【AV擴音機評測】堅持獨門秘方 DSP 的 – Yamaha RX-V579 開機分享

自從上次同大家介紹左O仔入門AMP之後, 小瑟就對依家新出既入門AMP非常之有興趣, 仲好希望今年可以同大家介紹一下以入門為目標的入門擴音機, 今次就同大家開機分享一下 Yamaha 呢部官方定價為 HKD$4680的 RX-V579, 同樣地都係送左去我地 76-FriendClub 小聚數天, 小瑟駁左佢同做左 AUTO SETUP, 依家就同大家分享開箱同小小既試聽感覺先啦.

yamaha_v579_01

yamaha_v579_02

開箱

∇ 整個開箱比大家睇下先, 界刀已經準備好呢.

yamaha_v579_03

yamaha_v579_04

yamaha_v579_05

∇ 開箱後有說明書, 天線, 搖控器, 例牌配置.

yamaha_v579_06

yamaha_v579_07

yamaha_v579_08

yamaha_v579_09

∇ Yamaha RX-V579真身來勒.

yamaha_v579_10

yamaha_v579_11

∇ Yamaha 一個最自豪的功能便是Cinema DSP 3D, 軟件中無論是 Dolby TrueHD 或 DTS-HD MA在配合不同的DSP模式時亦會同時便用 Yamaha Cinema DSP 3D功能, 相信玩 Y 記得朋友一定深知這個功能究竟有幾正呢.

yamaha_v579_13

yamaha_v579_20

yamaha_v579_14    yamaha_v579_12

yamaha_v579_15

yamaha_v579_16

∇ RX-V579 希望以無線影音為主, 所以插CAT5上網線及無線支援都一應俱全呢.

yamaha_v579_17

∇ 6入1出的HDMI端子, 一般家居使用都可能足夠, 不過如果有玩投影機的版友就唔係好夠用呢, 可能廠方目標用家都係以電視家庭影友為主, 所以有呢個安排呢!!!

yamaha_v579_18

yamaha_v579_19

RX-V579 的 7.1 設定

V579支援自家最多7聲道喇叭輸出, 即係最多可以唔加後級情況下, 直接插入7隻喇叭玩, 係一個入門來家來講, 其實真係夠哂用啦, 而相信 Yamaha 一直都對其 Cinema DSP 3D有十足的信心, 所以今次這台 RX-V579都沒有支援 Atmos 的提示, 而我地今次係76-FriendClub 既設定都係以7.1為主, 用上會址上的全套 JAMO 7.1 系統來做今次既測試.

yamaha_v579_21

yamaha_v579_25

yamaha_v579_26

∇ 插上YPOA咪之後, 畫面就會出現這個題示, 指示大家跟步驟就可以完成自動音場校正, 出奇地, V579的AUTO SETUP時間非常之咁快, 大既2分鐘左右就會完成整個校正, 真係估佢唔到呢!!!^^"

yamaha_v579_22

yamaha_v579_23    yamaha_v579_24

yamaha_v579_27

∇ 設定好之後, 小瑟再進入系統睇下有咩設定, 其實一般最常使用的例如音壓, 喇叭設定, 都一一可選, 而 Cinema DSP 3D Mode 方面就可以比你選擇ON/OFF, 用得Y仔就一定ON佢架啦, 對嗎??XDDDD

yamaha_v579_28

∇ 當然仲有17種DSP模式比你去選擇啦, 而睇D爆得既戲, 大家都多數會用到既一定係呢個 Sci-Fi 呢.

yamaha_v579_29

yamaha_v579_30

76-FriendClub 影音器材列表

投影機 : Epson EH-TW7200
投影幕 : JK 120″ HD-3 MKⅢ ST 電動【高清】玻纖幕
前級擴音機 : Onkyo PR-SC5530
後級擴音機 : PA-MC55019聲道後級放大器
喇叭 : Jamo C10 CEN(中置) , Jamo C103(前置) , Jamo THX D 500 Home Cinema Systems(後、中後置) , KEF E301(全景聲天花喇叭) , Jamo THX D 600 SUB(Subwoofer)
Blu-ray Player : Pioneer BDP LX58 , Philips BDP9700
HDMI : Kordz Neo-S3 , Kordz Lux , Kordz Neo-Link

76-fc-016

76-fc-018    76-fc-019

76-fc-017

76-fc-021    76-fc-022

實試近日至愛【木昇戰紀】

最緊張既時刻到勒,終於都可以囉碟來試試開聲勒。今次小瑟就搵近期至愛【木昇戰紀】有睇過小瑟文章都知, 呢期囉佢來測試太空船追逐戰真係冇得頂, 絕對係近期必試, 我地就來睇今次在 Yamaha RX-V579 在沒有天花喇叭及 ATMOS 的支持下, 以 Y 記最強的DSP技術下會有咩效果先。

這個環繞聲仔細度只Y仔獨有.

呢套戲出左之後, 小瑟真係睇左不下數十次, 係會址都試左真係N咁多次, 效果真係聽到熟哂, 而 V579一開機, 比小瑟感覺高頻好搶耳, 而力量方面以佢一部四千多元的入門機要應付哂76-FriendClub 上的全SET JAMO喇叭其實都真係越級挑戰, 而的確在量感上太大聲壓下 V579係有一點量感上比較吃力, 但識小瑟既朋友都知, 其實小瑟聽野真係比較大聲的, 所以今次小瑟都輕輕收細一點, 呢個情況下V579就會出得比較有線條的音效出來, 而V579比到小瑟最大驚喜的是其定位立體感真係做得非常之咁好, 尤其係小瑟CAP圖比大家睇到呢個最尾一段, 當畫面影住二位主角時, 左後架飛船係左邊一直剷到左前位置, 架船的路向真係好似係小瑟身邊行過一樣, 呢點非常之咁突出呢. 而追逐過程中的由上而下的效果, 因為係沒有天花喇叭的幫助下, 的確係感覺唔夠ATMOS有上方壓迫性的效果出來咁另人覺得過引, 但在 DSP 的幫助下, 其實如果唔係A/B比較之下, 又唔覺得真係咁大問題, 所以真係當入門機咁玩, 加唔到天花喇叭來講, 都算非常不俗了, 尤其係環繞聲的仔細度及距離感真係有唔錯既表現呢.

yamaha_v579_31

yamaha_v579_32

yamaha_v579_33

後話

小瑟第一次真正試玩Y 仔AV AMP, 部機到達 76-FriendClub 時, 睇哂整個箱都唔見有 Atoms 標誌, 的確係對 V579有一點擔心, 始終依家入手新AMP, 冇 Atmos 或 DTS:X 始終都好似係差一點點, 但調轉來想, 其實香港家居又有幾多人真係有機會可以掛到天花喇叭來建立自己的家庭影院呢?? 相信玩唔到 Atmos 或 DTS;X 的朋友會比玩到既多好多呢, 相信廠家亦都係見到這一點, 所以今次推出一系列的入門機時, 市場目標用家都放左係"多功能影音中心"呢個方向, 而一直以來 Yamaha 自豪的 Cinema DSP 技術就已經早就可以做到3D環繞效果, 所以一直以來就算係 Dolby Pro Logic IIz 等新制式對 Yamaha 用家來說都好似其實係舊技術一樣, 最終小瑟個人覺得廠方認為這些新技術唔一定加入都足夠了, 另外值得一提是, V579 仲有個叫 Virtual CINEMA FRONT 技術, 就係如果你屋企連後置喇叭都沒有都唔緊要, V579都可以用前置喇叭營造環繞聲效的包圍感, 小瑟當然就未試過啦, 但由此可見廠方對其 DSP 的應用已經充滿信心呢. 而內置 Wi-Fi , 藍芽及設有 DLNA 1.5, 支援 AirPlay 音訊食盡 FLAC/WAV/AIFF 以 24bit/192kHz 及Apple Lossless File都係其主力功能之一, 而大家最想玩到的 DSD 5.6MHz 都食埋, 功能上都已經有所交代, 另外畫面方面 RX-V579 支援 4K/60p, HDCP 2.2, 對應未來的4K熱潮應該都沒有大問題呢. 餘下是就是究竟佢既口味岩唔岩你啦!!!

溫馨提示: 黎緊明天的影音展, 在展會中都會有 Yamaha 展區會展出呢部V579 , 而我地 76-FriendClub 現在依然接駁住部 V579 係度, 如果你都想聽下小瑟所講既效果, 下個星期二開始, 就可以落去玩下啦!!!!^^"


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章