偶然與巧合 – 陳綺貞老師

一個人的機遇是偶然 兩個人的偶然是巧合 ● 我們有幸在時間中 聽見陳綺貞

IMG_1143

2003年,陳老師出咗第一張獨立單曲「Sentimental Kills」,嚟到今日,已經係第七張,名為「偶然與巧合」。

有人認為,出獨立單曲好搵笨,但作為一個創作人,每日都有唔同嘅靈感,今日嘅感覺可能同聽日已經好唔同,獨立單曲比專輯更能為創作人帶出當時想講嘅嘢。而作為小粉絲,專輯與專輯之間,有呢啲安撫劑慰藉下其實都唔錯,所以呢種方式我自己本身都好buy嘅^^。

講返今次隻碟,全碟一歌、一淨音樂,採用一貫嘅紙套包裝,令人有一系列嘅感覺。首歌係現場演唱現場錄音,呢種方式陳老師之前都用過,不過今次移師台北捷運大安森林公園站,但一啲都唔影響錄音質素。

可能因為現場錄音,一開始,似乎刻意安排一段大堂廣播聲,一段吉他intro之後,隨之而來係陳老師招牌式嘅靚聲,一支吉他、一把靚聲,永遠都咁令人陶醉,所以,好快就好似置身其中一樣,忽然有個衝動,即刻衝落去捷運站見一見陳老師,定一定神,先發覺自己原來身處香港,果然,兩個人的偶然是要巧合的……(哭)。

緊接住第一首歌,第二首係一段海浪聲加上吉他聲,說不出的relax,兩分鐘,啱啱好,再長少少真係舒服到瞓著覺。

雖然係紙套包裝,但絕不馬虎,有齊歌詞紙、海報,仲送埋吉他譜添,可惜我唔識彈吉他啦……

封面
封面

 

封底,有獨立編號,不過我對獨立編號無特別喜好。
封底,有獨立編號,不過我對獨立編號無特別喜好。
歌詞紙
歌詞紙
內頁海報
內頁海報
隨碟附送嘅吉他譜,可惜我唔識彈吉他。
隨碟附送嘅吉他譜,可惜我唔識彈吉他。

今次除咗出碟,陳老師仲化身為作家,推出佢第一本散文集《不在他方》,收錄咗三十八篇散文、七封信件、三場對談同一段問答。
碟已經聽咗好多次,書就未有時間去買,幸好,買書唔需要偶然。

有興趣嘅朋友,可以到以下“本文章"連結討論分享

 


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

245141525

關於245141525

245141525: 亞祺,BEYOND教信徒,聽BEYOND的歌長大,流住BEYOND的血,經[一次意外]得以看破凡塵,豁達人生,自此致力宣揚BEYOND精神,亦希望將崇拜BEYOND的態度,用於每一件事,仍在努力中......

觀看所有 245141525 的文章

相關文章