今次 “系統達人大激鬥" 可以話你知, 唔係一定勁機先會高分, 因為…..

其實今次【金耳朵系統達人大激鬥】原意希望可以讓一眾隨身聽既玩家, 可以有一個非常專業既機會, 試到究竟自己依家手上既耳機組合原來係適合聽咩歌路, 同埋專業錄音師 REX 在活動進行當日同大家講解返, 其實你既耳機系統的品牌, 究竟廠方係咩位上加重左效果, 而我地亦都希望可以由活動中比更多既版友知道究竟點樣了解自己組合, 所以我地拍左條片, 希望可以讓大家知道, 其實今次我地唔係想挑戰大家什麼, 而係希望可以借今次活動, 比大家可以使用到最專業既錄音室, 錄音師, 以及價值不菲, 係耳機行業中有"定海神針"之稱的"人頭咪"來幫大家了解一下自己的器材組合最耍家其實係邊個位置.

如果想更了解當日究竟點作測試, 花小小時間睇睇 REX 的測試過程丫!!^_^

影片內容文字版 : 有"定海神針"之稱的"人頭咪"究竟係咩來呢??

大家都成日聽人頭咪人頭咪, 原來人頭咪唔止得一個架喎, 世界各地都有非常之多唔同品牌的人頭咪出現, 而今次我地用既就係 “Brüel & Kjær 4128C – Head and Torso Simulator" 呢枝咪勒, 大家都可能係報紙雜誌見過其他款式既人頭咪, 但呢個好似冇咁靚仔, 仲多左個咀, 咁究竟點解既呢?? 原來呢個咪除左可以用來錄音或同耳機作測試之外, 仲可以有埋對話既功能, 咁就可以測試埋講野時器材既收音表現啦, 同埋大家睇下隻耳仔?? 佢係模仿返真人耳機同物料去設計, 希望可以做到同真人耳朵效果盡量一致, 成20萬美金, 折合成 HKD$1800000港紙架!!!!

philip_games_2015_03

philip_games_2015_01

philip_games_2015_02

philip_games_2015_05

philip_games_2015_04

究竟測試程序又係點呢??

大家睇完我地活動報名帖, 可能都會有個問題, 究竟點樣可以係一個公平既準則下作測試呢?? 呢個亦都係小瑟第一次聽到呢個GAME時, 心中第一個疑問. 但當REX同我解釋完一次佢地會點樣使用佢錄音室內中的器材, 先定好測試中器材的音壓, 確保每次測試都係同一個音壓水平上作比賽, 之後就會用上大會選定好的音樂檔來播放, 咁就可以確保人人的器材係收錄過程中的一致性啦!!!

philip_games_2015_06

philip_games_2015_07

philip_games_2015_08

philip_games_2015_09

收錄過程都需時15分鐘左右的, 而REX就會將錄音房完全鎖上, 將外界什音隔絕,  之後就會帶同參加者到混音區將收集的數據作分析, REX仲可以即場同大家講解一下, 究竟由你耳機發出來的音頻數據, 係邊個頻段有減弱, 有邊個頻段特意加強, 大家千萬唔好以為有頻段減弱就一定係差野喎, 其實呢個有可能係你耳機品牌希望用家可以聽到附合廠商要求的風格, 比如片中GIGI的耳機在 14000hz以上的高音dropoff左, 但見到其低頻位就有加強的線形, 代表耳機開發者希望用家聽歌時係低音位置可以有更強既表現, 而最正既係, 當日測試, REX仲會即時同大家坐低講解一下, 你耳機系統的音頻表現, 相信呢個玩法, 都唔係咁易做到掛!!!! (起碼小瑟做人咁耐, 都真係未聽過, 更加未見過啦!!!XD)

philip_games_2015_10

philip_games_2015_13

philip_games_2015_12

同你剖折樂器頻率

過程中, REX仲會同大家講解一下, 究竟你系統中的音樂頻率係屬於邊一類既性格, 中片REX就提到比如結他聲音, 正常頻率係會由 80Hz – 1.5kHz範圍的, 如果你的耳機系統係呢個結他的表現上, 比呢個範圍更闊, 就咁代表你的耳機廠牌希望可以比到唔同口味特性的結他感受用家, 例如另到大家聽落結他聲更有張力, 連貫性更好之類.

philip_games_2015_14

philip_games_2015_15

philip_games_2015_16

【金耳朵系統達人大激鬥】機會只有一次

大家睇完小瑟介紹今次活動, 係咪比之前更加明白玩法呢??? 其實呢個遊戲本身真係希望可以讓一眾76既師兄可以用到平時都幾難有機會用到的專業器材, 去更了解自己組合, 同埋音樂與耳機中的一些知識, 但如果齋比大家測試, 試完就咁囉分數表, 小瑟都過唔到自己果關啦XDDD, 所以我地就為大家向 Philips Fidelio 爭取左總值成HKD$20000蚊既獎金同獎品, 等大家都可以"有獎有糖, 有X有X"(自由填補題XDDD), 當然禮品又真係做唔到人人有份, 不過參加過既朋友都可以獲得【2015金耳朵系統達人大激鬥證書乙張】, 以感謝大家的參與, 仲等, 快D入去睇下片, 淨係條片都有D野學到架勒~~~^^"

報名貼連結:

https://post76.hk/forum.php?mod=viewthread&tid=213186

活動詳情:

日期: 2015 年 4 月 24 日 (星期五) 至 4 月 26 日 (星期日)
時間: 14:00 – 18:00  4 月 24 日      (星期五)
09:00 – 18:00  4 月 25-26 日 (星期六、日)
人數: 平均每小時最多三位
三天測試環節合共最多 60 人
地點: 柴灣嘉業街 12 號百樂門大廈 15 樓 08 室
           榮穫
SIA 專業認證嘅 域氏多媒體創作錄音室 (Result Multimedia Production)

=================官方活動新聞稿=====================

發燒級玩家的言論雖然甚具影響力,但口講無憑,始終要依靠一些科學的客觀數據作支持先可說服到當下眉精眼企的耳機玩家。而 Philips 近期大力推廣的 【Philips Fidelio「金耳朵大挑戰」】計畫就是讓一眾耳機玩家能透過科學化的測試程序以驗證自己聽力的高下,並以金、銀、銅等幾個類別區分,革新了過去耳機評測 一味靠吹的形象。眼見上回 【金耳朵大挑戰】活動好評如潮,今次 Post76 繼續與 Philips 聯手,推出全新的 【Post76 x Philips Fidelio 金耳朵系統達人大激鬥】活動。

012300anbte8vvxw7yhtbj

「系統達人大激鬥」與上次活動的最大分別是今次活動以的焦點是給予耳機、耳筒、耳擴及一眾便攜式播放器材一個客觀而又受玩家一致肯定的評價。為了令今次活動的結果更具說服力,Philips 一方更出動了平日只有研發小組才可以接觸得到的專業聲學儀器 : 「人頭咪」 為耳機、耳筒作最實證化的分析。過程中歌曲的原生聲軌會與耳機所產生的聲波作同步比對,以得出耳機在不同波段、頻率等的優劣高低。此活動參加者將有幸踏進專業錄音工程師 Rex 位於柴灣的 「APA 專業認証」錄音室 : 域氏多媒體創作錄音室,並會得到他的隨旁介紹和講解。單是聽到這幾點已令人有拎齊架生,衝去柴灣的衝動。另外,此活動戲肉部分是活動的優勝者 : 原音王、性價比王 (名額各一) 將會分別獲得現金港幣  $3000 及 Fidelio E5 隨選環迴聲效無線喇叭一套 (建議零售價 HK$6,999),所以如果你好想贏大獎,又好想知道自己手上一揪架生最適合播放咩歌曲音樂類型,您就要快快點擊下面的一條報名 Link 啦。

報名貼連結:

https://post76.hk/forum.php?mod=viewthread&tid=213186

活動詳情:

日期: 2015 年 4 月 24 日 (星期五) 至 4 月 26 日 (星期日)
時間: 14:00 – 18:00  4 月 24 日       (星期五)
          09:00 – 18:00  4 月 25-26 日 (星期六、日)
人數: 平均每小時最多三位
          三天測試環節合共最多 60 人
地點: 柴灣嘉業街 12 號百樂門大廈 15 樓 08 室
         榮穫
SIA 專業認證嘅 域氏多媒體創作錄音室 (Result Multimedia Production)

 


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章