小巧聲靚,可塑性強 – Cowon 旗艦級手提音樂播放器 Plenue S 詳盡測評

等左咁耐,Cowon嘅最新旗艦終於上市,鐘意韓「磚頭」嘅玩家又多一個選擇啦,筆者試玩時有「再會老朋友」嘅感覺,事關筆者第一次接觸數碼音樂,就係玩佢地嘅產品,我係由iAUDIO CW100時候開始玩起,係2000年檔期MP3機選擇唔多,大部份嘅人都係玩 iPod,小數追求音色嘅朋友就係用i Audio產品,至於點解識玩?咪就係多得一班好好嘅朋友lor。好聲就人所共知架啦,只係當時無諗過呢個牌子會越出越靚,仲可以越玩越「High」。近日,Cowon就出左一部叫 Plenue S嘅超級旗艦機,性能比以前我以前玩開嘅「D3」強勁好多? 點解差咁遠都拎黎講?因為D3係第一部 Cowon嘅 Android機嘛,如果無記錯亦應該係第 一部冠名叫 Plenue嘅機,所以對佢印象特別深。好啦,廢話少講,一齊睇睇 Plenue S有咩咁「超級」。

Cowon_Plenue_S_0036

搭載 Burr-Brown PCM1792A 晶片,原生支持DSD 256(11.2MHZ)

Plenue S最大賣點除左係用Burr-Brown PCM1792A晶片次餘同時原生支持DSD 256(11.2MHZ),目前市面上只有為數唔多嘅頂級播放器先會支援,Plenue S亦同時配有雙 TCXO Clock,即係「石英晶體振蕩器」,唔明係乜野黎唔緊要,因為呢樣野係數碼音響先會用到,作用係用黎產生原始嘅時鐘頻率,數碼傳送由電腦送到解碼,需要有一個準確時間速度。越準確嘅情況低下失真越低,可以控制Jitter。如果都仲係唔明亦唔緊要,你只要知道佢會幫到你提昇音質就OK啦。其次,Cowon機種必備嘅 JetEffect亦要一提,功能係EQ切換,除左系統預設50種效果俾大家玩之外,亦可以自已設定,可以除時因應唔同歌曲切換,唔講唔知,JetEffect已經去到第七代啦。


Cowon_Plenue_S_0012

強勁硬件呈現細緻,音檔不足絲毫畢現

硬件方面 Plenue S屬於市場上最高規格產品,除左晶片靚,有強勁平衡輸出之外,亦有TCXO時鐘,原生支持DSD 256(11.2MHZ)之餘仲有Optical Out可以俾人當DAC用,有埋Cradle可以玩,咁勁硬件都只係204g重量,都算係咁啦。由於此機採用Linux系統,介面流暢完勝國磚,有指針顯示令發燒玩家感覺良好,3.7吋屏解像度雖然唔高,但顯示資訊清晰,唔會出現 Android系統機卡頓毛病。可能因為機身有時鐘處理平衡輸出亦有特別落功夫,所以幾乎聽唔到底噪,但 Plenue S對檔案好挑剔,如果RIP得唔好或只用網上檔案聽歌會將音軌上面嘅沙沙石石完全呈現,不過買得 Plenue S都應該係對音樂好有要求,RIP碟辛苦DD應該唔介意啦。任何產品都有優缺點,Plenue S對象似乎係終極發燒玩家,所以缺點係門檻比較高,除左售價較一般DAP貴之外,自訂EQ亦會考下用家音樂底,唔識玩 EQ買 Plenue S就限制左部機發揮,變相玩少左野,但它亦有多項預設的EQ可供大家使用,都算廠家細心。此外 Plenue S聲底比較傾向流行曲特化,動態同音牆未至於非常勁,所以聽交響樂會無咁豪邁奔放,當然打開 JetEffect又可以有改善。

plenue_s_ (20)

∇ Plenue S採用一體式金屬機身,機身採用了CNC加工技術,十分堅固,機身正面寫有Plenue Logo。

Cowon_Plenue_S_0013

∇ Technical Rounded開關掣置於機頂右方,屬於呼吸燈設計,機體運作時呼吸燈會閃爍。

Cowon_Plenue_S_0015

∇ 機頂的插糟有兩個,分別是3.5mm的phone out及3.5mm Balance out,雖然3.5mm比較罕有,但此3.5mm卻是四極平衡輸出,宥助控制諧波失真。

Cowon_Plenue_S_0016

∇ Control button位於機身右側,官方於按掣分隔及配置有下功夫,按起來相當順手。

Cowon_Plenue_S_0002

∇ 機背掙用坑紋設計,有防滑效果。


Cowon_Plenue_S_0003

Cowon_Plenue_S_0017

∇ 側身圖,可見機身厚度,磚頭機來說也不算肥。

Cowon_Plenue_S_0018

∇ 機體本身內置128GB容量,Micro SD卡插糟位於機身左方。

Cowon_Plenue_S_0009

Cowon_Plenue_S_0010

∇ 充電位置於機身下方,底部的接觸點另有用途。

Cowon_Plenue_S_0005

∇ 是為了配合Cradle使用,Cradle可以作XLR輸出,擴充性較一般DAP豐富,但如果可以跟機附送就太好了。(發夢ING^^”)

Cowon_Plenue_S_0037

Cowon_Plenue_S_0038

∇ 同場加映兄弟機Plenue D,幾乎是市面上體積最細的DAP,圖中可見兩者身形。

Cowon_Plenue_S_0026

Cowon_Plenue_S_0028


Cowon_Plenue_S_0025

Cowon_Plenue_S_0027    Cowon_Plenue_S_0024

音質及音色方面

初步測試時發現 Plenue S走分析力取向,聲音清徹,聽古巨基Guitar Fever《眼睛不能沒眼淚》時,結他撥弦的聲音非常清晰,每次撥弦也感受到彈跳力,音樂富立體感,每個音符清晰浮現,清爽乾淨,將 JetEffect切換至POP模式時,人聲更較出,人聲厚度同音牆都有所改善。接著試聽譚詠麟《霧之戀》,人聲非常立體通透,順滑細緻,惟小弟手上無CD版,無得比較MQS係咪比CD版突出,但用 Plenue S播放 MQS版效果相當唔錯。試聽之後發現 Plenue S最擅長中頻,聲底亦屬典型韓系聲底,分析力良好,聲音中正,人聲通透,密度良好,推力亦唔錯,雖然未至於極為力大無窮,亦推唔順超大食耳機,但推入耳式耳機亦合格有餘,而出名大食嘅 IE800 開八成聲就夠晒推,當然 IE800本身對推力都未算大食一類,但對機體控制力要比較高,亦可以感受到 Plenue S控制力唔錯,其次 Plenue S聲音幾中正,雖然第一下感受可能會覺得分析力充足但無咩色之處,但聽耐D會發現 Plenue S極之耐聽,唔似某D國磚開聲果下好刺激但聽耐D就會頭痛。其次Plenue S 嘅 JetEffect同自訂EQ百玩不厭,小弟用IE800同535、T5P甚至用電話跟機耳機去聽時,聲音亦都匹配,亂搭亦唔會肥腫,更唔會過於刺激,幾款耳機都可以有唔同發揮,當然以上幾隻耳機都有唔同特性,係呢度就唔花太多篇幅去講,然而可以咁百搭某程度亦拜 JetEffect所賜,聽唔同歌用唔同 Setting時可以令耳機優點更為突出,所以我試聽時都玩左好多Effect,同一首歌可以有唔同變化,新鮮感十足。

Cowon_Plenue_S_0034

Conclusion : 「小巧聲靚,可塑性強」

見到網上好多人話部機唔值之類,小弟認為視乎大家負擔能力啦,畢竟音響野可能少少提昇就貴多D,始終 Hi-End 的發燒友,就是需要多一點,就是多一點,這個好視乎大家把尺點去度,小弟認為對於識玩又有要求嘅發燒友黎講 Plenue S不論制造工、技術、功能、擴充性,都非常豐富,如果錢唔係燒友們最大考慮,那不妨去馬,始終終極器材不是金錢可以去衡量的。至於同場加映嘅兄弟機 Plenue D呢,我己經入左一部用,當然聲同做工都及唔上 Plenue S,所以我送左俾女朋友做生日禮物,無他嘅,因為佢唔識用 iTune入歌,用電話聽歌又食電,Plenue D又靚仔又細部,都非常岩女仔使用,最緊要係佢隻耳仔都比我毒到燒燒地,所以佢要求都唔野少的。

odin1983

關於odin1983

音樂發燒友,經常引誘人,亦經常受到引誘,銘言是「唔買都要試下」,誤上毒網後不能自拔,曾修讀心理學,自知無藥可醫,只好放棄治療,全程投入影音世界。

觀看所有 odin1983 的文章

相關文章