發燒的入門 – OPPO PM-2 磁振平膜耳機

講起上次OPPO新出耳機同耳擴組合, 其實都唔係好耐既事, 話口未完, OPPO PM-2就已經到了我們編輯部的桌上, 老總小瑟影了幾張相發到佢面書之後, 就直接交了給我, 太高興了, 事關上次PM-1火仔跟本都玩唔夠, 今次PM-2又睇下有咩把炮先? 今次PM-2再冇用上超名貴木盒做包裝, 而耳機袋亦都是用上"牛仔布"來作耳機袋, 實用得來亦方便携帶.

oppo_ph-2_08

OPPO PM-2保留了PM-1聲學上及設計, 與PM-1絕對相似, 配帶起來都非常舒適性, 而驅動單元跟PM-1一樣, 一樣擁有螺旋增壓磁振平膜技術, 7層振膜, 雙面螺旋增壓音圈設計, 雙環型FEM優化磁場系統, 明顯地, 係音圈設計同磁場系統上, PM-1同PM-2係有分別的, 呢個就係PM-2比PM-1平30%左右的原因吧.

oppo_ph-2_09

oppo_ph-2_01

oppo_ph-2_03

另外一個肉眼都睇得見的分別, 就是呢個耳墊, PM-1係用上絲絨耳墊, 而PM-2就用天然乳膠作耳墊, 不過雖然是換了物料, 但火仔帶上起過三小時亦都不覺有太焗耳的感覺, 當然夏天帶出街依然是"不可能的任務"啦!XD

oppo_ph-2_06 oppo_ph-2_07

OPPO PM-2雖然屬於頭帶式大耳牛耳機, 不過其耳機的靈敏度達到102 dB, 火仔試過用手機Sony Z3手機直接推動, 其音亮比起之前用過的HD700的耳機完全不同, 雖然都未能達到火仔平時聽歌爆機的標準, 但絕對"夠聲", 不過要好好發揮又是二回事, 但如果大家懶起來都可以試試直接推動聽歌.

oppo_ph-2_04

oppo_ph-2_10 oppo_ph-2_02

今次我火仔同大家做測試的, 第一部是 Sony Z3手機直出KKBOX串流音樂, 另一個組合是韓國品牌Calyx M隨身播器及OPPO HA-1耳擴, 希望用不同的角度聽感來比大家了解一下PM-2的效果.

 Calyx_M_02

Sony Z3 + PM-2 + KKBOX串流音樂

大家都知道, KKBOX的音樂只係MP3格式, 但始終最多人聽的就是MP3, 所以今次火仔希望可以同大家分享一下KKBOX的聽感, 今天上去望一望, 原來謝安琪的新碟出台, 先試試新歌 “雞蛋與羔羊", 首先同大家講講火仔的Z3手機直出, 音壓可以話只係岩岩好, 真的是岩岩好, 因為Z3需要開盡來另音壓跟平時聽得一樣, 不過火仔聽開的聲浪都算好大聲, 所以還是可以接受的, 而音質方面, 比起火仔一直用開的入耳式 JVC HA-FX650分離度明顯優勝, 而用PM-2聽歌時, 有一個好強烈的感覺就是好像它將音訊作出優化似的, 謝小姐的聲線完全溶入於音樂之中, 感覺幼滑了不少, 不俗呢.(但真係唔出得街, 太熱了@@")

Calyx M隨身播器 + PM-2

韓國品牌Calyx M在76早有不少會員討論過, 今日火仔就借了這部近來大熱同大家分享一下其聽感, 推力足不嬲係M仔的特點, 雖然PM-2都不是難推耳機, 不過要推得出高中低似樣又唔係部部機做到. 火仔先以Beyond SACD Best Collection中的DSD檔,  第五首亞Paul主唱的"溫暖的家鄉"作測試, 平時火仔對由舊碟出來的SACD一般都唔會覺得靚聲的, 但這首歌係少數火仔覺得對得全SACD呢個名字的曲目, 而其編目因為簡單, 一枝結他, , 主唱, 和音, 再加小小伴碟音樂, 好舒服的感覺, 由Calyx M+PM-2出來的效果令火仔有一點點的感動, 因為耳機器材難得可以將亞PAUL聲線上的空間感表現出來, PM-2這次做到了, 而結他的弦線入耳感亦是這次測試時, 最令人陶醉的東西呢.

OPPO HA-1耳擴 + PM-2

來到終極的HA-1耳擴測試了, 選上了近來有誠意又好聲的鐘氏兄弟的《極》專輯來測試, 找來第四首的 “時代顛覆者", 新時代錄音係比較埋身的, 結他聲非常近, 而鐘氏兄弟的聲音跟樂器的分離度非常討好, 來到大L的表演, 其磁性既獨特聲線在PM-2內聽份外動聽, 值得再三回味.

編者總結

OPPO PM-2在早前推出PM-1之後好快就見街, 其定價亦相對平了1/3有多, 另好多想一步到位的朋友都對其虎視眈眈, 無他的, 以火仔來看, 除了耳機用上了比較經濟的物料之外, 耳綿方面比較"焗"耳小小之外, 基本上你要聽一些好發燒好發燒的錄音作品才會聽出較大的分別, 如果上次PM-1大家留心的朋友, 今次PM-2絕對不容錯過.

oppo_ph-2_05

>

有你既支持,就係我地最好既推動力,齊齊參與

FUNPost76.com

<

歡迎進入我地論壇對>>本文章<<發表您的回覆啦^^"
>

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***

 


🏠 ★ Post76網店經已開幕 《store.post76.hk》

火麒麟

關於火麒麟

火麒麟 - 顧明思意, 咩野都岩玩, 但就樣樣點著火頭就行開去, 喜歡聽歌, 咩歌都岩, 器材就一定要好聲, 但天價野就唔岩玩, 聽歌懶理好聲唔好聲, 最緊要岩聽.

觀看所有 火麒麟 的文章

相關文章