靜與力的表現 – Pioneer SC-LX88

今年年尾, 我地都攪左唔小活動, 好多都係因為有新的音效格式 Atmos 而舉行的, 小瑟眼見科林人人都換機, 都好希望同大家一樣, 身痕想一試 Atmos 在家中發揮既效果, 雖然暫時未有得玩 Atmos, 不過都希望可以一試依家最新的 AV AMP究竟又有幾多增長, 今次問代理測試既就係 Pioneer SC-LX88, 小瑟係上三代 LX85時, 其實都已經對 Pioneer 的擴音機效果非常滿意, 今次去到 LX88有Atmos功能在 Chip SET晶片的要求非常嚴謹, 所以雖然小瑟屋企未正式有 Atmos 喇叭設定都好, 都希望試試LX88有幾正先.

pioneer_lx88_01

一貫旗艦機應有既東西都可以係LX88找到, 鍍金端子, 9.2 聲道輸出, Direct Energy HD CLASS D Power AMP, Air Studios Monitor 認證, USB-DAC 192kHz/32-bit, 並支援DSD Native (5.6MHz, 2.8MHz) 播放.

pioneer_lx88_02

今代佢地既 MACAA 仲升級為 Pioneer MCACC Pro (多聲道自動音埸補正系統), PQLS Bit-stream當然一定有啦, 另外值得一提既就係 Pioneer獨有的 Auto Level Control (ALC)功能, 呢個功能好正架, 小瑟有時一家大小係屋企時, 如果想睇戲聲音唔會有太大變化, 呢個ALC功能就VERY GOOD勒, ALC功能可以將聲音的高低幅度大大減低, 例如有打鬥場面出現時, 聲音就唔會突然間好聲, 但又可以清楚聽到對白, 好實用架!!!

pioneer_lx88_04    pioneer_lx88_05

SABRE32 Ultra DAC (ES9016 + ES9016)呢二粒頂級 DAC 負責 9.2聲道的解碼, 細緻度應該唔成問題啦!!!

pioneer_lx88_06

pioneer_lx88_07    pioneer_lx88_08

pioneer_lx88_09

pioneer_lx88_10    pioneer_lx88_11

今次既REMOTE就相對比較簡單左好多, 又有夜光功能, 呢點的確另人有一點失望呢.

pioneer_lx88_12

小瑟暫時未有機會可以玩到 Atmos(未批出天花證, 依家申請緊反射證~_~), 所以暫時都只係用緊 5.1聲道設定.

pioneer_lx88_14    pioneer_lx88_15

pioneer_lx88_17    pioneer_lx88_18

以 FULL AUTO MACAA自動設定好之後, 今次完全唔用後級, 就咁以 LX88 直出喇叭, 照理260W(SPEC指)應該絕對係夠哂推啦, 小瑟就拿出近日必試的電影來試試先.

第一套當然就係【變形金剛 4】老變四啦, 雖然未有Atmos, 不過鋼索呢段點都係要試既, 首先呢個場口大家都聽慣聽熟架勒, 空間感及鋼索的彈跳聲都比之前係屋企中感受仔細左好多, 每樣物件之專移動聲都清爽左好多, 呢個應該係 P 記尖聲特性, 好多人都話 P 記好尖聲, 小瑟覺得其實自 LX85 之後既機其實以 MCACC 自動效正之後, 其實已經冇 LX83 系尖得來有時都會有”吉”耳既情況出現, 依家反而出黎既效果係高音位圓滑性好左好多, 形成5隻喇叭的定位都好清晰, 前後連繫都有唔錯既表現. 而大家好多次都感受過的 “戰機上天花” 又點呢??? 你都唔好話, 雖然冇天花喇叭, 不過因為小瑟後置其實都高位, 所以戰機沖上天花都有一陣陣的天花感架, 而震撼性絕對唔洗擔心, 因為小瑟有隻12″ MK SB12幫手麻~~^^”

今次 LX88 的音效選擇DFILTER 小左喎, 只得返 SHARP 同 SLOW 選擇, 大家可以因應自己口味去更改呢個設定, 而小瑟BUY P記都係LIKE佢快聲, 所以 SHARP係必選的了.

pioneer_lx88_20    pioneer_lx88_21

講得LIKE P記既野, 又點會少得呢二個功能呀?? UPSAMPLING 及 EQ, 大家玩 P 記AMP時不妨試下二者分別, 效果非常明顯架, UPSAMPLING有X2及X4選擇, 呢個升頻係可以將音效中的仔細度大大提升的, 當然如果你認為都係原汁原味好既, 唔開都唔係問題呢, 而 EQ 就即係經由 MCACC 設定後, LX88會記下你所有喇叭體格及環境去作出EQ上的調校去另黃帝位達至最住效果, 小瑟自己就有時唔會開既, 因為希望可以用返喇叭本身性格來收聽就唔開勒.

pioneer_lx88_22    pioneer_lx88_23

結語:

唔知點解, 市場上好多朋友係LX88一出時, 都好快就入手換機, 但係二手市場又好快有不少機出售, 小瑟認為玩 Pioneer既機起初係覺得好煩下, 入MENU又好似同以前用開唔同, 功能又多, EQ又多野設定, 就連MCACC都有幾個MODE, 好似好煩咁, 但其實大家只需要 SET一次FULL AUTO MACAA 之後, 基本上都已經可以 ENJOY電影了, 當然如果你係進階玩家, 大家都可以再係設定內, 進入 MCACC 返定內攪下喇叭音壓, 距離, 每聲道的EQ設定等等, 如果又嚴入 MENU 玩設定太麻煩, 大家可以係睇緊戲時, 控手上既REMOTE “VIDEO”及 “AUDIO”再按上下來選擇一下不同的畫面及音效功能, 其實都非常易玩, 當然 Pioneer 既影音器材在 iOS的支援上係小瑟見過最完善同最靚仔的, 想REMOTE都唔要只用 iPAD控制又得, 所以其實小瑟覺得 P 記既機有時就係制作軟體方面如果可以再人性化小小, 再圖像化一點, 多一點親和力, 可能大家都會更愛它呢!!!

講返部LX88先, 今次小瑟真係小試牛刀冇得玩Atmos都同大家分享, 本來都諗會唔會加埋喇叭先出呢篇文同大家分享啦, 不過到依家都已經12月, 小瑟怕等等下, 又冇左件事, 所以不如下次小瑟加左喇叭之後再出過一篇同大家再分享咪仲好, 今次 LX88 雖然外觀上跟之前一樣, 但內部音效功能絕對同上代有大不同, 今次聲底比上代雄厚得來又不失細緻, 一直另小瑟津津樂道之定位同方向感依然到位, 而 LX88 比小瑟有多一份”穩定感”, 係大棚野出現時, 佢都依然可以提供到轉瞬間之爆發力, 呢點係小瑟今次試 LX88 最大既驚喜, 如果以依家 LX88 係旺角已經去到呢個入手價 “CLICK我睇價” 我諗都真係抵到不行啦!!!^_^


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章