首爾文化深度遊 : Music Show Wedding

首爾,係香港人旅遊既熱門城市,相信有好多人到去過。唔知大家去到首爾會做咩呢?賞櫻花?購物?滑雪?食野?觀光?剛剛去完首爾既我,在朋友介紹同帶領下,以上除左滑雪同賞櫻花冇做到之外,其他全部都做齊。放心,我自問冇本事寫首爾旅遊攻略,所以,以下介紹既野,同購物、飲食都冇關係。今次去首爾,最大既收穫係睇左一個 Music Show – Wedding。

IMG_2729

Wedding 參加2013年愛丁堡邊緣藝術節,獲得世界最高文化藝術獎,亦被定位愛丁堡邊緣藝術節最具人氣作品。在當地,更被評為最高水平的五星級演出。故事係講:一對年輕人走上神聖殿堂一刻,女婿得不到岳父既歡心。新郎想盡辦法去得到岳父既喜歡,可惜,不得其願。特別客人登場,打破冷清既氣氛。丟花球時,花球竟然落在新娘父親手上。最後,這對年輕人既婚禮,能否順利舉辦?開場前,其實已經感受到Wedding既氣氛。劇中既新郎、新娘同主持會站在入口外,歡迎來賓、同賓客影相。賓客就梗係指入場觀看既人士。我既參與程度係,升降機門一打開,就衝左去新郎旁邊,影相。而場內既螢幕則即時實播入口既情況,直到開場。

IMG_2740

相信大家最關注既,應該都係怕個show會以韓文為主,會聽唔明。唔洗擔心,我去當日,其實見到有一團香港旅行團,一團國內旅行團。好睇既show,吸引都唔同地方既人去觀賞,不足為奇。劇員既對白,係韓文加英文,話明係music show,所以,對白都唔多。歌曲方面,中,韓,英都有,仲要係大家都十分熟悉。表演方面,每位劇員都多才多藝,歌舞、樂器表演就當然唔小得啦。大家留意一下,上圖左下角,係玻璃杯演奏。

IMG_3313

開場後,關上攝影器材、手機,係常識,所以,不能拍到片短比大家睇。上面幅圖係來自wedding既刊物。點解我會話呢個show係最大既收穫?去婚禮,小不免要同來賓互動一下。當日,我比劇員拉左上台,跟住佢地跳Sorry Sorry 同 Nobody既節錄。最後得到一張在台上同一眾劇員即影即有相,同一本Wedding刊物。每場,每個角色,都會由唔同劇員去做。所以,打開刑物時,唔洗覺得奇怪,點解好似冇見到某人出現既。

IMG_2746

IMG_3263

IMG_3250

地址:弘大音樂秀Wedding專用劇場
時間:星期一至五晚間8點 / 週六 下午5點、晚間8點 / 週日、國定假日 下午5點
費用:VIP席 60,000韓元
S席 50,000韓元
A席 40,000韓元

網址:http://big5chinese.visitkorea.or.kr/cht/SI/SI_CH_2_13.jsp?cid=1852968

根據官網韓國旅遊官方網站,Wedding做到2015年12月31日。另外,早一日於網上訂票,有優惠的。詳情及細則,請上以下既網站查閱(Wedding 既官網)。

網址:https://nanta.i-pmc.co.kr:444/Nanta/cn/Ticket/InfoTheater05.aspx


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

Wini

關於Wini

● 技能:吃、喝、玩、樂。● 興趣:絕對唔會係返工。● 夢想:走遍世界每一個角落,尋找屬於自己既領域。

觀看所有 Wini 的文章

相關文章