師兄們… 您有一對金耳朵嗎???! – Philips Golden Ears 計劃

相信大家購買音響產品,都曾陷進了好不好聲,或哪款更好聲的迷思。我們相信「好聲」或「不好聲」,是主觀的.但聲音的數值,是客觀的,好多人都會說家庭影院會有THX/ISF認證來肯定其"功力"如何,但音響界一直又不見有這類認證課程的出現,近日小瑟發現 Philips推行了一個名為 Golden Ears金耳朵的計劃, 話佢係一個課程, 但佢只係又似是一個遊戲式的網上挑戰遊戲, 玩法就好似打 Online Game咁, 以互動方式挑戰大家對聲音敏感度, 從而提升你的LEVEL, 一級一級打上去, 十分過引!!

goldenears_01

過程中會有「基本」,「銅級」,「銀級」, 最後當然就係「金耳朵」呢個最高級啦, 小瑟登記左黎玩, 感覺都幾過引, 尤其係當你聽得出題曲中既分別時, 感覺都幾過引, 咁究竟呢個金耳朵點解會出現呢?? 原來 Golden Ears正正是建基於客觀聲學標準而建立的, 原本是 Philips內部訓練聲音工程師的工具, 專門為提升工程師們對其產品之聆聽技巧而設立的, 而有見這個工具其實對一眾音響或耳機發燒友的確可以起到一個指標性, 所以就開放給全球用家參加.

goldenears_07

∇整個Golden Ears計劃共分五個屬性, 各界的"畢業生"可以根據以下五個屬性檢測出一些細微的差別, 難度會遂級遂給增加, 五個屬性如下:

音質:音樂內容的聲調或頻率差異                                                       細節:高音不足、失真或噪音都會掩蓋音樂的細節

goldenears_02    goldenears_03

空間感:聲場的深度和廣闊度                                                             低音:低頻率的品質

goldenears_04    goldenears_05

音量:從安靜至大聲的聲音功率

goldenears_06

∇好勒, 講左咁多, 第一件事當然就要登記成為 Golden Ears學員先啦, 整個過程非常簡單, 只需要進入 Golden Ears網頁, 點擊 “註冊", 輸入你的登入資料再點 “註冊"就可以了.

goldenears_01

∇呢頭註冊完, 轉過去收MAIL, 已經收到由 Philips Golden Ears 發出的確認郵件, 記得 CLICK返激活連結去完成整個註冊程序呀, 如果唔係你係登入唔到上堂架!!!!^^"

goldenears_02

∇CLICK左激活連結之後, 就輸入之前登記的電郵同你自定的密碼, 開始上堂啦!!!!

goldenears_03

∇登入左之後, 大家可以見到左上角的完成度, 現時全球 Golden Ears金耳朵學員的等級, 嘩…..全世界得到金耳朵既人只有1494炸……我要快D GOGOGO先得!!!@@ (CLICK入"繼續我的訓練")

goldenears_04

∇入左第一個課程之後, 就開始上堂先, 第一課就係訓練小瑟對音質既感應性, 大家可以點選 “播放" 來收聽一曲美妙既女聲, 而過程中可以轉換 “應用效果" 來改變頻率振幅, 睇下你聽唔聽得出, 如果聽得出就可以直去"前往挑戰"勒..

goldenears_06

結語 :

曾經好多朋友(包括小瑟), 都對 Philips的產品有一點"怕左佢"既感覺, 網上更加有一句順口了 “若要生活好, 咪用菲利浦" 呢句名言, 的而且確, 小瑟係早年使用其DVD機, 及藍光機時, 都真係有不少古靈精怪的使用體驗, 但係近年 Philips 開展了一個名為 【Philips Fidelio Audio 】系列的產品線, 由上年小瑟試過其【旗艦級的性價王 – Philips Fidelio X1】又平又正的出品後, 的確對其品牌有一點另眼相看, 尤其隻X1玩左咁耐, 都未有什麼鑊氣出現過, 呢樣野真的加分不少, 今次由 Philips 牽頭帶領音響界進入一個可認證的新紀元, 算是非常有認受性, 好勒, 小瑟都要開始上堂勒, 睇下你上到金耳朵先定係小瑟哩!!!XDDDDD

Philips Golden Ears計劃網址 : https://www.goldenears.philips.com/tc/introduction.html


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章