電視界首部支援 HDR 的4K – LG OLED 4K TV

昨天小瑟出席左LG 舉行的全新4K OLED TV發布會, 佢地一連推出左三款全新電視 EG9650和 EG9200,以及CURVED OLED TV EG9100, 今次焦點就係全球首款支援HDR高動態範圍影像的4K OLED TV EG9650和EG9200, 而 LG 係電視業中最積極推行OLED技術的廠家, 而暫時來講好多影音發燒友都對OLED有不同程度的期望, 因為OLED的技術同我地一直享往的PLASMA有著同樣每點像素都係自我發光體的原理, 所以係黑位上 OLED 理論上係可以做到”全黑”的顯示技術, 確保影像能呈現完美純黑及完美色彩.

如果想睇下昨天的現場情況可以睇下小瑟既試玩先.

OLED + HDR = ???

而今次佢地就更加加入OLED技術與HDR高動態範圍影像, 呢個HDR在荷理活電影業中大家都好似好有興趣去加入呢個技術, 聽說會比4K或8K內容更加快興起, 究竟是真是假就不得而知勒, 不過多一個功能點都好過冇呢, 而因為有左HDR支援既關係, 畫面中的對比位置就可以顯示到更多不同程序的層次, 對於我地鐘意睇電影既玩家來講, 絕對係一件好事呢.

LG_OLED_PRESS_03

顏色之廣有賴 4 Color Pixel

LG EG9650系列除左係全球首款支援HDR高動態範圍影像的4K OLED TV產品之外, 亦繼承了EG9600系列的功能, 當中包括 4K弧形屏幕 (3840 x 2160)同採用LG 獨有的4 Color Pixel (WRGB) 四色像素技術, 呢個技術都係可以另畫面的色彩得到更加大的色域, 出來的畫面非常鮮艷, 小瑟係現場睇完之後的確比佢呢個咁誇張的色彩所吸引, 不過唔知係屋企睇會唔會覺得頂唔住呢!!!

LG_OLED_PRESS_12

∇ 以下就係LG獨家技術 WRGB 的顯示圖, 一般的面板每個像素只有RGB三原的, 而白色就需要用呢三個色調出來, 但LG的四原色技術就加多一個白色像素點來另白色位置可以做得更加雪白.

LG_OLED_PRESS_11

∇ 而HDR的原理就在下圖一一說明了.

LG_OLED_PRESS_10

∇ Art Slim 設計, 再加上其弧形屏幕及接近無邊框的設計, 另到皇帝位的可視角可以得到最好既效果, 而透明水晶底座都尚算型仔, 使屏幕好似懸浮於半空, 放係家中真係好似一件又睇得又擺得的設備呢.

LG_OLED_PRESS_07

LG_OLED_PRESS_05

LG_OLED_PRESS_09    LG_OLED_PRESS_16

LG_OLED_PRESS_08

∇ 新系列配備音響產品製造商Harman/Kardon共同研發的高質素揚聲器系統, 讓電視中的聲音效果都得到不俗的感覺呢.

LG_OLED_PRESS_06

∇ EG9650 配備三個HDMI + 三個USB端子可供使用.

LG_OLED_PRESS_14

LG_OLED_PRESS_13    LG_OLED_PRESS_15

OLED技術已經成熟?

昨天小瑟去到LG場地中第一眼真係比部OLED TV的顏色同黑位吸引住, 雖然當場的設定用上左最鮮艷的模式, 顏色方面真係非常非常之咁鮮艷, 睇得耐真係會有一點點太濃的感覺, 但相信經過一定的調校會更合口味, 而黑位方面配上HDR加持的確係可以令到對比度強得另人有一點吃驚, 其立體感的迫力真的非常深刻, 大家當然有個問題想問就係同PLASMA比較會如何?? 小瑟係一個小時的感覺上, OLED的畫面干淨度比PLASMA更好, 尤其係PLASAM的黑位近看時其實是會有一點點的電流訊噪出現, 但OLED就絕對唔會有呢個問題, 不過又因為畫面太干淨太靚, 靚得反而有一點點超自然的感覺, 如果小瑟可以拿上手慢慢試就真係可以試真究竟經調校之後可唔可以調得更合自己口味. 而因為時間關係未能好好測試一下手機同電視的連接性及上網體驗如何, 呢點雖然大家可能會覺得有一點多餘, 但依家呢個世代如果手機或平板使用會比電腦同電視多的情況下, 如果電視可以方便上網的話, 是非常重點的一環呢.

LG_OLED_PRESS_02

推出日期及售價

65吋CURVED 4K HDR OLED TV 65EG9650 / $65,980
55吋CURVED 4K HDR OLED TV 55EG9650 / $40,880
55吋CURVED 4K HDR OLED TV 55EG9200/ $36,880
55吋 CURVED OLED TV 55EG9100                / $28,880


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章