韓系好味朱古力磚 – Calyx M 隨身播放機

如果有留意過小瑟係科林出的 POST, 都可能會知道有一排小瑟會帶住一件小型炸蛋出街聽歌, 一部ANDROID手機+ADL X1 DAC及耳擴+耳機, 聲音就真係幾正, 介面亦非常好用, 仲可以聽埋Hi-Res File, 係街聽歌都可以享受到有肉地既音樂, 呢件的確係一件賞心樂事, 不過冇咩事, 就真係唔好轉歌勒, 因為……………

calyx_m_001 calyx_m_002

小瑟都知道市場上有好多高質既DAP係可以做到我想要既野呢, 不過一睇個價錢…………真係好驚驚, 直頭係驚到連試都唔敢試, 原因好簡單, 小瑟係一個冇咩定力既人, 又易中毒, 一中左好多時都會想盡方法入手, 但係上次見過耳機版版主 Jason玩呢部 Calyx M的評價非常正面, 而其中幾吸引小瑟就係其自家作業系統, Android式的操作另小瑟感覺非常親切, 而個價, 仲要相對親民(定價7千多, 起碼唔過萬XD), 而佢一身朱古力啡色磚既設計, 絕對合口味, 另外佢仲有隻大MON, 用起上來就更加討好, 所以就係咁, 小瑟就去左搵 Kent 勒………….^^”

calyx_m26

Calyx M規格

M仔出生目的小瑟相信都係直指高階市場的, 所以用料絕不馬夫, ESS ES9018K2M DAC解碼晶片, 最高支援384kHz/32bit PCM及DSD 128解碼, 呢個SPEC我諗有排玩勒, 仲要加埋Cortex A5處理器, 運算速度絕對唔係問題, 而操作介面唔係只用 Android原生介面, 而係廠方自己重新設計, 完全係為聽歌而生, 用落都算順手, M仔其實都唔算好大部, 體積13×7×1.5cm, 當然同依家D手機厚部冇得比啦, 不過好彩男仔拿上手都仲可以一手掌握到, 仲可以單手操作, 都算過得去啦, 而佢個MON就有4.65吋, OLED屏幕解像度就1,280×720, 用來搵歌睇封面就真係非常清晰, 而官方資料中就說明 M仔內置 3,100mAh鋰電池, 以數據來睇好似好唔錯, 不過好多野都係實試先知.

calyx_m12

手感極佳

可能成日囉住一件件炸蛋出街, 呢部Calyx M外型大小岩岩好, 可以放落褲袋岩岩好, 小瑟左邊一部Sony Z3, 右邊就一部M仔, 簡簡單單, 唔會再有囉炸蛋既”呢HAIR”情況出現, 如果大家都有上網 SEARCH過部機, 我諗大家都會知道佢個音亮控制係以”磁石”磁力王音量控制的, 好多朋友都有個好奇究竟係咪可以拆出黎的呢? 未正式出街既版本時, 係可以拆出黎的, 而正式出剩既版本, 就唔可以咁輕易就拆到粒”磁石”出來架, 小瑟試過用好大力咁扯都扯唔到, 小瑟唔敢再下一城了, 因為一定會整花部機呢…..~_~

calyx_m29

calyx_m23_A    calyx_m22

calyx_m21

小瑟個人覺得呢個四邊方方齊齊整整既設計十分高貴大方, 機頂有二個卡槽可插SD卡及microSD卡, 總容量可提升至最多448GB, 玩Hi-Res File動輒200MB一首歌, 唔可以加卡就真係冇陰公勒, 所以呢個可插卡設計絕對需要, 而右邊就有音亮調節及向前, 向後同暫停鍵, 方便大家係褲袋唔洗囉出黎都可以做到簡單操作呢.

calyx_m18    calyx_m17

calyx_m20

calyx_m32

支援FAT32及NTFS

M仔介面會好清楚咁顯示你所有的儲蓄卡的容量, 而值得一提的是, 所有的外置儲蓄卡都要FORMAT為NTFS式FAT32格式, 但其他的FORMAT例如ExFAT就不能比M仔認到, 呢點大家要留意呀, 因為小瑟上次買張microSD卡喂M仔時, 原來岩岩買返來的 microSD卡本身已經 FORMAT左為 ExFAT格式, 所以就咁插入M仔度, 佢係唔會認到的, 所以如果大家買卡比M仔時, 就需要插返係PC上FORMAY返做NTFS式FAT32先得勒.

calyx_m24

左邊就咩都冇的, 滑滑機身係咁多, 而底部就會有個USB充電孔比大家差電, 呢個USB差電就只需要用返平時大家Android手機差電線就可以直接充電, 用緊 Android既朋友(好似小瑟咁), 就一定岩哂……..因為唔洗再整多個差電頭呢!!!!^^”

calyx_m14    calyx_m13

操作介面

如果用緊Android既朋友, 其實都唔會太難去習慣M仔既介面, 而好多人都會留意佢既操作反應, 小瑟用左幾個星期, 如果要話佢既反應唔夠快, 我諗依家坊間好多高級既DAP介面都唔會爽得過佢好多, 不過如果大家係以依家手機既反應速度去作比較的話, M仔一定會另你覺得比較慢, 不過好彩, 佢又唔會慢到你有唔愉快既感覺呢. 而佢既選歌菜單都算幾方便, 可以比大家依ALBUM, ARTIST, TRACK, 同 FOLDER來選擇, 如果大家既歌係FLAC為主, 係TAG度加好哂的話, 用ALBUM同ARTIST都非常方便, 不過小瑟多用WAV, 所以 FOLDER就最岩我勒!!!!

calyx_m25

另外M仔本身既設定都幾多野可以玩, 不過小瑟仲未更新最新既FIRMWARE, 所以如果睇慣中文既朋友會有小小唔慣, 不過其實依家已經有新FIRMWARE推出, 仲有中文介面架勒!

calyx_m02

calyx_m03

而去到呢類都算燒燒地既DAP, 一般都會有好多唔同既ADVANCE功能, 就好似 M仔都會有個對應用家使用中的耳機方便大家設定返岩自己耳機既Ohm (Ω) 數設定, 呢個功能非常之正, 小瑟用緊既入耳式就有Sony XBA-H3, NuForce Primo 8, OPPO PM-2, Denon D7100, 呢個功能就正好可以比小瑟以不同Ohm (Ω) 數去用唔同既耳機收聽, 幾實用架!!!

calyx_m04

除左右邊的磁力王音亮控制之外, 設定中仲可以選 On-Screen Slider, 鐘意用邊個都得, 正所謂, 有得簡, 先至係老闆麻~~~^^”

calyx_m05

小瑟手上仲係0.96Firmware版本, 依家已經出到1.0, 仲可以完美支持繁/簡中文介面, 不過小瑟十分懶, 都唔得嫻去攪呢!XD

calyx_m06

一睇到呢個咁靚仔既選歌菜單, 就真係一個字……爽呀!!^^”

calyx_m08

calyx_m09

試聽小感

小瑟手頭上有好多好多歌, 不過自己始終係香港流行曲既FANS, 所以一定係搵返本地歌手作測試, 而耳機就係用 Sony XBA-H3, 先聽 2006年AV Show RIP出來夏爺的【 交叉點】試聽, M仔夾H3出黎既效果比小瑟感覺係好干淨, 音染唔多, 而音場唔係走廣闊路線, 比較集中同高清既質感, 尤其夏爺果把獨有的磁性聲線厚身而有肉地, 係M仔下出黎效果可以用入心入肺來形容, 同埋值得一提既係夏爺歌聲側邊D結他聲係M仔既分析力下好鬼突出, 感覺非常唔錯呢.

之後小瑟就換下清新口味, 搵來HiFi界靚女歌手【歌莉雅 – Perfact Match】中的第五首【傾心】, 大家有聽過都知, 呢首一開始好長好長的結他SOLO, 小瑟夠膽講, M仔出結他聲真係有一手的, 你可以係聽歌既時候, 腦中幻想到樂手玩弦線時的情境, 而出女聲今次反而感覺有小小厚身, 但夾落小提琴在旁為歌莉雅作伴, 音樂感好好, 但又未至於令人陶醉, 因為反而因為M仔太過清純咁呈現出錄音的細節而少了一份”人情味”在音樂中.

呢個時候, 小瑟就拿出OPPO PM-2來再試一次(不過今次唔記得影相…~_~), 將個 Ohm (Ω) 數定返做 HIGH先可以完全將PM-2推得順暢, 再聽返呢首傾心…………..E….EEE, 整個音場都拉闊左成個身位, 左右二邊就好似有一隊BAN係小瑟面前咁, 而歌莉雅就成個企左係小瑟面前咁唱呢首歌, 最另小瑟感動既係, 今次歌莉雅人聲既音樂感同音樂整體既感染力大大提升, 換上隻PM-2先知原來M仔可以去到呢個境地呢.@@”

calyx_m16    calyx_m10

calyx_m11

電池續航力

M仔電池續航力經過小瑟幾星期的測試, 小瑟全機最小都係 16bit/44.1kHz的WAV FILE, 而24/96或24/192 PCM FILE亦唔小, DSD FILE都有一些, 係連續用H3出街聽歌既情況下, 最多最多真係只可以聽四個零鐘就去到下圖既情況, 雖然官方資料就話佢有3,100mAh可播7小時的音樂, 不過小瑟相信7小時呢個可能性不大了, 不過小瑟其實都唔太介意呢個問題, 因為一般都係出街搭地鐵時一程車的時間先會聽, 而一程車一來一回都只係二小時左右, 所以對我影響示太大, 就係每晚返屋企都要差自己部手機時, 要順便差埋部M仔, 但好彩佢又係用USB差電, 都OK方便啦!!!

calyx_m28

呢個關機畫面, 極有 Android Free呢.

calyx_m31

結語

係小瑟同大家分享呢篇文章既時間, M仔又有新FIRMWARE推出左, 就係 1.0 UPDATE呢個VERSION勒, 除左 FIX左D BUG之外, 仲追加左繁/簡體中文菜單, 我地香港既用家用起來就更加順手了, 亦更加希望佢呢個FIRMWARE之後, 可以改善埋電力既問題啦, 有時間小瑟會更新埋個新FIRMWARE再同大家分享一下. 另外小瑟玩左M仔幾個星期, 發覺M仔係聽歌時既機身都算幾熱, 不過上網爬過文之後, 話可能更新左FIRWARE之後可以改善呢個問題, 不過小瑟問過 Kent, 佢話因為粒DAC既運算都非常之高, 所以係解碼時一定會產生熱量, 不過小瑟呢點又真係唔太介意的, 因為小瑟發覺部機越熱時, M仔出黎既人聲係越溫暖的, 況且小瑟放部M仔係褲袋時, 都仲未有煲熟”蛋蛋”呢個問題就由佢啦!!!!XDDDDD

>

有你既支持,就係我地最好既推動力,齊齊參與

FUNPost76.com

<

歡迎進入我地論壇對>>本文章<<發表您的回覆啦^^”
>

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章