MEL C.C.OFC 紫芯銅高清天線 – 針對 4K 電視而設的補品

對上果次換天線原來已經係4年前既事了, 幾年前小瑟就因為高清廣播所以去鴨記自己執左料做左條DIY天線【DIY HDTV天線 AQ HD6-3+OSONIC頭】, 呢條線都陪伴左小瑟多時, 睇左N咁多小時既電視, 一直相安無事…………點知, 有日小瑟多手, 拉個櫃出黎換野之際, 一扯…….扯爆左個頭, 屋企冇電視睇我諗大家都知道, 將會發生既事唔係人咁品, 定家無寧日都有知, 所以就拿拿林是是旦咁落樓下整條廿蚊天線用住先.

mel_ccofc_01

有日同MEL既JUNE姐傾開, 佢話原來佢地因為知道依家4KTV既出現, 面板像素高左好多, 所以FULL HD既電視廣播信號要求相對要求高左好多, 所以佢地就整左條專比4KTV用既”C.C.OFC紫銅芯+鍍銀網”既發燒天線, 二話不說就問小瑟屋企用緊咩天線頭, 話同我整條, 話口未完, 第二日小瑟就係快遞既幫助下, 收到呢條”針L頭去公頭”, 拿上手時感覺好實在呢.

mel_ccofc_08

聽JUNE姐講, 呢條C.C.OFC紫銅芯熟度極高, 用上鍍銀網+呢龍裝外還配上黃色防干擾外皮, 頭尾仲有二個FILTER作濾波之用, 睇落好似好堅咁, 而頭尾當然一定要用上24K鍍金頭呢D就基本動作啦, 而除左小瑟手上的針L頭之外, 基本上佢有哂市面上4款”直/L頭”, “公去公”, “公去母”, “公去針”, 針去針”一一落齊, 非常貼心, 而2M定價 HKD$1480. 小瑟就好好彩, JUNE姐打左個靚折比我呢!!!^_^

mel_ccofc_03

mel_ccofc_04

mel_ccofc_05

mel_ccofc_06

mel_ccofc_09

小瑟唔爭氣, 仲未可以換到4KTV, 不過就係小瑟呢部爛鬼42″ Plasma TV上, 換上左呢條C.C.OFC天線之後, 一開TV第一下開電視就轉去高清TBB先, 正常地畫面一定係光左好多的, 呢點小瑟絕不意外, 因為條天線過比TV時, 當中干擾小左, 咁信號就會多返啦, 所以光度會比我之前用電視推光左既強得多, 所以小瑟就將個電視內, 畫質既之前所有返定RESET左先, 之後再慢慢調節返光度, 對比度, SHARP度, 效果絕對比小瑟之前果條廿蚊雞的天線明顯太多了, 尤其係顏色的鮮濃度豐富得來, 唔會有果份”谷”色的感覺, 同埋當電視去到大頭位時, 背景後的散景, 果一份立體感真係…………..正到冇野好講呢~~~~~~~~@@”, 而最驚喜係竟然係連DETAIL位都睇得清楚左, 尤以黑位內的東西依家都可以睇埋呢…..!@@”

mel_ccofc_10

mel_ccofc_11

#大家可以點CLICK以下圖片放到高清像素留意頭髮部份(當然過一過鏡又打左個折呢!!!)

mel_ccofc_12_full

小瑟最衰依家未有4KTV, 如果唔係小瑟相信呢條天線可以發揮到更大效用, 而現在4KTV其實已經非常普及, 價錢仲平左好多, 如果依家換TV, 真係一定係4KTV冇得講, 但當大家買左4KTV之後, 反而就會發現原有既天線出來的電視畫面係咁大像素面板上一定會相對差左, 情況就同之前模擬信號入數碼高清電視時既感覺一樣, 所以小瑟依家最緊要既, 就係快快更換一部4K既電視去引證呢條線比到出黎既真正效果呢.( ^.^希望我老婆睇到呢個POST啦XDDDDDD )

>

有你既支持,就係我地最好既推動力,齊齊參與

FUNPost76.com

<

歡迎進入我地論壇對>>本文章<<發表您的回覆啦^^”
>

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章