一「雙」情緣:Onkyo DAP DP-X1 雙開箱+上手試+SD卡速度小測

自己:老闆,唔該一「雙」DP-X1呀!
老闆:一「箱」…,唔得啊!DP-X1 咁好賣,我入貸都唔夠十只,點……
自己:我唔係要一「箱」,我係要一「雙」,一雙一對個一「雙」呀!
老闆:嚇得我呀!原來要一對呀嘩!
自己:係,我係堅要一「雙」,唔該哂!

以上對白純屬攪下氣氛,實情3月係太太既生日,而自己就係4月生日,平時無咩話點特別慶祝;當日加入76,都係因為同太太「雙雙」出席 Post76 x Sony 既 Hi-Res 活動,加上 2 Channel 還是一對去聽才有意思,咪買一「雙」DP-X1番黎做禮物,開心下囉!

DSC_1365.JPG

在此之前有諗過入手相當有人氣既 LG V10,一個價位就等於同時擁有兩件野,好似好旬;兩者同樣運行 Android系統,但畢竟多功能的東西,對於「準確性」有要求的 2 Channel,還是「電」同「音」分家好來得有優勢!LG G5 新增組件去優化音樂播放部份,自己未有體驗過效果如何,但肯定既係出街聽歌,始終都係要「帶多舊」!

雙開箱:
∇ 既然定好方針,有貨就即刻入手,「雙雙」開箱,耶!
DSC_1375.JPG

∇ 簡約包裝,似乎是 2 Channel 的必然選擇
DSC_1372.JPG

∇ 講明要開「雙」就黎一「雙」啦!
DSC_1378.JPG

∇ 附件都相當簡要
DSC_1379.JPG

∇ 個人黎講,買行貨始終穩陣D,雖然買日版,有問題的話,都有朋友幫到手,但唔想麻煩人地嘛!
DSC_1380.JPG

∇ 明白買左野番黎就要用,正所謂「貴買粗用」方為「用家之道」,但未買到鋼化玻璃前,都係睇住「日文」同「英文」字先…
DSC_1386.JPG

上手試:
∇ 開機後再對一對個固件更新左未先,原來手上既已經係更新左 2016年3月14日 (咁橋係太太既生日) 所發佈的版本 0.1.29.10,只要去 Play 到鍵入「Onkyo Music」就可以更新埋個播放器,咁既話行版歐洲主機就能夠與日版睇齊,出力會大左既,開到音量超於130,會主動提醒你「聽力有可能受損」添!

∇ 既然有 Wi-Fi,第一時間試下D串流音樂軟件,比較多歌又可以日日分享,就日日係VIP模式,只有 JOOX,點知部機話「唔支援」,噢NO…咁只好出「絕招」,用手機既「ES 檔案瀏覽器」備份成 apk,再係DP-X1到安裝,結果係成功既,但初步感覺同用手機聽無咩分別,勝在「免費」兼「海量」歌曲,就留下來慢慢試!
DSC_1387.JPG

∇ 更新左既 Onkyo Music,已經支援了 Folder Play,好似我呢類老人家,聽歌都係鍾情昔日既方法,一係唔聽,一係由頭到尾順哂次序黎聽,歌曲既編排某情度係製作人的心意,咁樣聽先至有意義;增加左 Folder Play 就方便好多!既然試 Onkyo Music,就用番 e-onkyo music 下載既 DSD 5.6MHz/1bit,溝口肇 – Cello Bouquet (チェロ ブーケ),係 DP-X1 還未進入狀態下,感覺也有不錯的表現,背景相當乾淨,富有音樂感,個人推介曲目:20世紀メドレー (Medley For The 20th Century)。眼利的你也可看到 e-onkyo music 推薦使用 DP-X1!
212022ylogz5vmo0g1105o.jpg

∇ 現時韓系播放器,除了來源不太正統的 SACD-ISO之外,全面支援市面流行既格式,當中包括有日系播放器不愛支援既 APE 格式,完全不理解個中原因,為左「補完」呢個「缺憾」,找了好幾個支持 APE 的播放器來試一下:

PowerAmp:收費但不太貴,出力有保證,但介面不太易上手,亦不支持 DSD 播放,Cue Sheet 支持得黎有D亂

Neutron:收費略貴一點,介面相當簡潔,完美支持 Cue Sheet

HibyMusic:國產,完全免費,介面也相對容易入手,Cue Sheet 支持尚待改善,但勝在支持埋 SACD-ISO,DSD 也只限2.8MHz

作為一個老人家,聽歌曆有番咁上下,所以最早出現的 APE 無損格式檔案藏量也不少,就以 HibyMusic 試試 林憶蓮 都市觸覺 Part II 中的「燒」,低音表現有力,明顯把是次小試中唯一使用的 Dynamic Motion DM008P 被推得盡一點,令人相當期待 DP-X1 進入狀態的效果;再試埋 林憶蓮 灰色 中的「無情實驗」,劉以達作曲,陳少琪填詞,相當「迷幻」!於是又好奇試一試靜態一點既,揀左 林憶蓮 都市觸覺 Part III 中的「序幕」,是一段類似演奏會前的「試音」,小試時身處於一個頗為嘈雜的辦公室環境下,可以聽到好多細微既聲音!

電池狀況:
– 以 2.1A 輸出的差電器,配上純充電的純銅線,充滿 DP-X1 大概要 100分鐘,亦即是 1分鐘 1個巴仙,還不錯吧!
– 用得 DP-X1,聽靚音樂自然多聽了 DSD,耗電及發熱量屬於可接受程度

SD卡速度小測:
∇ 手上剛好新舊有4款不同牌字的 MicroSD 64GB 卡,就來個小測給大家作參考;以 CrystalDiskMark 作為測試速度軟件,詳見下圖;另外以PC,經由 Orico USB 3.0 Card Reader,抄寫約 30GB音樂檔至 MircoSD 卡,Windows 10 目視的平均速度,並列明於括號之內:
DSC_1384.JPG
DSC_1382.JPG

∇ SanDisk Ultra 64GB (12~13MB/s Unstable)
223358n5gt35lu7oz997pj.jpg

∇ Toshiba 64GB  (12~13MB/s)
223415azu01y1tjtkjcg0j.jpg

∇ Samsung EVO 64GB (20MB/s)
223606fduuj99u77fjuzed.jpg

∇ Verbatim 64GB (30~32MB/s)
223623v6cmywicwdxfwyiv.jpg

∇ Verbatim 64GB 是剛入手的,街價約為 HKD215,但始終偏貴一點,打算作為「試歌」之用,就得要有點速度才可,基於性價比既同時,買埋另一張 Kingston 128GB,售價約為 HKD290,速度又如何,睇睇下圖吧:
DSC_1383.JPG

∇ Kingston 128GB (16MBs)
224133xug8q13u977i9hii.jpg

∇ 但細心既可以留意得到,Samsung EVO 64GB 是眾多測試既 MicroSD 卡之中有不錯的表現,事實上抄檔時其速度相當穩定,對於精準有莫大的幫助 (無記錯的話,128GB 賣HKD350左右):
224709twtvlwe5ztvlx226.jpg

既然 DP-X1 擁有雙插卡,慢既用來抄「必聽」,快既用來「試歌」;如此一快一慢可能係最有性價比既組合!

秘密武器:
∇ 接上係 Onkyo 活動中讚好臉書,送贈的 Onkyo (Verbatim) 8GB OTG Tiny Drive,滿有對講機 feel 既感覺!
DSC_1396.JPG

∇ 來個近鏡,接上之後係可以成功播放當中的音樂檔,方便!好奇地想,會唔會靚聲D既呢!
DSC_1395.JPG

配「套」:
∇ DP-X1 大小與移動硬盤 及 外置充電相約,因此找來了一個買外置充電附贈的索袋,及另一個淘寶滑鼠送既贈品袋,結果係:
DSC_1392.JPG

∇ 鬆身愛好者適用
DSC_1389.JPG

∇ 貼身愛好者適用
DSC_1391.JPG

總結:……
上手試玩左兩三日,DP-X1 仍未進入狀態,胡亂下個評論,意義就不太大;但可以肯定咁講,對於像我呢類雜食既,背景相當乾淨既 DP-X1,基本上可以滿足自己大部份的要求!


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

八掛仔

關於八掛仔

自少由日本動漫養大,十分鍾愛入場看電影、家庭影院、Head-Fi,八足咁多爪,咩都喜歡試玩一下!

觀看所有 八掛仔 的文章

相關文章