睇港產片唔洗買碟?? Apple & Google串流電影引入經典港產電影!!!

小瑟由VCD年代已經開始有玩下影音, 係屋企整個CHEAP CHEAP地的家庭影院, 當年一部DVD機, 一部合併式擴音機, 一套雞雞5.1系統已經係家中睇戲開心得不亦樂乎, 而除了荷理活大片DVD必定入手之外, 港產片更是手到拿來, 小瑟購入的港產DVD數量佔總DVD儲存量50%之多, 當年只要係大制作, 岩睇既港產片, 就一定會入手作收藏啦.

IMG_0879_edit

但藍光碟出台之後, 小瑟眼見十分之多的港產片都開始轉有藍光版本, 但畫質同音效質素不一, 值得從新入手的唔算好多, 而最緊要的是, 香港屋企地方之細, 可存放影碟的地方就日益減小, 當中有位最另人頭痛的就一定係搵位放碟勒, 呢個問題相信都係好多香港人面對既問題, 而且本身係手的DVD又真係唔舍得掉. 但自從上年小瑟家中入手左 Android TV 之後, 偶然一次進入 Google Play中的 電影分類後, 發現原來網上的港產電影庫都有唔小電影喎, 就係咁, 小瑟又從新投入返儲港產片的習慣呢.

apps-games-rows

Apple TV 定 Android TV???

其實又唔一定要買部新電視先可以睇到的, 最簡單其實莫過如買個Apple TV, 一部AppleTV, 一個Apple ID, 如果係用緊蘋果手機的朋友更加一定會有啦, 就係咁, 呢個方案就已經可以係你的電視上, 用你的戶口去儲你喜愛的影片, 在 Apple TV 租借或購買的電影, 系統會以串流形式直接進行播放, 所以大家一定要以網絡連接, 但小瑟作為電影迷, 當然係成套戲買入手啦, 況且儲係GOOGLE或APPLE的SERVER上, 我香左佢地應該都唔會有事啦!!!! 而一旦購買該片之後, 用同一個ID購買的電腦可以在3-4部不同的裝置上收看, 即係話我有部手機, 只要係同一個ID登入, 都可以睇得返該電影, 又好似小瑟咁, 我買左套戲係GOOGLE PLAY之後, 我外母果邊用同一個ID都可以睇到咁. 都咪話唔方便呢. 而呢個制度不論係 Apple 或 Android 電系統都一樣可以. 

apple_tv

∇ 下面左邊為 Apple 界面, 而右邊就係 Google Play 界面.

apple_    android_

∇ 就以殭屍先生為例, 要以HD解像度購買都只係HKD$68, 就已經有 1080p的解像度(雖然唔係好似依家D新片咁清, 但經修復效果已經叫可以了), 有字幕, 又可以隨時睇返, 絕對化算.

movie_apple

租借或購買電影方法

二大平台都可以有直接租借或者購買電影,用法好簡單,以 Apple TV 為例,入去 iTunes 既電影頁面,係右上角就有個「搜尋」,打入關鍵字,例如:家有,好容易就找到想要既電影,再選擇是租定買,下載完電影就可以睇架勒。

Conclusion : 「1080p的高清畫質以港產片來說不錯了!!」

小瑟就購入了哥哥經典電影大三元作第一套串流港產片,以Apple TV在外母家中收睇時,以1080p 畫質來說, 一定比家中早年的DVD來得清楚干淨, 相信片源都有經過修復才放到Apple TV上讓用家購買, 你問我畫質如何的話, 大家家中有冇NOW TV呢?? 如果有的話, 139的衛視電影台中都有一此高清經過修復的電影畫面差唔多, 以HKD$88來說可以永久收藏其實總好過我又再買一隻藍光碟回來儲但又要搵位放來得方便呢, 冇辨法啦, 小瑟家中放藍光的空間有限, 以前的港產片其實儲二聲道的版本已經好足夠了.

273b2231-d713-4c16-b0d9-44bf2f192ce2

DSC02981

DSC03000

DSC02995

 


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章