【AV擴音機評測】「戲」勢の化身 – Yamaha 前級 CX-A5100 開箱測評

Yamaha 剛剛 3 月尾就已為旗下頂級 AVENTAGE 系列推出 Firmware 升級 DTS:X,唔知有機嘅朋友升級左未?阿賜試部 CX-A5100 前級的時候就剛剛好有得升級,實在相當好彩,所以有得試埋 DTS:X。到底呢部高階前級表現係點?升級完之後又有咩玩?今次就同大家試下!

RESIZE_YAMAHA_0322

RESIZE_YAMAHA_0324

而家 Yamaha 有得玩 DTS:X 嘅機暫時得 4 部,全部都係高階款,合拼機 3 部(RX-A3050、RX-A2050 同 RX-A1050),前級一部、就係今次測試的 CX-A5100。11.2 聲道處理,可以出齊 Dolby Atmos 同 DTS:X 7.2.4,RCA 同 XLR pre-out 都有。附送收音咪同座,用 YPAO 做自動音場校正,可以配合 CINEMA DSP HD3 音效處理使用,基本上係現時普通家用機嘅最高配置。

∇ Yamaha 4 部支援 DTS:X 嘅機入面唯一嘅前級。

RESIZE_YAMAHA_0325

∇ Wi-Fi、藍牙、MusicCast 功能有齊,AirPlay、Spotify 都支援,音樂串流功能都幾齊全。

YAMAHA_0133

∇ 配備前置 HDMI,間中臨時要駁嘢都方便。

YAMAHA_0143

畫面支援現時最高 4K 規格

畫面處理都支援現時最高規格,包括 4K/60P、HDCP 2.2、BT.2020 色域、HDR 影片內容的 Pass-Through 等等,咁多規格、睇唔明唔緊要,淨係要知道就算用 4K HDR 電視、或者日後升級 UHD Blu-ray 機都照樣可以完全兼容就得。而作為 AVENTAGE 系列一員,同「AVENGERS」一樣個個都咁有料,用上鋁製前面板、H 形內籠支架同埋堅固定架設計,提供最好穩定性。

∇ 機背都仲有 7 組 HDMI 輸入,而且全部支援 HDCP2.2,過到 4K/60  HDR 視訊。

YAMAHA_0116

∇ 駁 LAN 線同 Wi-Fi 都得,如果經常用到網絡功能的話,駁 LAN 線就穩定啲,Wi-Fi 天線可拆、唔會阻訂。

YAMAHA_0138

∇ 7.2.4 全平衡 Pre-Out,算係現時普通民用最頂級規格。

YAMAHA_0137

支援 DSD 24bit/192kHz

音樂播放方面,支援 DSD 2.8MHz/5.6MHz、24bit/192kHz 的 FLAC、WAV、AIFF、24bit/96kHz 的 Apple Lossless,基本上數得出都齊。內置 Wi-Fi 同藍牙,支援 AirPlay、Spotify,當然仲有自家的 MusicCast 無線 Multiroom 音樂系統,阿賜就比較貪心,如果有埋 TIDAL 同 Google Cast 就梗係更好。

∇ 「開箱」照一枚,採用左右兩邊線路對稱分離設計,減少干擾。

YAMAHA_0120

∇ 左上係 Wi-Fi 模組,上面係 HDMI 同視訊處理,右下解則是音效解碼晶片。

YAMAHA_0128

∇ 中間都有大大隻環牛。

YAMAHA_0115

∇ 除了加厚的腳墊之外,面蓋都有塑膠黐住,進一步加強機身穩定性。

YAMAHA_0135

∇ 已好少見有摺機咁款嘅遙控,其實好多功能用 AV Controller 個 App 設定仲方便。

YAMAHA_0122

∇ 阿賜好失策咁唔記得影個收音咪,唯有攞官方發相頂替下,不過都係呢個款,唔影都無所謂啦~(唔好打頭 !!!)

YAMAHA_0124

CX-A5100 主要規格及功能:

11.2 聲道處理,設有 RCA 及 XLR 輸出
支援 Dolby Atmos 及 DTS:X(最高 7.2.4 配置)
8 入 2 出 HDMI
支援YPAO R.S.C. 自動音場校正、配備 3D、多點及角度測量
配備 CINEMA DSP HD3 音效處理
4K/60P 視訊 Pass-through(兼容 HDCP 2.2、HDR 及 BT.2020 色域)
可播放 DSD 2.8MHz/5.6MHz、24bit/192kHz FLAC、WAV、AIFF、24bit/96kHz Apple Lossless
內置 Wi-Fi 及 藍牙
支援 AirPlay、Spotify、MusicCast

一拔一插即刻玩得!

今次開箱冇乜特別,所以就直接駁機測試啦。因為 Post76 Club 度用緊嘅前級 Onkyo PR-SC5530 都係 11.2 聲道,所以只需要抽晒成排 XLR 出嚟認返位再插返就 OK。不得提部 CX-A5100 比起阿賜之前試嘅 RX-A3050 實在好駁太多,指示清晰、一駁就係。(呢方面合併機真係要改進一下,唔睇說明書都唔知邊條聲去左邊,Set 機都搞半日。)

∇ 一駁收音咪就可以自動開始 YPAO 調節,高階機有得測埋角度同天花喇叭高度,有得測梗係測埋佢。

YAMAHA_0129

∇ 要測埋角度就每個聲道都要度 4 次,好彩 CX-A5100 粒處理晶片夠快,基本上成個過程就算度足 8 個位都係十零廿分鐘搞掂。

YAMAHA_0117

可以度埋喇叭角度

CX-A5100 嘅 YPAO 仲可以度埋喇叭角度同天花喇叭高度,多啲數據、理論上計個自動音場可以更加準。不過就要做多一重步驟,每個聲道都要擺 4 個位度一次,不過好在 CX-A5100 粒處理器超快,每次都係十秒內就計完數,所以唔算太花時間。另外 YPAO 可以度最多 8 個位,阿賜就試過度 1 個位同 4 個位,啲聲係有差別,要就足 4 個位啲聲會散少少,所以今次就梗係做「自私鬼」,淨係用 1 個位調聲。

∇ 度出嚟的角度同高度基本上都準確。

YAMAHA_0118

細音量一樣測到聲

校機方面,其實單次度聲都有 9 成準,不過!就要記得 Check 下啲設定睇下合唔合理,例如就有一次 TFL(Top Front Left)無端端度左成 3 米幾,手動 Set 返同 TFR 一樣都 OK。有時度聲的時候避唔到環境雜音,就會有機會干擾影響調聲結果。不過 YPAO 有一個相當好的功能,就係細聲一樣度得準。所以有時日頭環境聲比較多,就可以選擇響夜深人靜嘅時間嚟度,校細聲少少,一樣度得,甚至仲好。

∇ 因為前置喇叭比較勁,所以其他聲道都要推高少少就一就,特別天花聲道再推多半個 dB,等啲聲再出少少。

YAMAHA_0139

7.1.4  開聲 !!!

其實用 YPAO 度完就基本上搞掂,不過自己手多,總係要改下嘢,系統測到前置係大喇叭,自己就將佢改做細喇叭,交多啲低音俾隻秦朝 15 吋輸出,分頻點就全部統一 set 做 80Hz,然後又改下呢樣、改下果樣(等陣測試部分會詳細講),再然後就開聲啦!

測試器材 List:

Blu-ray機:OPPO BDP-105D
前級:Yamaha CX-A5100
後級:Ediscreation EC-7、Ediscreation EC-5
投影機:Epson EH-TW8200

7.1.4 喇叭:

● 前置 Chario Academy Sovran
● 中置 Jamo C10 CEN
● 後置 Jamo C103
● 後中置 Jamo D500
● 天花 x 4 KEF E301
● 超低音 秦朝 BQ3115D

音場連貫

阿賜有一個良好習慣,就係駁好 Dolby Atmos 系統之後點都會試幾 Cut 《Dolby Atmos Demo Disc》入面啲試片,因為內容簡單直接、最易聽出效果(或者問題)。聽「Leaf」一段,音場連貫性十分好,旋轉一圈完全冇斷聲位。當然,你會話用到 7.1.4 都仲斷聲仲得了?其實擺位或者 set 得唔好係唔出奇的。Post76 Club 嘅 Jamo 後中置其實都擺高咗少少,樹葉飛到後面都飄高左啲啲,但係整體定位算相當準,尤其音場包圍的密度相當高,環境風吹草動的細節十分豐富,呢個都係前級處理的 功力所在,當然後級對細動態的控制都應記一功!

YAMAHA_0123

∇ 記得要 Enable 返 Object Decode Mode 先至可以解 Dolby Atmos 同 DTS:X 音效

YAMAHA_0131

∇ CINEMA DSP 3D Mode 都要記得開。

YAMAHA_0141

∇ DSP 就要揀返 Surround Decoder,玩 Dolby Atmos 當然就要 Set 返做 Dolby Surround。

YAMAHA_0140

層次十足

再嚟就用《末日先鋒:戰甲飛車》女主角駛入山谷一段實試一下個空間感,向山谷高叫一段的回音擴散性十分之強,幾浸聲一浪接一浪咁去層次感十足,而且天花音效同後置、後中置嘅位駁得好靚,表現值得一讚。闖關逃亡一段,激昂嘅配樂做主、再滲返後面槍林彈雨同爆炸聲出嚟,除咗分析力相當唔錯之外,勁度亦都好夠。要數缺點的話,淨係配樂同實景音效配合得唔夠完美,依然有輕微凌亂,其餘定位同包圍感都相當令人滿意。

YAMAHA_0130

YAMAHA_0146

∇ 試機時揀 EQ,預設係 Flat,揀 Front 的話前置聲會再實淨啲,最後揀咗 Natural,定位同包圍感配合會好少少。(話時話,用 Through 都唔錯,動態會強啲,不過音場效果會差少少。)

YAMAHA_0144

聲底厚

阿賜幾鍾意用《職業特攻隊》開場一段試低音同人聲,其實開場音樂已經幾好試,幾下小號的節奏「噠噠、噠噠⋯」勁度同質感都十足。湯告魯斯跳上飛機一段,引 擎低頻厚度都好夠,响一片雜音當中同拍檔通訊,其實幾考人聲分析力,CX-A5100 偏厚聲,自己唔算特別鍾意,不過應該唔少師兄喜歡呢隻聲底,細緻度同還原力都唔錯。

YAMAHA_0142

∇ YPAO 測到係大喇叭,最後全部 set 做細喇叭,將低頻交晒去超低音處理,分頻點就 Set 做 80Hz。

YAMAHA_0134

∇ 有一個為提升音樂音質而設的 Enhancer 功能,不過睇戲時用竟然可以將環境聲推出一層細節出嚟,飛機引摩聲、草叢包圍感都再增強咗。不過聲音結像就會散少少,有辣有唔辣。

YAMAHA_0125

∇ 就係呢個三月尾嘅 Firmware,升級咗先有得玩 DTS:X

YAMAHA_0136

∇ 然後 Surround Decoder 就會多咗 Neural:X 的選擇,播 DTS:X 記得揀返。

YAMAHA_0147

空間像真度高

再嚟當然要試下 DTS:X,不過試機果時阿賜手頭上都係得隻 DTS:X Demo 碟,不過都照殺,反正 Demo 碟試效果仲清晰方便。青蛙捉蟲一段定位極之明顯,而且都相當準確,由樽外到樽內的音效空間感轉換亦都做得極之像真,還原度好好,可以話 CX-A5100 已經完全係「DTS:X Ready」,完全播到晒預期的效果。

YAMAHA_0121

Up-Mixing 殺出新血路

最後試一試新鮮滾熱辣的《星球大戰:原力覺醒》,因為只係得 DTS-HD MA 7.1,所以梗係要試下 Neural:X 的 Up-Mixing,順手比較埋 Dolby Surround 的 Up-Mixing。其實兩者都可以重現返千歲鷹由上面飛過的高空音效,大概都有原生天花聲道六七成效果。夾硬要講的話,Neural:X 的 Up-Mixing 方向感同定位會再清晰少少,引擎聲的質感再實淨啲,同以往試呢兩種 Up-Mixing 比較的結果一致。而家 Dolby Atmos 已經搶佔咗大部分市場,唔通 DTS:X 真係要靠 Neural:X 的 Up-Mixing 殺出條血路?

YAMAHA_0145

∇ Neural:X 對 Dolby Surround 的 Up-Mixing,前者的效果稍勝少少。

YAMAHA_0126

YAMAHA_0127

Conclusion : 「炸機臨場感一絕,Enhancer 功能睇戲有驚喜」

用得前後級就梗係想分析力、控制力、爆發力、定位、方向、包圍感全部都做好,事實上 CX-A5100 都的確交足功課,最重要係功能選單有齊晒各種設定可以配合唔同喇叭、擺位、空間等因素做調校,梗有一種啱你。而原本用落音樂度的 Enhancer 功能,睇戲用竟然可以推多一層細節同空間包圍感出嚟,實在有驚喜,有機響手的朋友記得試下。


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

天賜

關於天賜

戲迷一個,雖然有家庭影院,但係依然鍾意躝去戲院睇早場。熱愛純音樂,但係一樣樂器都唔識,所以每日只係聽聽聽。

觀看所有 天賜 的文章

相關文章