check 下 IMDB既資料時,問題就黎勒,呢套原生有「全景聲」,但 IMAX 只有 12-Track Digital Sound (IMAX 12 track),點揀先好呢?「大場面」定「全景聲」,好苦惱啊!

CA3-2.jpg

矛盾三:
向來自己都係傾向去睇 IMAX 多D既,叫得做 IMAX 影院既,個幕都唔會細得去邊,香港一共有四間 IMAX 影院,最舊既某程度唔夠標準,最新既又相對細左 D,得番兩個選擇,尖沙咀既早場正價,基本會員或者一般信用卡優惠,一張飛要成HKD189,兩個人加埋手續費就已經係 HKD$394,相反同樣網上預訂去機場睇就只要 HKD$256。

CA3-3.jpg

矛盾四:
咁大堆頭既電影,咁橋有生日月既六折小食優惠劵,究竟買唔買野食入場邊睇邊食,還是專注睇電影好呢? 太太同自己都堅有一 D 掙扎既……「矛盾」

CA-4.jpg

矛盾五:
去開 IMAX 睇戲既,會知道通常票尾都可以用黎玩遊戲,好明顯會圍繞「撐邊隊」做主題!? 但竟然加入左一個條款,除左要寫個好理由之外,揀中邊隊多人撐既機會又會大 D,偏偏今次個人會「撐」既又係比較弱個邊,要「堅持」還是「機會」……

CA-5.jpg

Conclussion:地理先決、場境先決、巨幕先決
就用以下兩張相,作為對是次「矛盾」的「表態」,唔係「機場」到睇「機場英雄大混戰」,又可以去邊呢?
CA3-5.jpg
1.jpg

後話一:
把「大師兄」化身成為「小師弟」,究竟是好定是壞,記得睇埋第二個「彩蛋」,睇下搵唔搵到答案啦!

132624pgbbgxnq1qsqxns6.jpg

後話二:
片中提及,你又知唔知「雷神」去左邊?好想話佢知,我未入場既時候,已經知道佢「本人」去左邊,答案就係呢到!咪就係走左去做「兼職」,今次唔做「車手」,又唔做「獵人」,而係做「捉鬼」!

1%20(1).jpg


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

八掛仔

關於八掛仔

自少由日本動漫養大,十分鍾愛入場看電影、家庭影院、Head-Fi,八足咁多爪,咩都喜歡試玩一下!

觀看所有 八掛仔 的文章

相關文章